କାହିଁକି ଓ କେବେଠୁ କୋହଲି-ଗାଙ୍ଗୁଲି ସଂପର୍କରେ ଫାଟ ? ଜାଣନ୍ତୁ..

ଚଳିତ ଆଇପିଏଲରେ ଖେଳକୁ ନେଇ ଦର୍ଶକଙ୍କ ମଧ୍ୟରେ ବେଶ୍‌ ଉତ୍ସାହ ବଢୁଥିବା ବେଳେ ଟିମ୍ ଇଣ୍ଡିଆର ଦୁଇ ପୂର୍ବତନ କ୍ୟାପଟେନଙ୍କ ମଧ୍ୟରେ ସମ୍ପର୍କକୁ ନେଇ ଚର୍ଚ୍ଚା ଜୋର ଧରିଛି । ଦିଲ୍ଲୀ କ୍ୟାପିଟାଲ୍ସ(Delhi Capitals) ଡାଇରେକ୍ଟର ସୌରଭ ଗାଙ୍ଗୁଲି ଓ ରୟାଲ ଚ୍ୟାଲେଂଜର୍ସ ବାଙ୍ଗାଲୋର(RCB)ର ଷ୍ଟାର ପ୍ଲେୟାର ବିରାଟ କୋହଲିଙ୍କ ମଧ୍ୟରେ ସବୁକିଛି ଠିକଠାକ୍ ନଥିବା ସୂଚନା ମିଳିଛି । ଉଭୟ ସେଲିବ୍ରିଟି ପରସ୍ପରକୁ ସୋସିଆଲ ମିଡିଆରେ ଅନଫଲୋ କରିବା ପରେ ପଦାରେ ପଡ଼ିଛି କୋହଲି-ଗାଙ୍ଗୁଲି ଫାଟ ।

ଚର୍ଚ୍ଚାରେ ସୌରଭ ଗାଙ୍ଗୁଲି ଓ ବିରାଟ କୋହଲି ବିବାଦ । ପରସ୍ପରକୁ ଆଡ଼ ଆଖିରେ ଚାହୁଁନାହାନ୍ତି ଦୁଇ ପୂର୍ବତନ କ୍ୟାପଟେନ୍ । ସୋସିଆଲ ମିଡିଆରେ ବି ସ୍ପଷ୍ଟ ହୋଇଗଲା- ଚରମ ସ୍ଥିତିରେ ତିକ୍ତତା । ଆଇପିଏଲର ଷୋଡ଼ଶ ସଂସ୍କରଣରେ ଖେଳକୁ ନେଇ ରୋମାଞ୍ଚ ଶିଖର ଛୁଇଁଥିବା ବେଳେ, ଏବେ ସୌରଭ ଗାଙ୍ଗୁଲି ଓ ବିରାଟ କୋହଲିଙ୍କ ମଧ୍ୟରେ ତିକ୍ତ ସମ୍ପର୍କକୁ ନେଇ ଜୋରଦାର ଚର୍ଚ୍ଚା। 

Also Read

ଶେଷରେ ତେନ୍ଦୁଲକର୍‌ ହାତେଇଲେ ଆଇପିଏଲ୍‌ କ୍ୟାରିଅର୍‌ର ପ୍ରଥମ ୱିକେଟ୍‌

Read More

ଭୟଙ୍କର ଦୃଶ୍ୟ : ହସ୍ପିଟାଲରେ ଭୀଷଣ ଅଗ୍ନିକାଣ୍ଡ, ଜୀବନ୍ତ ଜଳିଗଲେ ୨୯ ଜଣ

Read More

ସାରା ରାଜ୍ୟରେ ବର୍ଷୁଛି ନିଆଁ : ୨୯ ସହରରେ ପାରଦ ୪୦ ଡିଗ୍ରୀ ପାର୍

Read More

ଅଧିକ ପଢ଼ନ୍ତୁ: କୋହଲି କାହିଁକି ପିନ୍ଧନ୍ତି ୧୮ ନଂ ଜର୍ସି ? ଜାଣନ୍ତୁ ଏହା ପଛର ସତ...

ସୋସିଆଲ ମିଡିଆରେ ଏବେ ଦୁଇଟି ଭିଡିଓ ଭାଇରାଲ ହେଉଛି । ଗତ ଶନିବାର ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଦିଲ୍ଲୀ କ୍ୟାପିଟାଲସ ମଧ୍ୟରେ ବାଙ୍ଗାଲୋର ଚିନ୍ନାସ୍ବାମୀ ଷ୍ଟାଡିୟମରେ ମ୍ୟାଚ ଖେଳାଯାଇଥିଲା । ଏହି ମ୍ୟାଚରେ କୋହଲି ଏକ କ୍ୟାଚ୍ ଧରିବା ପରେ ଦିଲ୍ଲୀ ଡ୍ରେସିଂ ରୁମ ଆଡକୁ ଅନାଇଥିଲେ ।  ଏହି ସମୟରେ ଦିଲ୍ଲୀ ଡ୍ରେସିଂ ରୁମ୍‌ରେ ହେଡ୍ କୋଚ୍ ରିକି ପଣ୍ଟିଂ ଓ ଡାଇରେକ୍ଟର ସୌରଭ ଗାଙ୍ଗୁଲି ଉପସ୍ଥିତ ଥିଲେ । କୋହଲିଙ୍କ ଚାହାଣୀରୁ ଜଣାପଡୁଥିଲା ଯେ, ସେ କିଛି ଜଣାଇବାକୁ ଚାହୁଁଛନ୍ତି। 

ସେପଟେ ଅନ୍ୟ ଏକ ଭିଡିଓରେ ସୋମବାର ଖେଳାଯାଇଥିବା ଦିଲ୍ଲୀ କ୍ୟାପିଟାଲସ ଓ ରୟାଲ ଚ୍ୟାଲେଂଜର୍ସ ବାଙ୍ଗାଲୋର ମଧ୍ୟରେ ଖେଳାଯାଇଥିବା ମ୍ୟାଚ ପରେ ଗାଙ୍ଗୁଲି ଜାଣିଶୁଣି କୋହଲିଙ୍କୁ ଅଣଦେଖା କରିଥିବା ଚର୍ଚ୍ଚା ହେଉଛି । ପଡ଼ିଆ ମଧ୍ୟରେ ଖେଳାଳି ଓ କୋଚ ପରସ୍ପର ସହ ହାତ ମିଳାଉଥିବାବେଳେ ପୂର୍ବତନ ବିସିସିଆଇ ସଭାପତି ସୌରଭ ଗାଙ୍ଗୁଲି ବିରାଟ କୋହଲିଙ୍କ ଆଡକୁ ଅନାଇ ନଥିଲେ ।

The way Virat Kohli looked at ganguly pic.twitter.com/pLoAzyn9EI

— itz_mksoni25 (@_itz_mksoni25) April 17, 2023

କେବଳ ପଡ଼ିଆ ଭିତରେ ଦୁହିଁଙ୍କ ଭିତରେ ଦେଖାଦେଇଥିବା ତିକ୍ତତା ସୀମିତ ନାହିଁ । ସୋସିଆଲ ମିଡିଆରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି । ଟିମ୍ ଇଣ୍ଡିଆର ଦୁଇ ପୂର୍ବତନ କ୍ୟାପଟେନ୍ ପରସ୍ପରକୁ ଇନଷ୍ଟାଗ୍ରାମରେ ଅନ୍‌ଫଲୋ କରିଛନ୍ତି । କିନ୍ତୁ କାହିଁକି ସେମାନେ ଏପରି କରିଛନ୍ତି ଏନେଇ ଉଭୟ ନିରବ । କିନ୍ତୁ ସେମାନଙ୍କ ହାବଭାବରୁ ଜଣାପଡୁଛି ଯେ, ସେମାନଙ୍କ ଭିତରେ ସବୁକିଛି ଠିକ୍ ଚାଲିନାହିଁ । ବିସିସିଆର ପୂର୍ବତନ ସଭାପତି ସୌରଭ ଗାଙ୍ଗୁଲିଙ୍କ ଇନଷ୍ଟାଗ୍ରାମରେ ତିରିଶ ଲକ୍ଷ ଫଲୋଅର ଥିବା ବେଳେ, ସେ ୧୦୬ଜଣଙ୍କୁ ଫଲୋ କରିଥାନ୍ତି । ଅନ୍ୟପକ୍ଷରେ ଇନଷ୍ଟାଗ୍ରାମରେ କୋହଲିଙ୍କ ବେଶ ଲୋକପ୍ରିୟତା ରହିଛି । ତାଙ୍କର ୨୪ କୋଟି ୬୦ ଲକ୍ଷ ଫଲୋଅର ଥିବା ବେଳେ ସେ ୨୭୬ ଜଣଙ୍କୁ ଫଲୋ କରିଥାନ୍ତି ।

ବିରାଟ କୋହଲି ଓ ସୌରଭ ଗାଙ୍ଗୁଲିଙ୍କ ମଧ୍ୟରେ ଦେଖା ଦେଇଥିବା ତିକ୍ତତାକୁ ନେଇ ଏବେ ଚର୍ଚ୍ଚା ହେଉଥିବା ବେଳେ ପୂର୍ବରୁ ମଧ୍ୟ ସେମାନେ ପରସ୍ପର ବିରୋଧରେ ଖୋଲାଖୋଲି ବୟାନ ବାଜି କରିଥିଲେ।

କାହିଁକି ଓ କେବେଠୁ କୋହଲି-ଗାଙ୍ଗୁଲି ସଂପର୍କରେ ଫାଟ ଦେଖାଦେଇଛି ? ୨୦୨୧ ପରଠାରୁ ଘନଉଛି କି ବିବାଦ? ପୂର୍ବତନ ବିସିସିଆଇ ସଭାପତି ସୌରଭ ଗାଙ୍ଗୁଲି ଓ ତତକାଳୀନ ଟିମ୍ ଇଣ୍ଡିଆ କ୍ୟାପଟେନ୍ ବିରାଟ କୋହଲିଙ୍କ ମଧ୍ୟରେ ୨୦୨୧ ପରଠାରୁ ତିକ୍ତତା ଘନେଇଛି । ସେହି ବର୍ଷ ଶେଷ ଆଡକୁ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ପୂର୍ବରୁ ଏହା ସାମ୍ନାକୁ ଆସିଥିଲା । ଦୁହିଁଙ୍କ ମଧ୍ୟରେ ସେମାନଙ୍କ ପ୍ରତିଷ୍ଠାକୁ ନେଇ ପ୍ରବଳ ଅହଂକାର ଥିବା ଚର୍ଚ୍ଚା ହେଉଥିଲା ।  

ଦୁହିଁଙ୍କ ଭିତରେ ସମ୍ପର୍କ ଠିକଠାକ୍ ଚାଲି ନଥିବା ପୂର୍ବତନ ସିଲେକ୍ଟର ଚେତନ ଶର୍ମା ମଧ୍ୟ କହିଥିଲେ । ୨୦୨୧ ଟି-ଟ୍ବେଣ୍ଟି ବିଶ୍ବକପ୍ ପୂର୍ବରୁ କୋହଲି ଟିମ୍ ଇଣ୍ଡିଆ କ୍ୟାପଟେନ୍ ଦାୟିତ୍ବରୁ ଓହରି ଯାଇଥିଲେ । ଏହାପରେ ବିସିସିଆଇ ପକ୍ଷରୁ ତାଙ୍କୁ କ୍ୟାପଟେନ୍ ଦାୟିତ୍ବ ବଜାୟ ରଖିବାକୁ କୁହାଯାଇଥିବା । କିନ୍ତୁ ତାଙ୍କୁ କେହି କିଛି କହି ନଥିବା ଗଣାମାଧ୍ୟମକୁ ଜଣାଇଥିଲେ ବିରାଟ । ତା’ ପରଠାରୁ ଗାଙ୍ଗୁଲି କିମ୍ବା କୋହଲି ଏ ସମ୍ପର୍କରେ ଖୋଲାଖୋଲି କହି ନଥିଲେ ମଧ୍ୟ ସେମାନଙ୍କ ସମ୍ପର୍କକୁ ନେଇ ଏବେ ବି ଜାରି ରହିଛି ଚର୍ଚ୍ଚା।

OTV is now on Whatsapp

Join and get latest news update delivered to you via whatsapp

Join Now