ବାପ୍‌ରେ !! ଅର୍ଡର କଲେ ଆଇଫୋନ୍, ଡେଲିଭର୍‌ ହେଲା ଦୁଇ ଖଣ୍ଡ ପଥର

ସୋସିଆଲ ମିଡିଆ ଆସିବା ପରେ ଲୋକଙ୍କ ଜୀବନ ଅତି ସହଜ ହୋଇଯାଇଛି । ଘରେ ବସି ବିଭିନ୍ନ ଆବଶ୍ୟକତା ପୂରଣ ହୋଇପାରୁଛି । ଗୋଟିଏ କ୍ଲିକରେ ଖାଇବା ଅର୍ଡର, ଘର ପାଇଁ ଜିନିଷ ଏପରିକି ସପିଂ ମଧ୍ୟ କରିହେଉଛି । ହେଲେ ବେଳେବେଳେ ଏହି ସୁବିଧା ସୁଯୋଗ ଲୋକଙ୍କ ପାଇଁ କାଳ ହେଉଛି । ପଶ୍ଚିମବଙ୍ଗରେ ଏଭଳି ଏକ ଘଟଣା ଘଟିଛି ।

ଏଠାରେ ଜଣେ ବ୍ୟକ୍ତି ଆମାଜନ କମ୍ପାନୀରୁ ନିଜ ପାଇଁ ଏକ ଆଇଫୋନ୍ ଅର୍ଡର କରିଥିଲେ । ଆଉ ଅର୍ଡର ଡେଲିଭର୍‌ ହେବା ପରେ ଭିଡିଓ କରି ଅନବକ୍ସିଂ କରିବା ଆରମ୍ଭ କରିଥିଲେ । ହେଲେ ପ୍ୟାକେଟ୍ ଖୋଲିବା ପରେ ସେ ଯାହା ଦେଖିଲେ, ତାଙ୍କ ପାଦ ତଳୁ ଗୋଡ଼ ଖସିଯାଇଥିଲା । ଆଇଫୋନ୍ ବଦଳରେ ତାଙ୍କୁ ମିଳିଥିଲା ଦୁଇଟି ପଥର ଖଣ୍ଡ । ଏହି ଘଟଣାର ଭିଡିଓ ସୋସିଆଲ ମିଡିଆ ରେ ଭାଇରାଲ ହେବାରେ ଲାଗିଛି ।

ଅଧିକ ପଢ଼ନ୍ତୁ: ମହଙ୍ଗା ପଡିଲା ଅନ୍‌ଲାଇନ୍ ଅର୍ଡର! ୩୦ ହଜାରର ସାଉଣ୍ଡ ସିଷ୍ଟମ ବଦଳରେ ଆସିଲା କାଗଜ ଖଣ୍ଡ

This guy ordered an iPhone from Amazon.

Was excited to receive it.

Decided on doing an unpacking and inboxing video.

Opened the box only to find stones instead of the iPhone he paid for. 😂😂

The incident is of a West Bengal town. @amazonIN@AmazonNews_INpic.twitter.com/hgLGLDIucz

— Prashant Kumar (@scribe_prashant) March 22, 2023

ଭିଡିଓରେ ଦେଖିବା ପରେ କିଛି ଲୋକ ଚିନ୍ତା ବ୍ୟକ୍ତ କରିଥିବା ବେଳେ କିଛି ହସି ହସି ଗଡ଼ି ଯାଉଛନ୍ତି । ଭାଇରାଲ ଭିଡିଓକୁ ଟ୍ୱିଟର ରେ ସେୟାର କରାଯାଇଛି । ଏହି ଭିଡିଓ ଦେଖି ସୋସିଆଲ ମିଡିଆ ୟୁଜର ବିଭିନ୍ନ ପ୍ରକାର ମନ୍ତବ୍ୟ ଦେଉଛନ୍ତି । ଜଣେ ୟୁଜର ଲେଖିଛନ୍ତି - ଏହା ଅତ୍ୟନ୍ତ ବିପଜ୍ଜନକ ଭିଡିଓ, ବିଚରା ଠକେଇର ଶିକାର ହୋଇଛନ୍ତି ।