ଆଉ ହଇରାଣ ହେବେନି ଚାଷୀ, ମୋବାଇଲରେ ସମାଧାନ ହେବ ଚାଷ ସମସ୍ୟା

ଯୁଗ ବଦଳିବା ସହ, ତାଳ ଦେଇ ବଦଳୁଛି ବିଜ୍ଞାନ । ବର୍ତ୍ତମାନ ଆର୍ଟିଫିସିଆଲ ଇଣ୍ଟେଲିଜେନ୍ସ ସର୍ବାଗ୍ରେ ରହିଛି । ଗୋଟିଏ ବଟନ କ୍ଲିକରେ କାମ ହେଉଛି । କଥା କହିଲେ ମୋବାଇଲ ଠାରୁ ଆରମ୍ଭ କରି ଯାବତୀୟ ଜିନିଷ ଚାଲୁଛି । ମଣିଷ ଚନ୍ଦ୍ରରେ ଘର କରିବାର ଯୋଜନା କଲାଣି । କିନ୍ତୁ ଏ ସବୁ ମଧ୍ୟରେ କୃଷି କ୍ଷେତ୍ରରେ ବିଜ୍ଞାନର ବ୍ୟବହାର ପଛରେ ପଡ଼ି ଯାଇଛି ।

ଅର୍ଥର ଅଭାବ ତଥା ଜ୍ଞାନର ଅଭାବ, ଏଥିପାଇଁ ମୁଖ୍ୟତଃ ଦାୟୀ । କିନ୍ତୁ ଏବେ ଆଉ ନୁହେଁ । ବର୍ତ୍ତମାନ କ୍ଷେତରେ ଛିଡା ହୋଇ ନିଜ ମୋବାଇଲରେ ସମସ୍ୟା ଆଉ ସମାଧାନ ପାଇବ ଚାଷୀ । ଏଣିକି ଆଉ ଫସଲ ପରାମର୍ଶ ବା ରୋଗ ପୋକ ନିରାକରଣ ପାଇଁ କୃଷି ଅଧିକାରୀଙ୍କ ପାଖକୁ ଦୌଡ଼ିବାକୁ ପଡିବନି ।

AI ବା ଆର୍ଟିଫିସିଆଲ ଇଣ୍ଟେଲିଜେନ୍ସକୁ ବ୍ୟବହାର କରି ସେବା ପାଇପାରିବ ଚାଷୀ । କୃଷି ବିଭାଗ ପକ୍ଷରୁ ଆମ କୃଷି AI ଚାଟ୍ ବୋଟ୍ ଲଞ୍ଚ ହୋଇ ଯାଇଛି । ଯାହା ମାଧ୍ୟମରେ ଚାଷୀ ଚାଟ୍ କରି ତାର ସମସ୍ୟା ପାଇବ ଆଉ ସଙ୍ଗେ ସଙ୍ଗେ ସମାଧାନର ପନ୍ଥା ମଧ୍ୟ ପାଇବ ।