LIVE TV
ସୋସିଆଲ ମିଡିଆରେ ପୁଣି ଏକ ମନଲୋଭା ଭିଡିଓ । ଯାହାକି ଆମ ସାମ୍ନାକୁ ଆସିଛି । ଭିଡିଓଟି ଏବେ ଖୁବ୍ ଭାଇରାଲ ହେଉଛି । ଆପଣ ବି ତାହା ଦେଖିଥାଇ ପାରନ୍ତି । ସୋସିଆଲ ମିଡିଆରେ ଏଭଳି ଅନେକ ଭିଡିଓ ପୂର୍ବରୁ ମଧ୍ୟ ସାମ୍ନାକୁ ଆସିଛି । ହେଲେ ଏହି ଭିଡିଓ ଟିକେ ନିଆରା । କାରଣ ଏହି ଭିଡିଓକୁ ପୋଷ୍ଟ କରିଛନ୍ତି ଖୋଦ୍ ଶିଳ୍ପପତି ହର୍ସ ଗୋଏଙ୍କା ।
Also Read
ଭିଡିଓରେ ସ୍ପଷ୍ଟ ଜଣାପଡ଼ୁଛି ଯେ, ଗୋଟିଏ କୁନି କୁକୁର ଏକ ଡ୍ରେନ୍ ପାର୍ ହେବାକୁ ଚାହୁଁଛି । ସେ ଏଥିପାଇଁ ଖୁବ୍ ଚେଷ୍ଟା କରୁଛି । ହେଲେ ହାର୍ ମାନୁନି । ବିପଦ ଥିବା ଜାଣି ମଧ୍ୟ ସେ ଡ୍ରେନ୍ ଉପରେ ଡେଇଁ ପାର୍ ହେବାକୁ ଚେଷ୍ଟା କରୁଛି । ଖାଲି ସେତିକି ନୁହେଁ ଭିଡିଓରେ କୁକୁରଟି ଡ୍ରେନ୍ ପାର୍ ହେବା ବେଳେ ପାଣିରେ ମଧ୍ୟ ପଡ଼ିଯାଉଛି । ହେଲେ ସେଥିରେ ହାର ନମାନି ତାପରେ ପୁଣି ଚେଷ୍ଟା କରୁଛି ଉପରକୁ ଉଠିବାକୁ । ଶେଷରେ ସେ ଡ୍ରେନ୍ ଉପରକୁ ମଧ୍ୟ ଉଠିଯାଉଛି । ଆଉ ଖୁସିରେ ଖୁସିରେ ସେଠାରୁ ଚାଲିଯାଉଛି ।
ଅଧିକ ପଢ଼ନ୍ତୁ: ଟଙ୍କା ଦେଇ କିଣିଲେ ଚଢ଼େଇ, ଦେଲେ ମୁକ୍ତିର ଆନନ୍ଦ
ହର୍ଷ ଗୋଏଙ୍କା ଏହି ଭିଡିଓକୁ ପୋଷ୍ଟ କରି ଲୋକଙ୍କୁ ଏକ ବଡ଼ ବାର୍ତ୍ତା ଦେବାକୁ ଚେଷ୍ଟା କରିଛନ୍ତି । ସେ ଏହି ଭିଡିଓ ପୋଷ୍ଟ କରି ସାଥିରେ ଲେଖିଛନ୍ତି ଯେ, କେବେ ବି ଫେଲ୍ ହେବାକୁ ଭୟ କରନ୍ତୁ ନାହିଁ । ବରଂ ପ୍ରୟାସ ନକରିବାକୁ ଭୟ କରନ୍ତୁ । ପ୍ରତ୍ୟେକ ବ୍ୟକ୍ତିଙ୍କ କ୍ଷେତ୍ରରେ ନିଜର ଲକ୍ଷ୍ୟ ହାସଲ କରିବା ପାଇଁ ଏକ ପ୍ରକାର ଜିଦ୍ ରହିବା ନିହାତି ଆବଶ୍ୟକ । ନଚେତ୍ ମଣିଷ ପଛରେ ରହିଯିବ ।
Do not fear failure but rather fear not trying
— Harsh Goenka (@hvgoenka) May 16, 2023
pic.twitter.com/gWlEBQkv8w
