ପୁଷ୍ପା ନଇଁଲାନି, ପୌର ନିର୍ବାଚନରେ ମାରିନେଲା ବାଜି

ପୌର ନିର୍ବାଚନରେ ଜିତିଲା ପୁଷ୍ପା। ଫିଲ୍ମର ଡାଇଲଗ୍‌ ସତ ହେଲା ନିର୍ବାଚନର ମୈଦାନରେ। ପୁଷ୍ପା ନଇଁଲାନି, ମାରିନେଲା ବାଜି। ଚାରିଆଡେ ବିଜେଡି ହାୱା ଥିବା ବେଳେ ଚକମା ଦେଇଛନ୍ତି ସ୍ୱାଧୀନ ପ୍ରାର୍ଥୀ ପୁଷ୍ପା। ୪୬ ନମ୍ବର ୱାର୍ଡରେ ପୁଷ୍ପା ରାଉତ ବିଜୟ ହୋଇଛନ୍ତି। ଯାହାଙ୍କ ନାଁକୁ ନେଇ ବେଶ୍ ଚର୍ଚ୍ଚା ହେଉଥିଲା।

ଏହି ୱାର୍ଡରେ ବିଜେଡି ସହ ଚାଲେଞ୍ଜ ଦେଇଥିଲେ ପୁଷ୍ପା ରାଉତ। ବିଜୟ ହାସଲ କରିବା ପରେ ତାଙ୍କର ସମର୍ଥକମାନେ ସେଲିବ୍ରେସନ ଆରମ୍ଭ କରିଦେଇଛନ୍ତି। ଏନେଇ ପୁଷ୍ପା କହିଛନ୍ତି, ଲୋକମାନେ ଅଜସ୍ର ସମର୍ଥନ ଦେଇଛନ୍ତି। ଏତେ ଭଲପାଇବା ଯୋଗୁ ଆଜି ମୁଁ ୧୧୮୦ ଭୋଟ୍‌ରେ ଜିତିପାରିଛି।

ସେ ଆହୁରି କହିଛନ୍ତି, ମୋ ସ୍ୱାମୀ ଅନେକ ଲୋକଙ୍କୁ ସାହାଯ୍ୟ, ସହଯୋଗ କରିଛନ୍ତି। ଏପରିକି ଗୋଡ଼ହାତ ଧରିକି ଅନେକ ପିଲାଙ୍କ ଚାକିରି କରାଇଦେଇଛନ୍ତି। ମୁଁ ସବୁବେଳେ ଲୋକଙ୍କ ସାଙ୍ଗରେ ରହିବି। ଯାହାବି ସମସ୍ୟା ରହିବ, ମୁଁ ତାଙ୍କ ସହ ରହିବି। ବିଜେଡିରୁ ଟିକେଟ୍‌ ମିଳିବ ବୋଲି ଆଶା କରିଥିଲି କିନ୍ତୁ ମିଳିଲାନି।  

#ପୁଷ୍ପାଙ୍କ_ପଲିଟିକାଲ_ରାଜୁତି_ଆରମ୍ଭ#ନଇଁଲାନି_ପୁଷ୍ପା_ମାରିନେଲା_ବାଜି
ଚାରିଆଡେ ବିଜେଡି ହାୱା ଥିବା ବେଳେ ଚକମା ଦେଇଛନ୍ତି ସ୍ୱାଧୀନ ପ୍ରାର୍ଥୀ ପୁଷ୍ପା ରାଉତ। ୪୬ ନମ୍ବର ୱାର୍ଡରେ ପୁଷ୍ପା ବିଜୟ ହୋଇଛନ୍ତି। ଯାହାଙ୍କ ନାଁକୁ ନେଇ ବେଶ୍ ଚର୍ଚ୍ଚା ହେଉଥିଲା।#MunicipalElections2022#Bhubaneswarpic.twitter.com/Alh4G7I25U

— ଓଟିଭି (@otvkhabar) March 26, 2022

ପୁଷ୍ପାଙ୍କ ସ୍ୱାମୀ କହିଛନ୍ତି ଯେ ଏହା ଆମର ବିଜୟ ନୁହେଁ, ଲୋକଙ୍କ ବିଜୟ। ମୁଁ ଦୀର୍ଘ ବର୍ଷ ଧରି ଲୋକଙ୍କ ସହ ରହିଆସୁଛି, ସେମାନଙ୍କ ସମର୍ଥନ ମୋତେ ମିଳିଛି।