ଉର୍ଫିଙ୍କ ପୋଷାକ ଦେଖି ରେଷ୍ଟୁରାଣ୍ଟରେ ଏଣ୍ଟ୍ରି ଦେଲେନି ମ୍ୟାନେଜର୍‌, ଚାଲିଲା ତୁତୁ ମେଁ ମେଁ..

ସୋସିଆଲ ମିଡିଆ ସେନ୍‌ସେସନ୍‌ ଉର୍ଫି ଜାଭେଦ୍‌ (Urfi Javed) ନିଜର ପୋଷାକ ତଥା ଡ୍ରେସିଂ ଷ୍ଟାଇଲ୍‌କୁ ନେଇ ସବୁବେଳେ ଚର୍ଚ୍ଚାରେ ରୁହନ୍ତି । ଫ୍ୟାସନ୍‌ କଥା ଉଠିଲେ ଉର୍ଫି ଜାଭେଦ୍ ନିଶ୍ଚିତ ଭାବରେ ଓଭର-ଦ-ଟପ୍! ସବୁବେଳେ ସୋସିଆଲ୍‌ ମିଡିଆର ହେଡ୍‌ଲାଇନ୍ସରେ ରୁହନ୍ତି ଉର୍ଫି । କିଏ ତାଙ୍କୁ ଟ୍ରୋଲ୍‌ କରେ ତ କିଏ ତାଙ୍କୁ ପସନ୍ଦ କରେ । ତାଙ୍କର ୟୁନିକ୍‌ ପୋଷାକ ଡିଜାଇନ୍‌କୁ ନେଇ ସୋସିଆଲ୍‌ ମିଡିଆ ରେ ଚର୍ଚ୍ଚା ଲାଗି ରହିଥାଏ।  ନିକଟରେ ତାଙ୍କର ଏକ ଭିଡିଓ ସୋସିଆଲ୍‌ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ଉର୍ଫି ଜଣେ ରେଷ୍ଟୁରାଣ୍ଟ ମ୍ୟାନେଜରଙ୍କ ସହ ଜୋରଦାର୍‌ ଯୁକ୍ତିତର୍କ କରୁଛନ୍ତି ।

ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଉର୍ଫି ଏକ ରେଷ୍ଟୁରାଣ୍ଟକୁ ପହଞ୍ଚି ଟେବୁଲ୍‌ ବୁକ୍‌ କରିବା ପାଇଁ ମ୍ୟନେଜର୍‌ଙ୍କୁ କହୁଛନ୍ତି । ରେଷ୍ଟୁରାଣ୍ଟରେ ସମସ୍ତ ଟେବୁଲ୍‌ ବୁକ୍‌ ଥିବା ନେଇ ମ୍ୟାନେଜର୍‌ ଉର୍ଫିଙ୍କୁ କହିବା ପରେ ଆରମ୍ଭ ହେଉଛି ଯୁକ୍ତିତର୍କ । ଯୁକ୍ତିତର୍କରେ ଉର୍ଫି କହୁଛନ୍ତି ଯେ, ‘ତମେ ମୋ ନାଁ ଜାଣିଛ । ମୁଁ ହେଉଛି ଉର୍ଫି ଜାଭେଦ୍‌ । ମୁଁ ଯେଉଁଠିକି ବି ଯାଏ ସେଠି ଜାଗା ଆପେ ଆପେ ତିଆରି ହୋଇଯାଏ । ଆପଣ ସିଟ୍‌ ନଥିବା ନାଟକ କରୁଛନ୍ତି, ବାସ୍ତବରେ ମୋ ପୋଷାକ ପାଇଁ ଆପଣ ଏଣ୍ଟ୍ରି ଦେଉନାହାନ୍ତି । ଇଏ ହେଉଛନ୍ତି ଉର୍ଫି ହେଟର୍‌..ସମସ୍ତେ ଦେଖନ୍ତୁ ଇଏ ହେଉଛନ୍ତି ଉର୍ଫି ହେଟର୍‌..’

View this post on Instagram

A post shared by Viral Bhayani (@viralbhayani)

ଭିଡିଓରେ ରେଷ୍ଟୁରାଣ୍ଟ ମ୍ୟାନେଜର୍‌ ସିଟ୍‌ ନଥିବା ନେଇ ବାରମ୍ବାର କହୁଥିଲେ ମଧ୍ୟ ଉର୍ଫି ତାଙ୍କ ସହ ଜୋର୍‌ ଜବରଦସ୍ତ ଯୁକ୍ତିତର୍କ କରିଥିଲେ ଓ ତାଙ୍କୁ ଉର୍ଫି ହେଟର୍‌ ବୋଲି ସମ୍ବୋଧନ କରିଥିଲେ । ଏହି ଘଟଣାକୁ ନେଇ ଉର୍ଫି ନିଜ ଇନ୍‌ଷ୍ଟାଗ୍ରାମ ଷ୍ଟୋରୀ ( Instagram Story)ରେ ଲେଖିଛନ୍ତି ଯେ, ‘ଆମେ ଏକବିଂଶ ଶତାବ୍ଦୀରେ ରହୁଛୁ ତ? ମତେ ମୋ ପୋଷାକ (Dressing Sense)nପାଇଁ ରେଷ୍ଟୁରାଣ୍ଟରେ ଏଣ୍ଟ୍ରି ଦେଲେନି । ଯଦି ଆପଣଙ୍କୁ ମୋ ଡ୍ରେସିଂ ଷ୍ଟାଇଲ୍‌ ଭଲ ଲାଗୁନି ତ ମତେ ଏଭଳି ବ୍ୟବହାର କରନ୍ତୁ ନାହିଁ ଆଉ ଅଯଥା ବାହାନା ଦେଖାନ୍ତୁ ନାହିଁ’।

(Uorfi Javed denied entry to a restaurant)

ବିଗ୍ ବସ୍ OTT ପ୍ଲାଟଫର୍ମକୁ ଆସିବା ପରେ ଉର୍ଫି ଜାଭେଦ୍ ଚର୍ଚ୍ଚାକୁ ଆସିଥିଲେ । ଏହାପୂର୍ବରୁ, ଉର୍ଫି ଅନେକ ଟିଭି ଶୋ’ରେ ଅଭିନୟ କରିଥିଲେ । ସେ ‘ବଡେ ଭୟା କି ଦୁଲହନିଆ’ରେ ଅବନୀଙ୍କ ଭୂମିକାରେ ଅଭିନୟ ପାଇଁ ବେଶ୍‌ ଜଣାଶୁଣା । ଏହାଛଡ଼ା ସେ ‘ମେରୀ ଦୁର୍ଗା’ ରେ ଆରତୀ, ‘ବେପାନ୍ନା’ରେ ବେଲା ଭାବରେ ବେଶ୍‌ ପରିଚିତ । ଉର୍ଫି ଜାଭେଦଙ୍କୁ ନିକଟରେ ସ୍ପ୍ଲିଟ୍ସଭିଲା X4 ରେ ମଧ୍ୟ ଦେଖାଯାଇଥିଲା ।