ପାଖରେ ଥିଲେ ସ୍ମାର୍ଟଫୋନ୍‌... ଡକ୍ୟୁମେଣ୍ଟ ପ୍ରିଣ୍ଟ୍‌ ପାଇଁ ନୋ ଟେନ୍‌ସନ୍‌ !

ଆପଣ ଆଣ୍ଡ୍ରଏଡ୍ ସ୍ମାର୍ଟଫୋନ୍‌ ବ୍ୟବହାର କରୁଥିବେ । କିଛି ଲୋକ ନିଜର ଜରୁରୀ କାମ ପାଇଁ ଟାବ୍‌ଲେଟ୍‌ ମଧ୍ୟ ବ୍ୟବହାର କରିଥା’ନ୍ତି । ଇଣ୍ଟରନେଟ୍‌ ଦ୍ୱାରା ସମସ୍ତେ ସେମାନଙ୍କ କାମ କରିବା ସହ ଅନେକ ଗରୁତ୍ୱପୂର୍ଣ୍ଣ ଡକ୍ୟୁମେଣ୍ଟ୍‌ ମେଲ୍‌ ହେଉ କିମ୍ବା ହ୍ୱାଟସାପ୍‌ ଜରିଆରେ ପଠାଇଥା’ନ୍ତି । ହେଲେ ସ୍ମାର୍ଟଫୋନ୍‌ କିମ୍ବା ଟାବ୍‌ଲେଟ୍‌ ଦ୍ୱାରା କୌଣସି ଡକ୍ୟୁମେଣ୍ଟର ପ୍ରିଣ୍ଟ ହୋଇପାରିନଥାଏ । ଯାହାକି ପ୍ରାୟ ସମସ୍ତେ ଜାଣିଥା’ନ୍ତି । ହେଲେ କ’ଣ ଆପଣ ଜାଣନ୍ତି ? ଆପଣ ବି ବିନା ଲାପ୍‌ଟପ ଓ ଡେକ୍ସଟପ୍‌ ବ୍ୟତୀତ ସ୍ମାର୍ଟଫୋନ୍‌ ଏବଂ ଟାବ୍‌ଲେଟ୍‌ ଦ୍ୱାରା ସମସ୍ତ ଡକ୍ୟୁମେଣ୍ଟର ପ୍ରିଣ୍ଟ କରିପାରିବେ । ଆସନ୍ତୁ ଜାଣିବା...

ବର୍ତ୍ତମାନ ସମୟରେ କମ୍ପ୍ୟୁଟର ହେଉ କି ଲାପ୍‌ଟପ୍‌ ସହ ପ୍ରିଣ୍ଟର କେବୁଲ୍ ଲଗାଇ ଡକ୍ୟୁମେଣ୍ଟର ପ୍ରିଣ୍ଟ କରିବାର ସମୟ ଶେଷ ହୋଇଛି । କାରଣ ଆହୁରି ଟେକ୍ନୋଲଜି ଆଗକୁ ବଢ଼ିଛି । ଏବେ ଆଣ୍ଡ୍ରଏଡ୍ ସ୍ମାର୍ଟଫୋନ୍ ଇନ୍-ବିଲ୍ଟ ପ୍ରିଣ୍ଟିଙ୍ଗ୍ ସେବା ସହିତ ଆସୁଛି । ଯାହା ଆପଣଙ୍କ ପସନ୍ଦର ବ୍ରାଣ୍ଡ ଉପରେ ନିର୍ଭର କରିଥାଏ । ଏଥିପାଇଁ ଆପଣଙ୍କ ଆଣ୍ଡ୍ରଏଡ୍ ଡିଭାଇସରେ ଏକ ପ୍ରିଣ୍ଟର୍ ସେଟ୍ ଅପ୍ କରିବାକୁ ପଡ଼ିବ ।

ପ୍ରିଣ୍ଟ କରିବା ଆଗରୁ ପଢ଼ିନିଅନ୍ତୁ ଏହି ସବୁ ଟିପ୍ସ-

୧. ଏଥିପାଇଁ ପ୍ରଥମେ ଆପଣଙ୍କୁ ଗୁଗୁଲ୍ ପ୍ଲେ ଷ୍ଟୋର ଖୋଲିବାକୁ ହେବ । ସେଠାରେ ଆପଣ ପ୍ରିଣ୍ଟରର ବ୍ରାଣ୍ଡ ଚୟନ କରି ଆପ୍‌ ସହ ଲିଙ୍କ୍‌ କରିବେ ।

୨. ଲିଙ୍କ୍‌ କରିବା ପରେ ଆପଣ ଡକ୍ୟୁମେଣ୍ଟ ଫାଇଲର ଡାହାଣରେ ଥିବା ତିନୋଟି ବିନ୍ଦୁ ନିକଟକୁ ଯିବାକୁ ହେବ । ସେଠାରେ ଆପଣ ପ୍ରିଣ୍ଟର ବିକଳ୍ପକୁ ବାଛି ପାରିବେ ।

୩. ପ୍ରିଣ୍ଟର୍‌ର ପ୍ରିଣ୍ଟ୍ ସର୍ଭିସ୍ ବାଛିବା ପରେ ଆପଣ ପ୍ରିଣ୍ଟ ଦେଇପାରିବେ ।

ଆପଣ ଏହିପରି କରିବା ଦ୍ୱାରା ଡକ୍ୟୁମେଣ୍ଟ ପ୍ରିଣ୍ଟ କରିପାରିବେ । ତାହା ଛଡ଼ା ଏହି ବିକଳ୍ପ ମଧ୍ୟ ଆପଣଙ୍କୁ ଖୁବ୍‌ ସହଜ ମନେହେବ । ପରବର୍ତ୍ତୀ ସମୟରେ ଏହିପରି ଡକ୍ୟୁମେଣ୍ଟ ପ୍ରିଣ୍ଟ କରିପାରିବେ ।