IND vs PAK: ଫେଲ୍‌ ମାରିଲେ ପାକିସ୍ତାନର ବ୍ୟାଟ୍‌ର; ଭାରତ ସାମ୍ନାରେ ୨୪୨ ଟାଗେର୍ଟ...

ହାଇଭୋଲଟେଜ୍ ଲଢ଼େଇ। ସୁପର ସଣ୍ଡେର ସୁପର ଫାଇଟ୍‌ରେ ଫେଲ୍‌ ମାରିଲେ ପାକିସ୍ତାନର ବ୍ୟାଟ୍‌ର । ଟିମ୍‌ ଇଣ୍ତିଆ ବୋଲ୍‌ରଙ୍କ ଆଗରେ ଧୂଳି ଚାଟିଲେ ପାକିସ୍ତାନର ବ୍ୟାଟିଂ ଅର୍ଡ଼ର । ଟିମ୍‌ ଇଣ୍ତିଆକୁ ୨୪୨ ରନ୍‌ର ଟାଗେର୍ଟ ଦେଲା ପାକିସ୍ତାନ। ୨୪୧ ରନ୍‌ରେ ଅଲ୍‌ ଆଉଟ୍‌ ହେଲା ପାକିସ୍ତାନ । ଟସ୍ ଜିତି ପାକିସ୍ତାନ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରିବାକୁ ମୈଦାନକୁ ଓହ୍ଲାଇଥିବା ପାକିସ୍ତାନ ଓପନର୍‌ ଯୋଡ଼ି ଆରମ୍ଭରୁ ଫେଲ୍‌ ହୋଇଥିଲେ । ପ୍ରଥମେ ହାର୍ଦ୍ଦିକଙ୍କ ଶିକାର ହୋଇଥିଲେ ବାବର ଆଜମ । ୨୬ ବଲ୍‌ ଖେଳି ୨୩ ରନ୍‌ କରିଥିଲେ ବାବର ଆଜମ । ସେହିପରି ଇମାମ-ଉଲ-ହକଙ୍କୁ ରନ୍‌ ଆଉଟ୍‌ କରି ପାଭିଲି୍ୟନ ପଠାଇ ଦେଇଥିଲେ ଅକ୍ସର ପଟେଲ୍‌ । ତେବେ ସାଉଦ ଶକିଲ ସର୍ବାଧିକ ୭୬ ବଲ୍‌ ଖେଳି ୬୨ ରନ୍‌ କରିଥିବା ବେଳେ ପାକିସ୍ତାନ ଅଧିନାୟକ ମହମ୍ମଦ ରିଜୱାନ ୭୭ ବଲ୍‌ ଖେଳି ୪୬ ରନ୍‌ କରିଛନ୍ତି । 

ଅନ୍ୟପଟରେ କୁଲଦୀପ ଯାଦବ ୩ଟି ୱିକେଟ୍‌ ନେଇଥିବା ବେଳେ ହାର୍ଦ୍ଦିକ ପାଣ୍ଡ୍ୟା ୨ଟି ୱିକେଟ୍‌ ନେଇଛନ୍ତି । ସେହିପରି ଅକ୍ସର ପଟେଲ୍‌ , ରବିନ୍ଦ୍ର ଜାଡ଼େଜା ଓ ହର୍ଷିତ ରାଣା ଗୋଟିଏ ଲେଖାଏଁ ୱିକେଟ୍‌ ନେଇଛନ୍ତି । ତେବେ ଦୁବାଇରେ ଖେଳାଯାଉଥିବା ଏହି ମ୍ୟାଚ ଉପରେ କେବଳ ଭାରତ ନୁହେଁ ସାରା ବିଶ୍ବର କ୍ରିକେଟପ୍ରେମୀଙ୍କ ନଜର ରହିଛି । ଏହି ମ୍ୟାଚ୍ ଜିତି ସେମି ଫାଇନାଲକୁ ଏଣ୍ଟ୍ରି ଲକ୍ଷ୍ୟରେ ରହିଛି ଟିମ୍ ଇଣ୍ଡିଆ । ଏଥିସହ ୨୦୧୭ ଚାମ୍ପିଅନ୍ସ ଟ୍ରଫି ଫାଇନାଲ୍ ପରାଜୟର କଡ଼ାଗଣ୍ଡା ବଦଲା ନେବ । 

ଅଧିକ ପଢ଼ନ୍ତୁ : ଚାମ୍ପିଅନ୍ସ ଟ୍ରଫି ୨୦୨୫ ପରେ ‘ବାଜ୍‌ବଲ୍‌’ ଦୃଷ୍ଟିକୋଣର ଘଟିବ କି ଅନ୍ତ ?

ଅନ୍ୟପଟେ ପାକିସ୍ତାନ ପାଇଁ କର ବା ମର ମ୍ୟାଚ୍ । ହାରିଲେ ଟୁର୍ଣ୍ଣାମେଣ୍ଟରୁ ଆଉଟ୍ ହେବ । ଏଥିପାଇଁ ଉଭୟ ଦଳ ସ୍ବତନ୍ତ୍ର ରଣନୀତି କରିଛନ୍ତି । ବାଂଲାଦେଶକୁ ପ୍ରଥମ ମ୍ୟାଚରେ ହରାଇଛି ଟିମ୍ ଇଣ୍ଡିଆ । ଜବରଦସ୍ତ ଫର୍ମରେ ରହିଛି ଟିମ୍ ଇଣ୍ଡିଆ । ଫର୍ମରେ ଅଛନ୍ତି ଦୁଇ ଓପନର ରୋହିତ, ଶୁବମନ । 

ଅନ୍ୟପଟେ ଚାମ୍ପିଅନ୍ସ ଟ୍ରଫିର ପ୍ରଥମ ମ୍ୟାଚରେ ନ୍ୟୁଜିଲାଣ୍ଡଠାରୁ ହାରି କର ବା ମର ପରିସ୍ଥିତିରେ ରହିଛି ଆୟୋଜକ ପାକିସ୍ତାନ । ଭାରତଠାରୁ ହାରିଲେ ମହମ୍ମଦ ରିଜୱାନଙ୍କ ଟିମ୍ ସେମିଫାଇନାଲ ରେସ୍‌ରୁ ଏକପ୍ରକାର ବାଦ୍ ପଡିବ । ତେଣୁ ଟୁର୍ଣ୍ଣାମେଣ୍ଟରେ ରହିବା ପାଇଁ ପୂରା ଦମ୍ ଖଟାଇପାରେ ଟିମ୍ ପାକିସ୍ତାନ । ଆହତ କାରଣରୁ ଦୁର୍ଦ୍ଦଷ ବ୍ୟାଟର ଫଖର ଜମାନ ସ୍କ୍ବାଡରୁ ବାଦ୍ ପଡିବା ପାକିସ୍ତାନ ପାଇଁ ବଡ଼ କ୍ଷତି । ତାଙ୍କ ସ୍ଥାନରେ ଇମାମ-ଉଲ୍-ହକଙ୍କୁ ପ୍ଲେଇଂ ଇଲେଭେନରେ ସୁଯୋଗ ମିଳିପାରେ ।

ଅଧିକ ପଢ଼ନ୍ତୁ : ପାକିସ୍ତାନ ମାଟିରେ ଚାମ୍ପିଅନ୍ସ ଟ୍ରଫି ବେଳେ ବିରାଟ ଭୁଲ୍, ବାଜିଲା ଭାରତର ଜାତୀୟ ସଙ୍ଗୀତ