LIVE TV
ପାକିସ୍ତାନର କୋଟି କୋଟି ଟଙ୍କାର କ୍ଷତି କଲା ଚାମ୍ପିୟନ୍ସ୍ ଟ୍ରଫି ଫାଇନାଲ । ଆଜି ଦୁବାଇରେ ଚାଲିଛି ଭାରତ ବନାମ ନ୍ୟୁଜିଲ୍ୟାଣ୍ଡ ଚ୍ୟାମ୍ପିୟନ୍ସ୍ ଟ୍ରଫି ଫାଇନାଲ ମ୍ୟାଚ୍ । ହେଲେ ଭାରତ ଫାଇନାଲ ଖେଳିବାରୁ ପାକିସ୍ତାନକୁ ହୋଇଛି ବଡ଼ ଧରଣର କ୍ଷତି ।
ଏହା ପଛରେ ରହିଛି ଚାମ୍ପିଅନ୍ସ ଟ୍ରଫି ୨୦୨୫ର ଫାଇନାଲର ଭେନ୍ୟୁ ପରିବର୍ତ୍ତନ । ଅର୍ଥାତ୍ ଫାଇନାଲ ମ୍ୟାଚର ଭେନ୍ୟୁ ପାକିସ୍ତାନର ଲାହୋରରେ ଥିବା ନବନିର୍ମିତ ଗଦ୍ଦାଫି ଷ୍ଟାଡିୟମ ଥିଲା । ହେଲେ ଯେହେତୁ ଭାରତ ଫାଇନାଲରେ ପହଞ୍ଚିଥିଲା ସୁରକ୍ଷା ଦୃଷ୍ଟି କୋଣରୁ ଫାଇନାଲ ମ୍ୟାଚକୁ ପାକିସ୍ତାନରୁ ଦୁବାଇକୁ ସ୍ଥାନାନ୍ତରିତ କରାଯାଇଥିଲା । କାରଣ ସୁରକ୍ଷା କାରଣରୁ ବିସିସିଆଇ ପୂର୍ବରୁ ଟିମ୍ ଇଣ୍ଡିଆକୁ ପାକିସ୍ତାନ ପଠାଇବାକୁ ମନା କରିଥିଲା ।
Also Read
ତେଣୁ ଆଇସିସି ହାଇବ୍ରିଡ୍ ମଡେଲ ଅନୁଯାଇ ଚାମ୍ପିୟନ୍ସ୍ ଟ୍ରଫିର ଆୟୋଜନ କରିଥିଲା । ଅର୍ଥାତ୍ ଭାରତ ଖେଳୁଥିବା ସବୁ ମ୍ୟାଚ୍ ପାକିସ୍ତାନ ବଦଳରେ ଦୁବାଇରେ ଖେଳାଯିବ । ତେଣୁ ଫାଇନାଲର ମଧ୍ୟ ସ୍ଥାନ ପରିବର୍ତ୍ତନ କରାଯ।ଇଥିଲା ।
ଆଇସିସି ଚାମ୍ପିଅନ୍ସ ଟ୍ରଫି ପାଇଁ ପ୍ରାୟ ୫୮୬ କୋଟିର ବଜେଟ୍ ଅନୁମୋଦନ କରିଛି। ଗୋଟିଏ ମ୍ୟାଚ୍ ପାଇଁ ବଜେଟ୍ ପ୍ରାୟ ୩୯ କୋଟି ଟଙ୍କା ରହିଥିଲା। ଏହି ଟୁର୍ଣ୍ଣାମେଣ୍ଟରେ ମୋଟ ୧୫ଟି ମ୍ୟାଚ୍ ଖେଳା ଯାଇଥିଲା । ଏଥିମଧ୍ୟରୁ ଭାରତ ତିନୋଟି ଗ୍ରୁପ୍ ମ୍ୟାଚ୍ ଏବଂ ଗୋଟିଏ ସେମିଫାଇନାଲ ଦୁବାଇରେ ଖେଳିଥିଲା । ଆଉ ଆଜି ଫାଇନାଲ ମ୍ୟାଚ୍ ମଧ୍ୟ ଦୁବାଇରେ ଖେଳାଯାଉଛି ।
ଏପରି ପରିସ୍ଥିତିରେ, ପାକିସ୍ତାନ ୪ଟି ମ୍ୟାଚ୍ ପାଇଁ ୧୫୬ କୋଟି ଟଙ୍କାର କ୍ଷତି ସହିସାରିଛି । ଏବେ ଫାଇନାଲ୍ ଦୁବାଇରେ ହେବା ଯୋଗୁଁ ପାକିସ୍ତାନକୁ ଆହୁରି ୩୯ କୋଟି ଟଙ୍କାର କ୍ଷତି ସହିବାକୁ ପଡିଛି। ତେଣୁ ଆମେ ସିଧା ସିଧା କହିପାରିବା ଫାଇନାଲରେ ଭାରତ ଖେଳିବା ପାକିସ୍ତାନକୁ ଭାରି ପଡିଛି ଆଉ ପଡୋଶୀଙ୍କୁ ଭାରି ବାଧିଛି ।
ଅଧିକ ପଢ଼ନ୍ତୁ: ରୋହିତଙ୍କ ନାମରେ ଅଜବ ରେକର୍ଡ, ଦିନିକିଆରେ ଲଗାତର ୧୨ ଥର ହାରିଲେଣି ଟସ୍
