Mandi Issues: ମଣ୍ଡିରେ ଅବ୍ୟବସ୍ଥା: କଥା କଟାକଟି ହେଲେ ଦୁଇ ଭାଇ...

ଦୁଇ ଭାଇ ମୁହାଁମୁହିଁ । ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂ ଦେଓ ଓ  ବିଧାୟକ କଲିକେଶ ସିଂଦେଓଙ୍କ କଥା କଟାକଟି । ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ କହୁଛନ୍ତି ସବୁ ଠିକ ଚାଲିଛି, କଳିକେଶ କହୁଛନ୍ତି ମଣ୍ଡିରେ ବ୍ୟପକ ଅବ୍ୟବସ୍ଥା । 

ସୁଶାସନ ଦିବସରେ ମିଲର୍ସଙ୍କୁ ଉପ ମୁଖ୍ୟମନ୍ତ୍ରୀଙ୍କ ଧମକ । ସରକାର ପାଖରେ ଅନେକ ବାଟ ଅଛି । କିନ୍ତୁ ଯେଉଁ ମିଲର୍ସ ସରକାରଙ୍କ ନିର୍ଦ୍ଦେଶକୁ ମାନିବେ ନାହିଁ, ସେହି ମିଲର୍ସର ବିଦ୍ୟୁତ ସଂଯୋଗ ବି କଟାଯାଇପାରେ । ଲିଫ୍ଟିଂ ଅର୍ଡର ବି ବନ୍ଦ କରିଦିଆଯାଇପାରେ । ଏ କଥା ଦାୟିତ୍ବ ସଂପନ୍ନ ଗଣମାଧ୍ୟମ ପହଞ୍ଚାଇବା ନିହାତି ଦରକାର । ସୁଶାସନ ଦିବସରେ ଏମିତି କିଛି କହିଥିଲେ ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ । ଶୈଳଶ୍ରୀ ପ୍ୟାଲେସର ପାୱାର କରିଡରରେ ମୁହାଁମୁହିଁ ଭାଇ-ଭାଇ । 

ଅଧିକ ପଢ଼ନ୍ତୁ: ଯାଜପୁର ବିଜେଡିରେ ପଡିଛି ଘଳିଆ, ବିଜେପି କ୍ୟାମ୍ପକୁ ଡେଇଁଲେଣି ମାଳମାଳ ନେତା ଓ କର୍ମୀ

ସାତ ଦିନ ତଳେ ବିଜେଡି ବିଧାୟକ କଳିକେଶ ନାରାୟଣ ସିଂଦେଓ ସାମ୍ବାଦିକ ସମ୍ମିଳନୀ ଡାକି ମିଲର୍ସ ଦେଉଥିବା ଚିରା ଅଖା ବସ୍ତାକୁ ଗଣମାଧ୍ୟମ ଆଗରେ ଦେଖାଇଥିଲେ। କଳିକେଶ ଚିରା ଅଖାକୁ ଦେଖାଇ କହିଥିଲେ ମଣ୍ଡି ବ୍ୟବସ୍ଥାର ଅବସ୍ଥା । ଚାଷୀଙ୍କ ପ୍ରତି ସରକାରଙ୍କ ଦରଦକୁ ନେଇ ସମାଲୋଚନା କରିଥିଲେ କଳିକେଶ । କାକା ପୁଅ ଭାଇ କଳିକେଶଙ୍କ ଅଭିଯୋଗରେ ଅବଗତ ଥିବା ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ ସୁଶାସନ ଦିବସରେ ମଂଚ ଉପରୁ କଳିକେଶଙ୍କୁ ଜବାବ ଦେଇଥିଲେ । ଅବଶ୍ୟ ଉପହାସ କରି କଳିକେଶଙ୍କୁ ଜବାବ ଦେବା ସମୟରେ ମଂଚରୁ ଉଠି ଆସିଥିଲେ ଦୁଇ ବିଜେଡି ନେତ୍ରୀ, ଜିଲ୍ଳା ପରିଷଦ ଅଧ୍ୟକ୍ଷା ଦେବକୀ ସାହୁ ଓ ବଲାଙ୍ଗିର ପୌରାଧ୍ୟକ୍ଷା ଲିକା ସାହୁ । 

ବିଜେଡି ବିଜେପିର ତୁ ତୁ...ମେ ମେ... ଭିତରେ ପଛରେ ପଡିନି କଂଗ୍ରେସ । ଚାଷ ଚାଷୀ ଓ ମଣ୍ଡିକୁ ନେଇ ଗଣମାଧ୍ୟମ ସମ୍ମିଳନୀ ଡାକିଥିଲେ ଭେଟେରାନ କଂଗ୍ରେସ ଲିଡର ନରସିଂହ ମିଶ୍ର । ମଣ୍ଡିରେ ହେଉଥିବା ଅବ୍ୟବସ୍ଥାକୁ ନେଇ ଗର୍ଜିଥିଲେ ନରସିଂହ । ମଣ୍ଡିରେ ବିନା କଟନୀ ଛଟନୀରେ ଧାନ ଉଠାଇବା ପାଇଁ ରାଜ୍ୟ ସରକାରଙ୍କ ପ୍ରତିଶୃତି ପାଣିର ଗାର ବୋଲି କହିଥିଲେ ନରସିଂହ । ତେଣୁ ମଣ୍ଡିରେ କଟନୀ ଛଟନୀ ବଦଳରେ ମିଲର୍ସଙ୍କ ସହିତ  ବୁଝାମଣାରେ ଧାନ ଉଠାଇବା ମୁଖ୍ୟ ଯୋଗାଣ ଅଧିକାରୀ ସ୍ବୀକାର କରିଥିବାରୁ, ସି.ଏସ.ଓ, ବିଭାଗୀୟ ସଚିବ ଓ ମନ୍ତ୍ରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ନରସିଂହ ।  ଏପରିକି ମିଲ ମାନଙ୍କୁ ଧମକ ଦେଇ ନେତା ଚାନ୍ଦା ଆଦାୟ କରୁଥିବା ସଂଗୀନ ଅଭିଯୋଗ ଆଣିଥିଲେ ନରସିଂହ । ହେଲେ ବିରୋଧିଙ୍କ ଏଭଳି ଅଭିଯୋଗର କଡା ଜବାବ ଦେଇଛନ୍ତି କେ.ଭି । କିନ୍ତୁ ନେତାଙ୍କ କହିବା କଥା ...କୁମ୍ଭୀର କାନ୍ଦଣା କାନ୍ଦୁଛନ୍ତି ନେତା । 

ଅଧିକ ପଢ଼ନ୍ତୁ: ବିଜେଡିରେ ଥମୁନି ବିଶୃଙ୍ଖଳା ! କାଲି ହାତାହାତି, ଆଜି ବୟାନବାଜି