Viral Video: ଜମେଇଦେଲେ ଶଶୁର-ବୋହୂ ଯୋଡି; ଦମଦାର ନାଚିଲେ

ଆଜିର ଏ ଇଣ୍ଟରନେଟ୍ ଏବଂ ସୋସିଆଲ୍ ମିଡିଆ ଯୁଗରେ, କିଛି ବି ବିଷୟବସ୍ତୁ ଦେଖିବାକୁ ମିଳୁଛି ଯାହା ପୂର୍ବରୁ କେବେ ଦେଖାଯାଇନି। କେତେବେଳେ ଜଙ୍ଗଲ ଏବଂ ପ୍ରାଣୀ ସମ୍ବନ୍ଧୀୟ ଭିଡିଓ ଭାଇରାଲ୍ ହୁଏ ତ ପୁଣି କେତେବେଳେ ସମ୍ପର୍କର ନୂଆ ରଙ୍ଗ, ଯାହା ଲୋକଙ୍କ ହୃଦୟରେ ଏକ ଘର ତିଆରି କରିଥାଏ। ଏବେ ଏମିତି ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ବୋହୂ ଏବଂ ଶଶୁରଙ୍କ ଏକ ସୁନ୍ଦର ଯୋଡି ଦେଖିବାକୁ ମିଳୁଛି।

ଯେତେବେଳେ ଜଣେ ଝିଅ ବିବାହ କରି ଅନ୍ୟ ଘରକୁ ଯାଏ, ସେତେବେଳେ ତା’ ମନରେ ଅନେକ ପ୍ରଶ୍ନ ଉଙ୍କିମାରେ। ପିଲାଦିନରୁ ଜଡିତ ଥିବା ବାପଘର ଛାଡି ଆଉ ଏକ ନୂଆ ଘରେ ଆଡଜଷ୍ଟ କରିବା ତା’ ପାଇଁ ସହଜ ନୁହେଁ, କିନ୍ତୁ ଘରର ସଦସ୍ୟମାନେ ଏହାକୁ ସହଜ କରିବା କାମ କରନ୍ତି।

ଅଧିକ ପଢ଼ନ୍ତୁ: IPS ବାପାଙ୍କୁ ସ୍ୟାଲୁଟ୍ କଲେ IPS ଝିଅ

ତାନ୍‌ଭୀ ନାମକ ଜଣେ ଝିଅ ସହିତ ସମାନ ଘଟଣା ଘଟିଛି। ତାଙ୍କ ଶ୍ୱଶୁର ତାଙ୍କୁ ବୋହୂ ଭାବରେ ନୁହେଁ ବରଂ ଏକ ଝିଅ ଭାବରେ ଦେଖନ୍ତି। ବର୍ତ୍ତମାନ ଏହି ଦୁଇଜଣଙ୍କ ମଧ୍ୟରେ ଥିବା ସମ୍ପର୍କ ସାଧାରଣରେ ଏକ ଉଦାହରଣ ପାଲଟିଯାଇଛି।

ଭାଇରାଲ ଭିଡିଓ ରେ ଏହା ଦେଖିବାକୁ ମିଳେ ଯେ ଶଶୁର ଏବଂ ବୋହୂଙ୍କ ଯୋଡି ଏକ ଗୀତରେ ଜମେଇକି ନାଚୁଛନ୍ତି। ଏହି ସମୟରେ କାହାରି ମୁହଁରେ ଲାଜ ନାହିଁ କି ଅସହଜ ଭାବ ନାହିଁ। ଦୁହେଁ ଖୁବ୍ ଆରାମରେ ନାଚୁଛନ୍ତି। ଏହା ଦେଖିଲେ ଆପଣ ନିଶ୍ଚୟ ପସନ୍ଦ କରିବେ।

ଏହି ଭିଡିଓ ସୋସିଆଲ ମିଡିଆ ପ୍ଲାଟ୍‌ଫର୍ମ ଇନଷ୍ଟାଗ୍ରାମ ରେ officialhumansofbombay ନାମକ ଏକ ପୃଷ୍ଠାରୁ ଶେୟାର କରାଯାଇଛି। ଏହି ନାଚ ଦେଖିବା ପରେ ସୋସିଆଲ ମିଡିଆ ବ୍ୟବହାରକାରୀମାନେ ବହୁତ ଖୁସି ହେଉଛନ୍ତି। ଆପଣ ପ୍ରଥମେ ଏହି ଭିଡିଓଟି ଦେଖନ୍ତୁ…

ଶଶୁରଙ୍କ କହିବା କଥା ସେ ପ୍ରଥମେ ତାଙ୍କ ବୋହୂ ତାନ୍‌ଭୀଙ୍କୁ ତାଙ୍କ ପୁଅର ବନ୍ଧୁ ଭାବରେ ଭେଟିଥିଲେ। ସେ ବୁଝିଯାଇଥିଲେ ଯେ ସେ ହେଉଛି ତାଙ୍କ ପୁଅର ଗର୍ଲଫ୍ରେଣ୍ଡ। ତାଙ୍କୁ ତାନ୍‌ଭୀ ଖୁବ୍ ପସନ୍ଦ ଆସିଲେ ଏବଂ ସେମାନେ ଏକାଠି ଖାଇଲେ, ପିଇଲେ ଏବଂ କଥାବାର୍ତ୍ତା ମଧ୍ୟ ହେଲେ।

କିଛି ବର୍ଷ ପରେ ଦୁହେଁ ବିବାହ କଲେ। ବିବାହର ପ୍ରସ୍ତୁତିରେ ଉଭୟ ସମୁଦି ଏକାଠି କାମ କରିଥିଲେ ଏବଂ ଯେତେବେଳେ ବୋହୂ ଘରକୁ ଆସିଲେ, ସେ ତାଙ୍କୁ ନିଜ ଝିଅ ଭାବରେ ଗ୍ରହଣ କଲେ। ବର୍ତ୍ତମାନ ଦୁହେଁ ଖୁବ ମଜ୍ଜା କରୁଛନ୍ତି ଏବଂ ସୁଖମୟ ଜୀବନ ବିତାଉଛନ୍ତି।