Odisha Assembly: ବିଧାନସଭା ଆଗରେ କଂଗ୍ରେସର ହାଇଡ୍ରାମା, ବରିଷ୍ଠ କଂଗ୍ରେସ ନେତା ଓ ପୋଲିସ ମଧ୍ୟରେ ଯୁକ୍ତିତର୍କ

ବିଧାନସଭା ଆଗରେ ହାଇଡ୍ରାମା । ବିଧାନସଭା ଆଗରେ ସୁରକ୍ଷାକର୍ମୀ-କଂଗ୍ରେସ ନେତା ମୁହାଁମୁହିଁ । ବିଧାନସଭାରେ କଂଗ୍ରେସର ୧୨ ବିଧାୟକଙ୍କୁ ସସପେଣ୍ଡର ପ୍ରତିବାଦ କରିଛନ୍ତି କଂଗ୍ରେସ ନେତା । ବିଧାନସଭା ଆଗରେ ପହଞ୍ଚିଥିଲେ ବରିଷ୍ଠ କଂଗ୍ରେସ ନେତା । ପିସିସି ସଭାପତିଙ୍କ ସହ ଘଟଣାସ୍ଥଳରେ ନରସିଂହ ମିଶ୍ର, ନିରଞ୍ଜନ ମିଶ୍ର, ଜୟଦେବ ଜେନା ଓ ଶରତ ରାଉତଙ୍କ ଭଳି ବରିଷ୍ଠ ନେତା ପହଞ୍ଚିଥିଲେ ।

ତେବେ କଂଗ୍ରେସର ଏହି ୫ ବରିଷ୍ଠ ନେତା ବିଧାନସଭା ଭିତରକୁ ଯିବାକୁ ଚେଷ୍ଟା କରିଥିଲେ । କିନ୍ତୁ ପୋଲିସ୍‌ ସେମାନଙ୍କୁ ଅଟକାଇଥିଲେ। ବିଧାନସଭାକୁ ପ୍ରବେଶ ଉଦ୍ୟମ ବେଳେ କଂଗ୍ରେସ ନେତା ଓ ସୁରକ୍ଷାକର୍ମୀଙ୍କ ମଧ୍ୟରେ ଠେଲାପେଲା ମଧ୍ୟ ହୋଇଥିଲା । ପିସିସି ସଭାପତିଙ୍କ ସହ ୫ ନେତାଙ୍କୁ ଅଟକାଇଥିଲେ ସୁରକ୍ଷାକର୍ମୀ । ଧସ୍ତାଧସ୍ତି ପରେ ବିଧାନସଭା ବାହାରେ ଧାରଣାରେ ବସିଥିଲା କଂଗ୍ରେସ । ତେବେ ବିଧାନସଭା ବାହାରେ ଧାରଣାରତ କର୍ମୀଙ୍କୁ ଉଠାଇ ନେଇଥିଲା ପୋଲିସ । ୫ରୁ ଅଧିକ ଏକତ୍ରିତ ଥିବାରୁ ଉଠାଇ ନେଲା ପୋଲିସ ।

ଅଧିକ ପଢ଼ନ୍ତୁ: ବାଚସ୍ପତିଙ୍କ ବଡ଼ ଆକ୍ସନ, କଂଗ୍ରେସର ୧୨ ବିଧାୟକ ବିଧାନସଭାରୁ ୭ ଦିନ ପାଇଁ ସସପେଣ୍ଡ୍