ଫ୍ୟାନ୍‌ଙ୍କ ଉପରେ ଚିହିଁକି ଉଠିଲେ ବିରାଟ, କହିଲେ ଅନୁଷ୍କାଠୁ...

ଆଇପିଏଲ୍‌ରେ ବ୍ୟସ୍ତତା ସତ୍ତ୍ୱେ ବିରାଟ କୋହଲି ଏବଂ ତାଙ୍କ ପତ୍ନୀ ଅଭିନେତ୍ରୀ ଅନୁଷ୍କା ଶର୍ମା ବେଙ୍ଗାଲୁରୁର ଲୋକପ୍ରିୟ ଭୋଜନାଳୟ CTR ରେ କିଛି ସୁସ୍ୱାଦୁ ଖାଦ୍ୟ ଖାଇବାକୁ ଯାଇଥିଲେ । ବିରାଟଙ୍କ ପ୍ରତିଟି ଖବର ଉପରେ ଫ୍ୟାନ୍ସଙ୍କ କଡ଼ା ନଜର ରହିଥାଏ । ସ୍ୱାମୀ-ସ୍ତ୍ରୀ ଭୋଜନ କରିବାକୁ ଆସିଥିବା ଖବର ନିଆଁ ଭଳି ଖେଳିଗଲା ଓ ଭୋଜନାଳୟ ଆଗରେ ଫ୍ୟାନ୍ସଙ୍କ ଭିଡ଼ ମଧ୍ୟ ଜମିଲା । ଏହାରି ମଧ୍ୟରେ କିଙ୍ଗ୍‌ କୋହଲି ଜଣେ ଫ୍ୟାନ୍ସଙ୍କ ଉପରେ ରାଗିଯିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ଅଧିକ ପଢ଼ନ୍ତୁ: ଅନୁଷ୍କାଙ୍କ ସହ ଗୋଟିଏ ଗୋଡ଼ରେ ନାଚିଲେ କୋହଲି

ଭାରତର ଚର୍ଚ୍ଚିତ ଯୋଡ଼ି ବିରାଟ-ଅନୁଷ୍କା(ବିରୁଷ୍କା) ସବୁବେଳେ ଚର୍ଚ୍ଚାରେ ରହିଥାନ୍ତି । ଆଇପିଏଲ୍‌ ମ୍ୟାଚ୍‌ର ବ୍ୟସ୍ତତା ମଧ୍ୟରୁ କିଛି ସମୟ କାଢ଼ି ଦୁହେଁ ବେଙ୍ଗାଲୁରୁର ପ୍ରସିଦ୍ଧ ଭୋଜନାଳୟ CTR(Central Tiffin Room)କୁ ଖାଇବାକୁ ପହଞ୍ଚିଥିଲେ । ଭୋଜନାଳୟରୁ ବାହାରିବା ସମୟରେ ତାଙ୍କ ଗାଡ଼ି ପାଖରେ ଶହଶହ ଫ୍ୟାନ୍ସଙ୍କ ଭିଡ଼ ଜମିଥିଲା । ବିରାଟ ଓ ଅନୁଷ୍କାଙ୍କ ସହ ଫଟୋ ଉଠାଇବାକୁ ଅନେକ ଫ୍ୟାନ୍ସ ଚେଷ୍ଟା କରିଥିଲେ । ତାଙ୍କ ମଧ୍ୟରୁ ଜଣେ ଫ୍ୟାନ୍‌ ଭିଡ଼ରେ ସିକ୍ୟୁରିଟି ଭାଙ୍ଗି ଅନୁଷ୍କାଙ୍କ ସହ ଫଟୋ ଉଠାଇବାକୁ ଚେଷ୍ଟା କରୁଥିବା ବେଳେ ବିରାଟ ରାଗିଯାଇଥିଲେ । ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

Virat Kohli got mobbed in Bengaluru 😆❤️‍🔥 after lunch date with Anushka nd family . pic.twitter.com/JYHNtDaYMo

— `` (@KohlifiedGal) April 22, 2023

ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି ଯେ, ଫ୍ୟାନ୍‌ ଜଣଙ୍କ ନିୟମ ଭାଙ୍ଗି ଅନୁଷ୍କାଙ୍କ ପାଖକୁ ଆସୁଥିବା ବେଳେ ବିରାଟ ତାଙ୍କୁ ଅନୁଷ୍କାଙ୍କଠୁ ଦୂରରେ ରହିବାକୁ ପରାମର୍ଶ ଦେଇଥିଲେ । ପୂର୍ବରୁ ମଧ୍ୟ ଆଇପିଏଲ୍‌ରେ ମ୍ୟାଚ୍‌କୁ ନେଇ ବିରାଟ ବିରକ୍ତ ହେବାର ଲୋକେ ଦେଖିଥିବେ । ବିରାଟ କ୍ରିକେଟ୍‌ ପ୍ରତି ଯେତେ ଗୁରୁତ୍ୱ ଦିଅନ୍ତି, ନିଜ ପରିବାରକୁ ବି ସେତିକି ଗୁରୁତ୍ୱ ଦିଅନ୍ତି ।

ସେହିପରି ବିରାଟ ଓ ଅନୁଷ୍କାଙ୍କ ଏକ ଡ୍ୟାନ୍ସ ଭିଡିଓ ମଧ୍ୟ ସୋସିଆଲ୍‌ ମିଡିଆରେ ଭାଇରାଲ ହେଉଛି । ରବିବାର ରାତିରେ ଆର୍‌ସିବି ୭ ରନ୍‌ରେ ରାଜସ୍ଥାନ ରୟାଲ୍ସକୁ ପରାସ୍ତ କରିବା ଅନୁଷ୍କା ଏହି ଭିଡିଓକୁ ନିଜ ଇନ୍‌ଷ୍ଟାଗ୍ରାମ ପେଜ୍‌ରେ ସେୟାର କରିଥିଲେ । ଉଭୟ ବିରାଟ ଓ ଅନୁଷ୍କା କିଛି ସମୟ ପାଇଁ ଏକ ପଞ୍ଜାବୀ ନୃତ୍ୟରେ ନାଚିବାର ଏଥିରେ ଦେଖିବାକୁ ମିଳିଛି ।

View this post on Instagram

A post shared by AnushkaSharma1588 (@anushkasharma)