LIVE TV
ହାତକୁ ଦି ହାତ ହେବାକୁ ଯାଉଛନ୍ତି ଆଉ ଜଣେ ରାଜନେତା। ବାଜିବ ଶାହାନାଇ। ମହାଙ୍ଗା ବିଧାୟକଙ୍କ ପରେ ଏବେ ବର ସାଜିବେ ଆଉ ଜଣେ ବିଜେଡି ନେତା। ତାଙ୍କ ବାନ୍ଧବୀ ସାଜିବେ ବଧୂ। ୪୯ ବର୍ଷ ବୟସରେ ପ୍ରେମ ଆଉ ତା’ପରେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ପ୍ରଦୀପ ମାଝୀ। ଗୋଆରେ ଡେଷ୍ଟିନେସନ ୱେଡିଂ କରିବେ ନବରଙ୍ଗପୁରର ପୂର୍ବତନ ସାଂସଦ। ଏହାକୁ ନେଇ ଏବେ ଚାରିଆଡେ ଚର୍ଚ୍ଚା ଜୋର ଧରିଛି। ତାଙ୍କ ପ୍ରିୱେଡିଂ ଫଟୋ ସୁଟ୍ ବି ସୋସିଆଲ ମିଡିଆରେ ଭାଇରାଲ ହେଉଛି।
ରାଜନୀତି କ୍ଷେତ୍ରରେ ଜଣେ ଭଲ ସଙ୍ଗଠକ ଓ ବହୁ ଚର୍ଚ୍ଚିତ ଯୁବ ଚେହେରା ସେ। ସାଧାରଣ ଲୋକଙ୍କ ଠାରୁ ଆରମ୍ଭ କରି ଗଣମାଧ୍ୟମରେ ସର୍ବଦା ଗୋଟିଏ ପ୍ରଶ୍ନ କେବେ ବିବାହ କରିବେ? ଶେଷରେ ଏହି ପ୍ରଶ୍ନର ଉତ୍ତର ମିଳିଯାଇଛି। ବୁଧବାର କେନ୍ଦ୍ରାପଡ଼ାର ଝିଅ ସୁଶ୍ରୀ ସଙ୍ଗୀତା ସାହୁଙ୍କୁ ବିବାହ କରିବେ ପ୍ରଦୀପ ମାଝୀ।
ଅଧିକ ପଢ଼ନ୍ତୁ: ବିବାହ କରିବେ ପୂର୍ବତନ ସାଂସଦ ପ୍ରଦୀପ ମାଝୀ, ୧୨ରେ ଗୋଆ ପାଞ୍ଜିମରେ ହେବ ବିବାହ ଉତ୍ସବ
Also Read
୧୨ ତାରିଖରେ ଗୋଆର ପଞ୍ଜିମ୍ରେ ପଡ଼ିବ ହାତଗଣ୍ଠି। ସମୁଦ୍ରକୂଳରେ ଉଭୟ ନେବେ ସାତ ଫେରା। ଏଥିପାଇଁ ସରିଗଲାଣି ସମସ୍ତ ପ୍ରସ୍ତୁତି। କେବଳ ଘନିଷ୍ଠ ବନ୍ଧୁବାନ୍ଧବ ଓ ପରିବାର ଲୋକଙ୍କ ଉପସ୍ଥିତିରେ ସୁଶ୍ରୀଙ୍କ ମଥାରେ ସିନ୍ଦୂର ଦେବେ ପ୍ରଦୀପ। ଏଥିପାଇଁ ଗୋଆରେ ଡେରା ପକାଇଛନ୍ତି ସମସ୍ତେ। ଏନେଇ ଖୋଦ୍ ସୂଚନା ଦେଇଛନ୍ତି ଏହି ବରିଷ୍ଠ ନେତା। ଗୋଆରୁ ଫେରିବା ପରେ ନବରଙ୍ଗପୁରରେ ଆୟୋଜନ ହେବ ରିସେପ୍ସନ ପାର୍ଟି।
ଗତ କିଛି ଦିନ ହେବ ଓଡ଼ିଶାରେ ଚର୍ଚ୍ଚା ରେ ରହିଛି ନେତାଙ୍କ ବିବାହ ଖବର। ନିକଟରେ ବିଜେଡି ନେତା ତଥା ବରିଷ୍ଠ କଂଗ୍ରେସ ନେତା ସୁର ରାଉତରାୟଙ୍କ ପୁଅ ମନ୍ମଥ ରାଉତରାୟ ଦ୍ଵିତୀୟ ବିବାହ ବନ୍ଧନରେ ବାନ୍ଧି ହୋଇଥିଲେ। ମାର୍ଚ୍ଚ ୪ ତାରିଖ ରାଜଧାନୀ ଉପକଣ୍ଠ ଡେରାସ ନିକଟ ଚନ୍ଦକା ନେଚର ରିସର୍ଟରେ ଧୁମ୍ଧାମ୍ରେ ସମ୍ପନ୍ନ ହୋଇଥିଲା ବିବାହ।
