Proposed In Front Of Tornado: ଏମିତି ପ୍ରେମିକ...ମାନିଲେନି ଝଡ଼ତୋଫାନ, ପ୍ରେମିକା ପାଇଁ କରିଦେଲେ ଏମିତି

ପ୍ରେମିକାକୁ ପ୍ରପୋଜ କରିବାକୁ ପ୍ରେମିକଟିଏ କେତେ କ'ଣ ସ୍ପେଶାଲ କରୁଥିବାର ଆପଣ ସୋସିଆଲ ମିଡିଆରେ ଦେଖୁଥିବେ । କିଏ ଗାର୍ଲଫ୍ରେଣ୍ଡକୁ ବାର୍ଥ ଡେ'ରେ ମୁଦି ପିନ୍ଧାଇ ପ୍ରପୋଜ କରେ ତ ଆଉ କିଏ କେଉଁ ରୋମାଣ୍ଟିକ ସ୍ପଟ୍‌କୁ ବୁଲାଇ ନେଇ ହୃଦୟ ଖୋଲି ପ୍ରେମର ଅଭିବ୍ୟକ୍ତି କରିଥାଏ । କିନ୍ତୁ ଏବେ ଇଣ୍ଟରନେଟ୍‌ରେ ପ୍ରେମ ନିବେଦନର ଏପରି ଏକ ଚିତ୍ର ସାମ୍ନାକୁ ଆସିଛି, ଯାହାକୁ ଦେଖି ଆପଣ ବି କହିବେ ବାପ୍‌ରେ କି ପ୍ରେମ...

How on earth could this day ever be topped. Experienced this in South Dakota with the love of my life and now FIANCE as he proposed in the most epic way imaginable. Cannot wait to spend the rest of my life with you @BryceShelton01 ❤️😭 pic.twitter.com/YwaaLF9tMm

— Paige Berdomas🌪 (@tornadopaigeyy) June 29, 2025

ଅଧିକ ପଢନ୍ତୁ: ବିଶ୍ୱାସଘାତକ ହେଲପର୍‌, ମାଲିକାଣୀ ଗାଳି କଲେ ବୋଲି ସାଜିଲା ସୈତାନ...

କାରଣ ଏଇ ଏମିତି ସେମିତି ପ୍ରପୋଜ୍ ବା ପ୍ରେମ ନିବେଦନ ନଥିଲା । ଏଠି ପ୍ରେମର ମୁକସାକ୍ଷୀ ଥିଲା ଘୂର୍ଣ୍ଣିଝଡ଼ । ପଛ ପଟେ ଆକାଶରେ ଘୂର୍ଣ୍ଣିଝଡ଼ ତାଣ୍ଡବ ଚରୁଥିଲା, ଭୟଙ୍କର ବେଗରେ ପବନ ବହୁଥିଲା । ଲୋକେ ଜୀବନ ବଞ୍ଚାଇବାକୁ ସୁରକ୍ଷିତ ସ୍ଥାନକୁ ଧାଁ ଦୌଡ କରୁଥିବାବେଳେ ଠିକ୍‌ ଏଇ ସମୟରେ ପ୍ରେମିକା ସାମ୍ନାରେ ଆଣ୍ଠୁରେ ବସି ମୁଦିଟିଏ ଧରି ନିଜର ହୃଦୟ ଖୋଲି ଦେଇଥିଲା ପ୍ରେମିକ । ନା ଝଡ଼ ତୋଫାନର ଭୟ ଥିଲା ନା ଥିଲା ଜୀବନକୁ ଖାତିର୍‌ । 

ଏହି ଦୃଶ୍ୟଟି ଆମେରିକା ସାଉଥ୍ ଡକୋଟାର । ପ୍ରେମିକ ହେଲେ ବ୍ରିସ୍‌ ଶେଲଟନ ଓ ତାଙ୍କ ପ୍ରେମିକା ପେଜ୍‌ ବରଡୋମାସ୍ । ତାଙ୍କର ଏଇ ନିଆରା ଅନ୍ଦାଜର ପ୍ରପୋଜ ସମୟର ଫଟୋକୁ 'ଏକ୍ସ'ରେ ୧୭ ମିଲିୟନରୁ ଅଧିକ ଲୋକ ଦେଖି ସାରିଲେଣି । ହଜାର ହଜାର ୟୁଜର ଏହାକୁ ପସନ୍ଦ କରିଛନ୍ତି । 

ଏହାକୁ ନେଇ ଶେଲଟନ କହିଛନ୍ତି, ସେ ଏହି ସ୍ପେଶାଲ ମୁହୂର୍ତ୍ତ ପାଇଁ ଅନେକ ମାସ ହେଲା ପ୍ଲାନିଂ କରିଥିଲେ । ବର୍ଷେ ତଳେ ପେଜ୍‌ଙ୍କ ସହ ତାଙ୍କର ଦେଖା ହୋଇଥିଲା । ଦୁହିଁଙ୍କୁ ଘୂର୍ଣ୍ଣିଝଡ଼ ଦେଖିବା ଓ ଝଡ଼ ପଛରେ ଧାଇଁବା ଭାଇ ସଉକ । ତେଣୁ ଝଡ଼ ସାମ୍ନାରେ ହିଁ ସେ ଗାର୍ଲଫ୍ରଣ୍ଡକୁ ପ୍ରେମ ନିବେଦନ କରିବାକୁ ନିଷ୍ପତ୍ତି ନେଇଥିଲେ ।