Whatsapp Scam: ଅନ୍‌ଲାଇନ୍ ସ୍କାମ୍‌ର ୫ଟି ଉପାୟ; ଜାଣନ୍ତୁ ଏଥିରୁ ରକ୍ଷା ପାଇବାର ଟିପ୍ସ

ଭାରତରେ ପ୍ରତିଦିନ କିଛି ନା କିଛି ସ୍କାମ୍ ହେଉଛି। ଅନେକ ସମୟରେ ଲୋକମାନଙ୍କର କିଛି ଭୁଲ ହେତୁ ଏଭଳି ସ୍କାମଗୁଡିକ ହୁଏ ତ ପୁଣି କେତେବେଳେ ଲୋକମାନେ ବୁଝିପାରନ୍ତି ନାହିଁ ଏମିତି କ’ଣ ହେଲା? ଯଦିଓ WhatsApp ଏମିତି ଭାବେ ଡିଜାଇନ୍ ହୋଇନାହିଁ ଯାହା ଦ୍ୱାରା ଆପଣ ଏହାର ସାହାଯ୍ୟରେ ଲୋକଙ୍କୁ ସ୍କାମର ଶିକାର କରିପାରିବ, କିନ୍ତୁ ସାଇବର ଠକମାନେ ନିଶ୍ଚିତ ଭାବରେ ଏହାର ଅପବ୍ୟବହାର କରୁଛନ୍ତି। ତେବେ ଆସନ୍ତୁ WhatsApp ସ୍କାମ୍‌ରୁ କିପରି ଦୂରେଇ ରହିବେ ସେ ବିଷୟରେ ଜାଣିବା।

ଅଜଣା ନମ୍ବରରୁ ଦୂରେଇ ରହିବା ଭଲ:

ଯଦି ଆପଣ ଏକ ଅଜଣା ନମ୍ବରରୁ WhatsApp ରେ କୌଣସି ମେସେଜ୍ ପାଉଛନ୍ତି ତେବେ ତୁରନ୍ତ ଏହାର ଉତ୍ତର ଦେବାର ଭୁଲ କରନ୍ତୁ ନାହିଁ। ପ୍ରଥମେ ନମ୍ବର ଯାଞ୍ଚ କରନ୍ତୁ ଏବଂ ଅନୁଭବ କରନ୍ତୁ ଯେ ଆପଣ ଜାଣିଥିବା ବ୍ୟକ୍ତି ପ୍ରକୃତରେ ଆପଣଙ୍କ ସହ କଥା ହେବାକୁ ଚାହାଁନ୍ତି। ଏହା ପରେ ଚାଟିଂ କରିବା ଆରମ୍ଭ କରନ୍ତୁ।

ଅଧିକ ପଢ଼ନ୍ତୁ: WhatsApp ରେ ଆଉ ଏକ ନୂଆ ଫିଚର; କେହି ନେଇପାରିବେନି ସ୍କ୍ରିନ୍‌ସଟ୍

ଫିସିଂ ଆକ୍ରମଣ:

ସାଇବର ଠକଗୁଡିକ ସାଧାରଣତଃ ବ୍ୟାଙ୍କ୍‌, ଡେଲିଭରୀ ସେବା ଏବଂ ସରକାରୀ ଏଜେନ୍ସି ନାମରେ ଲୋକଙ୍କୁ ମେସେଜ୍ ପଠାନ୍ତି ଏବଂ ସେମାନଙ୍କୁ ଭୟଭୀତ କରିବାକୁ ଚେଷ୍ଟା କରନ୍ତି। ଏଭଳି ମେସେଜ୍ ପ୍ରତି ସବୁବେଳେ ସାବଧାନ ରୁହନ୍ତୁ ।

କ୍ଲିକ୍ କରିବା ପୂର୍ବରୁ ଚିନ୍ତା କରନ୍ତୁ:

WhatsApp ରେ ଆସୁଥିବା କୌଣସି ବି ମେସେଜ୍ ସହିତ ଦିଆଯାଇଥିବା ଲିଙ୍କ୍‌ରେ କ୍ଲିକ୍ କରନ୍ତୁ ନାହି। ଯଦି ଆପଣ ବିଶ୍ୱାସ କରୁଥିବା ବ୍ୟକ୍ତି ଲିଙ୍କ୍ ଶେୟାର୍ କରିଛନ୍ତି, ଆପଣ ଏହାକୁ ଦେଖିପାରିବେ। କିନ୍ତୁ ଏହା ଯଦି କୌଣସି ଅଜଣା ନମ୍ବରରୁ ଆସୁଛି ତେବେ ଏହା ଉପରେ କ୍ଲିକ୍ କରନ୍ତୁ ନାହିଁ। ଏହି ଲିଙ୍କ୍‌ଗୁଡିକ ସାହାଯ୍ୟରେ ଫୋନ୍‌ରେ ମାଲୱେର୍ କିମ୍ବା ଭାଇରସ୍ ଡାଉନଲୋଡ୍ ହୋଇପାରେ।

ବ୍ୟକ୍ତିଗତ ସୂଚନା ଶେୟାର କରିବାରେ ସତର୍କ ରୁହନ୍ତୁ:

ଆପଣଙ୍କର ବ୍ୟକ୍ତିଗତ ସୂଚନା ଯେପରିକି ବ୍ୟାଙ୍କ୍‌ ଆକାଉଣ୍ଟ ନମ୍ବର, ଇଣ୍ଟର୍‌ନେଟ୍ ବ୍ୟାଙ୍କିଙ୍ଗ୍ ପାସ୍‌ୱାର୍ଡ, କ୍ରେଡିଟ୍ କାର୍ଡ ଆଦି ବିବରଣୀ କୌଣସି ପରିସ୍ଥିତିରେ ବି କାହା ସହିତ ଶେୟାର କରନ୍ତୁ ନାହିଁ।

କମ୍ ସମୟ ମଧ୍ୟରେ ଅଧିକ ରୋଜଗାର କରନ୍ତୁ:

ସବୁବେଳେ ଗୋଟିଏ କଥା ନିଶ୍ଚିତ ମନେରଖିବେ ଯେ ଭଲ ଜିନିଷ ସବୁବେଳେ ବିଳମ୍ବରେ ହୋଇଥାଏ। କମ୍ ସମୟ ମଧ୍ୟରେ ଅଧିକ ରୋଜଗାର କରିବାକୁ କୌଣସି ସର୍ଟକଟ୍ ନାହିଁ, ବରଂ ଏହା ଏକ ଠକାମିର ଉପାୟ। ସାଇବର୍‌ ଠକମାନେ WhatsApp ରେ ଲୋକଙ୍କୁ ମେସେଜ୍ ଦିଅନ୍ତି ଏବଂ ଇନ୍‌ଭେଷ୍ଟ୍ ପରେ ଖୁବ୍ କମ୍ ସମୟ ମଧ୍ୟରେ ସେମାନଙ୍କ ଟଙ୍କା ଦ୍ୱିଗୁଣିତ ହେବ ବୋଲି ପ୍ରଲୋଭନ ଦେଖାନ୍ତି। ଏହା ଠାରୁ ଦୂରେଇ ରହିବା ସହିତ ଲଟେରୀ, ଅଫର୍ ଇତ୍ୟାଦି ଠାରୁ ମଧ୍ୟ ଦୂରରେ ରୁହନ୍ତୁ।