Sachin Tendulkar: ଜୀବନର ବଡ଼ କଥା କହିଲେ ସଚିନ ତେନ୍ଦୁଲକର...ମୋ ବାପାଙ୍କର ଦେହାନ୍ତ ପରେ...

୧୯୯୯ ମସିହାର ଆରମ୍ଭ, ଯେତେବେଳେ କି ବିଶ୍ବକପ୍‌ ଚାଲିଥିଲା। ସେତେବେଳେ ମୋ ବାପାଙ୍କର ଦେହାନ୍ତ ହୋଇଗଲା । ଯାହାଫଳରେ ମୋତେ କିଛି ଦିନ ଇଣ୍ତିଆ ଫେରିବାକୁ ପଡ଼ିଲା । କାରଣ ବାପାଙ୍କର ଶୁଦ୍ଧିକ୍ରିୟାରେ କରିବାରଥିଲା। କିନ୍ତୁ ରାତାରାତି ମୋ ଜୀବନରେ ବଡ଼ ପରିବର୍ତ୍ତନ ହୋଇଥିଲା। ମୁଁ ପୁଣି ଫେରିଲି ଆଉ ବିଶ୍ବ କପ୍‌ ପାଇଁ ଟିମ୍‌ରେ ଜଏନ୍‌ କଲି । ତା’ପରେ ଜୀବନରେ ପରିବର୍ତ୍ତନ ହୋଇସାରିଥିଲା । ମୁଁ କିନ୍ତୁ ଚାହୁଁଥିଲି ମୋ ବାପା ମୋର ପାଖରେ ରହି, ମୋ ଜୀବନର ସଫଳତା ଦେଖିବା ପାଇଁ । ସେହି ସମୟରୁ ମୋ ବ୍ୟାଟ୍‌ରେ ମୋ ବାପାଙ୍କୁ ଦେଖିବା  ଆରମ୍ଭ କଲି । ତେଣୁ ଯାହାକିଛି ବି ହେଲା ମୋ ଜୀବନରେ ସବୁ ଭଲ ହିଁ ଭଲ ହେଲା । ଲାଇଫ ଟାଇମ୍ ଆଚିଭମେଣ୍ଟ ଆଓ୍ଵାର୍ଡରେ ସମ୍ମାନିତ ହେବା ବେଳେ ଭାବବିହ୍ବଳ ହୋଇ ଏମିତି କହିଲେ ପୂର୍ବତନ ଭାରତୀୟ କ୍ରିକେଟର୍‌ ସଚିନ ତେନ୍ଦୁଲକର ।

ସଚିନ୍ ଆହୁରି ମଧ କହିଛନ୍ତି ଯେ, ମୋ ବାପାଙ୍କ ପରାମର୍ଶ ବହୁତ ଗୁରୁତ୍ୱପୂର୍ଣ୍ଣ ଥିଲା, ଯାହା ମୋତେ ଜୀବନରେ ବହୁତ କିଛି ଶିଖେଇ ଦେଇଛି । ଯାହାଫଳରେ ମୁଁ ମଦ ଓ ତମାଖୁ କମ୍ପାନୀଗୁଡ଼ିକୁର ବିଜ୍ଞାପନରେ କାମ ନକରିବାକୁ ନିଷ୍ପତ୍ତି ନେଇଥିଲେ । 

ଅଧିକ ପଢ଼ନ୍ତୁ: ସଚିନ ତେନ୍ଦୁଲକରଙ୍କୁ ଲାଇଫ ଟାଇମ ଆଚିଭମେଣ୍ଟ ପୁରସ୍କାର

ତେବେ ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ(BCCI) ଭାରତୀୟ କ୍ରିକେଟ୍‌ର ମହାନ ଖେଳାଳି ସଚିନ ତେନ୍ଦୁଲକରଙ୍କୁ ଲାଇଫ ଟାଇମ୍ ଆଚିଭମେଣ୍ଟ ଆଓ୍ଵାର୍ଡରେ ସମ୍ମାନିତ କରିଛି। ଏଥିସହ ଦଳର ଯୁବ ବ୍ୟାଟର ସରଫରାଜ ଖାନ ଓ ପୂର୍ବତନ ଷ୍ଟାର୍‌ ସ୍ପିନର ରବିଚନ୍ଦ୍ରନ ଅଶ୍ଵିନଙ୍କୁ ମଧ୍ୟ ପୁରସ୍କାର ଦେଇ ସମ୍ମାନିତ କରିଛି। ଅଶ୍ଵିନଙ୍କୁ ବିସିସିଆଇ ପକ୍ଷରୁ ସ୍ଵତନ୍ତ୍ର ଆଓ୍ଵାର୍ଡ ମିଳିଥିବା ବେଳେ ସରଫରାଜ ଖାନଙ୍କୁ ଦମଦାର ପଦାର୍ପଣ ପାଇଁ ସମ୍ମାନିତ କରାଯାଇଛି ।

ମହାନ ବ୍ୟାଟର ସଚିନ ତେନ୍ଦୁଲକରଙ୍କୁ ବିସିସିଆଇ ପକ୍ଷରୁ ‘କର୍ଣ୍ଣେଲ ସିକେ ନାଇଡୁ ଲାଇଫ ଟାଇମ୍ ଆଚିଭମେଣ୍ଟ ଆଓ୍ଵାର୍ଡ’ରେ ସମ୍ମାନିତ କରାଯାଇଛି। ତେନ୍ଦୁଲକର ଭାରତ ପାଇଁ ୨୦୦ ଟେଷ୍ଟ, ୪୬୩ ଦିନିକିଆ ଓ ଗୋଟିଏ ଅନ୍ତର୍ଜାତୀୟ ଟି-୨୦ ମ୍ୟାଚ୍ ଖେଳିଛନ୍ତି। ଟେଷ୍ଟରେ ସଚିନ ୧୫ ହଜାର ୯୨୧ ରନ,  ଦିନିକିଆରେ ୧୮ ହଜାର ୪୨୬ ରନ ଓ ଏକ ମାତ୍ର ଟି-୨୦ରୁ ୧୦ ରନ କରିଛନ୍ତି। ଏହା ବ୍ୟତୀତ ବୋଲିଂରେ ସେ ଟେଷ୍ଟରେ ୪୬ ଓ ଦିନିକିଆରେ ୧୫୪ ଓ୍ଵିକେଟ୍ ଅକ୍ତିକାର କରିଛନ୍ତି।

ଅଧିକ ପଢ଼ନ୍ତୁ: ବାରବାଟୀରେ ଦିନିକିଆ ମ୍ୟାଚ୍; କାଲି ବିକ୍ରି ହେବ ଅନଲାଇନରେ ଟିକେଟ୍, ଜାଣନ୍ତୁ କେମିତି କିଣିବେ...