LIVE TV
ବିବାହ କରିବେ ପୂର୍ବତନ ସାଂସଦ ପ୍ରଦୀପ ମାଝୀ । ଆସନ୍ତା ୧୨ ତାରିଖରେ ଗୋଆସ୍ଥିତ ପାଞ୍ଜିମରେ ତାଙ୍କ ବିବାହ ଉତ୍ସବର ଆୟୋଜନ କରାଯାଇଛି । ଏନେଇ ନିଜେ ସୂଚନା ଦେଇଛନ୍ତି ବରିଷ୍ଠ ନେତା ପ୍ରଦୀପ ମାଝୀ । କେନ୍ଦ୍ରାପଡ଼ାର ଝିଅ ସୁଶ୍ରୀ ସଙ୍ଗୀତା ସାହୁଙ୍କୁ ସହ ତାଙ୍କର ଶୁଭ ପରିଣୟ ହେବାକୁ ଯାଉଛି । ଉଭୟ ପ୍ରଦୀପ ଓ ସୁଶ୍ରୀଙ୍କ ପରିବାର, ପ୍ରଦୀପଙ୍କ କିଛି ଅନ୍ତରଙ୍ଗ ବନ୍ଧୁ ଓ ପରିଜନଙ୍କୁ ନେଇ ଏହି ବିବାହ ଉତ୍ସବ ଅନୁଷ୍ଠିତ ହେବାକୁ ଯାଉଛି ।
Also Read
ଅଧିକ ପଢ଼ନ୍ତୁ: ଓଡ଼ିଶାକୁ ନିରାପଦ ଆଶ୍ରୟସ୍ଥଳୀ ଭାବୁଛନ୍ତି କି ବାଂଲା ଅନୁପ୍ରବେଶକାରୀ ?
ସେହିପରି ମାର୍ଚ୍ଚ ୩ରେ ବିବାହ ବନ୍ଧନରେ ବାନ୍ଧି ହୋଇଥିଲେ ବରିଷ୍ଠ କଂଗ୍ରେସ ନେତା ସୁର ରାଉତରାୟଙ୍କ ସାନ ପୁଅ ତଥା ବିଜେଡି ନେତା ମନ୍ମଥ ରାଉତରାୟ । ଭୁବନେଶ୍ବର ଉପକଣ୍ଠ ଡେରାସରେ ଥିବା ଚନ୍ଦକା ରିସର୍ଟରେ ମନ୍ମଥଙ୍କର ବିବାହ ଅନୁଷ୍ଠିତ ହୋଇଥିଲା । ପଟିଆ ଅଞ୍ଚଳର ଜଣେ ଯୁବତୀଙ୍କ ହାତ ଧରିଥିଲେ ମନ୍ମଥ । ଯୁବତୀ ଜଣକ ମୁମ୍ବାଇର ଏକ ବ୍ୟାଙ୍କରେ କାର୍ଯ୍ୟରତ ଥିବା ସୂଚନା ମିଳିଛି । ମନ୍ମଥଙ୍କ ବିବାହ ଉତ୍ସବରେ ମାତ୍ର ହାତଗଣତି ସମ୍ପର୍କୀୟ ଓ ବନ୍ଧୁ ବାନ୍ଧବ ସାମିଲ ହୋଇଥିଲେ । ବରିଷ୍ଠ କଂଗ୍ରେସ ନେତା ତଥା ମନ୍ମଥ ରାଉତରାୟଙ୍କର ଭିଣୋଇ ପ୍ରସାଦ ହରିଚନ୍ଦନଙ୍କୁ ବରଯାତ୍ରୀ ଶୋଭାଯାତ୍ରାରେ ଦେଖିବାକୁ ମିଳିଥିଲା । ତେବେ ଏହି ବିବାହ ଉତ୍ସବରେ କଂଗ୍ରେସ କିମ୍ବା ବିଜେଡିର କୌଣସି ନେତା ସାମିଲ ହୋଇନଥିଲେ । ତେବେ ଏହା ମନ୍ମଥଙ୍କ ଦ୍ବିତୀୟ ବିବାହ ଥିଲା ।
