ବିବାହ ଋତୁ ଆସିଲେ ସୋସିଆଲ ମିଡିଆ ରେ ଅନେକ ମଜାଦାର ଭିଡିଓ ଆପଣଙ୍କୁ ମନୋରଞ୍ଜନର ଖୋରାକ୍ ଯୋଗାଇଥାଏ । ବିବାହକୁ ନେଇ ଅନେକ ପ୍ରାଙ୍କ୍ ଭିଡିଓ ମଧ୍ୟ ସୋସିଆଲ୍ ମିଡିଆରେ ଭାଇରାଲ ହୁଏ । କେତେବେଳେ ବର କନ୍ୟା ବଦଳରେ ଅନ୍ୟ ଝିଅ ବେକରେ ବରମାଳା ପକାଇବା ହେଉ ବା ସାଙ୍ଗମାନେ ବରକନ୍ୟା ସହ ପ୍ରାଙ୍କ କରିବା ହେଉ ।
ଆପଣମାନେ ଏମିତି ଅନେକ ଭିଡିଓ ଦେଖିଥିବେ ଯେଉଁଥିରେ ବରର ସାଙ୍ଗମାନେ ବିବାହ ବେଦିରେ ବର-କନ୍ୟା ଉଭୟଙ୍କୁ ହଇରାଣ କରିଥାନ୍ତି । ବେଳେବେଳେ ଏହି ମଜାଳିଆ ଖେଳଗୁଡିକ ବିପଦରେ ପରିଣତ ହୁଏ । ସେହିପରି ଗୋଟିଏ ଭିଡିଓ ବର୍ତ୍ତମାନ ଇଣ୍ଟରନେଟରେ ଭାଇରାଲ ହେଉଛି ।
Also Read
ଅଧିକ ପଢ଼ନ୍ତୁ: ଏପଟେ ବରକୁ ଆଳତି କରୁଛି କନ୍ୟା, ସେପଟେ ବରଯାତ୍ରୀ ବାଡ଼ିଆପିଟା...ଭାଇରାଲ୍ ହେଉଛି ଭିଡିଓ
ଭାଇରାଲ ଭିଡିଓ ରେ ବର କନ୍ୟାକୁ ବରଣମାଳା ପିନ୍ଧାଉଛି, ଠିକ୍ ସେହି ସମୟରେ ବର କାନ ପାଖରେ ବିସ୍ଫୋରଣ ହେବାର ବା ଗୁଳି ଫୁଟିବାର ଶବ୍ଦ ହେଉଛି । ଏହାଦେଖି ବର ଭୟଭୀତ ହୋଇପଡ଼ୁଛି । କିନ୍ତୁ ମଜାର କଥା ହେଲା ଏହା ଗୁଳି ଫୁଟିବାର ଶବ୍ଦ ନୁହେଁ ବରଂ ବରର ଜଣେ ବନ୍ଧୁ ବାଣ ଫୁଟାଉଛନ୍ତି । ହଠାତ୍ ବର ଛାନିଆ ହୋଇଯିବା ଦେଖି ସେଠାରେ ଉପସ୍ଥିତ ଥିବା ଅତିଥି ବରକୁ ଦେଖି ହସୁଛନ୍ତି । ଏହାପରେ ବର ନିଜ ବନ୍ଧୁଙ୍କ ଉପରେ ରାଗିଯାଇ ପାଟି କରୁଥିବାର ଦେଖିବାକୁ ମିଳିଛି ।
ଏହି ଭିଡିଓଟି ଇନ୍ଷ୍ଟାଗ୍ରାମ ରେ ‘ନଟି ଫ୍ୟାମିଲି’ ଆକାଉଣ୍ଟରୁ ପୋଷ୍ଟ କରାଯାଇଛି । ଏହାକୁ ବର୍ତ୍ତମାନ ଯାଏଁ ୮.୬ ମିଲିୟନ ଲୋକ ଦେଖିସାରିଛନ୍ତି । ସେଥିମଧ୍ୟରୁ କେତେକ ୟୁଜର୍ କମେଣ୍ଟରେ ଲେଖିଛନ୍ତି ଯେ, ‘ବେଚାରେ କେ ପୋପଟ୍ ହୋ ଗୟା’..ଦୁଲ୍ହା ଡର ଗୟା.. ଦୁଲ୍ହା ଡର ଗୟା । ତେବେ ଏହି ଭିଡିଓକୁ ଅନେକ ଲୋକ ସୋସିଆଲ ମିଡିଆର ବିଭିନ୍ନ ପ୍ଲାଟଫର୍ମରେ ସେୟାର ମଧ୍ୟ କରିଛନ୍ତି।