SHG ଟଙ୍କା ଲାଗୁଛି ସୁଧରେ ! ପ୍ରକଳ୍ପ କରି ଆତ୍ମନିର୍ଭରଶୀଳ ହେବା ବଦଳରେ କରୁଛନ୍ତି ଗଫଲତି !

ସ୍ୱୟଂ ସହାୟକ ଗୋଷ୍ଠୀଙ୍କୁ ଆସୁଥିବା ଟଙ୍କାରେ ମହାଜନୀ କାରବାର ପ୍ରକଳ୍ପ ଜରିଆରେ ଆତ୍ମନିର୍ଭରଶୀଳ ହେବା ବଦଳରେ ବ୍ୟାଙ୍କ୍ ଟଙ୍କାରେ ସୁଧ ବେପାର ମହିଳାଙ୍କୁ ସ୍ୱାବଲମ୍ବି କରିବାକୁ ମିଶନ ଶକ୍ତି ବିଭାଗ ବ୍ୟାପକ ଯୋଜନା ହାତକୁ ନେଇଛି । ମହିଳା SHGଙ୍କୁ ଯୋଗାଇ ଦିଆଯାଉଛି କୋଟି କୋଟି ଟଙ୍କାର ସୁଧମୁକ୍ତ ଋଣ । ତେବେ ଦୁର୍ଭାଗ୍ୟର କଥା, ରାଜ୍ୟର ବିଭିନ୍ନ ସ୍ଥାନରେ ସାମ୍ନାକୁ ଆସୁଛି ଏ ଟଙ୍କାର ଗଣ୍ଡା ଗଣ୍ଡା ଗଫଲତି ଘଟଣା ।

ଜୟପୁର ସହରର ଲେଡି ଲାୟନ୍ ସ୍ୱୟଂ ସହାୟକ ଗୋଷ୍ଠୀ । ୨୦୧୯ରୁ ଗଠନ ଭିତରେ ଏ ଗୋଷ୍ଠୀ ପାଇଛି ୪ ଲକ୍ଷ ୪୦ ହଜାର ଟଙ୍କା । ଗୋଷ୍ଠୀର ସଦସ୍ୟା ବଡ଼ି, ପାମ୍ପଡ଼ ଓ ଆଚାର ପ୍ରସ୍ତୁତ କରି ବ୍ୟବସାୟ ତ କରୁଛନ୍ତି, ତାସହ ସରକାରୀ ଟଙ୍କାକୁ ସୁଧ କାରବାରରେ ବି ଲଗାଇଛନ୍ତି । ଏମିତିକି ଯଦି ଗ୍ରୁପ୍ ବାହାରୁ କେହି ଟଙ୍କା ଆବଶ୍ୟକ କରେ, ତେବେ ସେମାନଙ୍କୁ ଟଙ୍କା ଦେବାକୁ ପ୍ରସ୍ତୁତ ଏହି ଗୋଷ୍ଠୀ ।

ଅଧିକ ପଢ଼ନ୍ତୁ: ୨୦୨୪ ପାଇଁ ବିଜେଡିର ବଡ଼ ପ୍ଳାନ୍‌; ସବୁ ବିଭାଗରେ SHG

ବାଲେଶ୍ୱର ସୋରରେ ମଧ୍ୟ ସମାନ ଅବସ୍ଥା । ସ୍ୱୟଂ ସହାୟକ ଗୋଷ୍ଠୀର ସୁଧ କାରବାର ? ସ୍ଥାନୀୟ ସିଙ୍ଗାଖୁଣ୍ଟା ପଞ୍ଚାୟତରେ କାର୍ଯ୍ୟ କରୁଛି ପଞ୍ଚାୟତସ୍ତରୀୟ ମହାଂସଘ । ଏଠି ସ୍ୱାବଲମ୍ବୀ ହେବାକୁ ମହିଳାମାନେ କିଛି ପ୍ରକଳ୍ପ କରିଛନ୍ତି, ହେଲେ ଗ୍ରୁପକୁ ଆସୁଥିବା ବିନା ସୁଧ ଟଙ୍କାରେ ରୀତିମତ ଚାଲିଛି ମହାଜନୀ କାରାବାର । ଯାହାକୁ ସ୍ୱୀକାର କରିଛନ୍ତି ମହାସଂଘର ସଭାପତି ।

ସେପଟେ ମୟୂରଭଞ୍ଜ ଉଦଳାରେ ଗୋଷ୍ଠୀ ନାଁରେ ଆସିଥିବା ଟଙ୍କାକୁ କିଛି କାମରେ ନଲଗାଇ ନିଜ ନିଜ ଭିତରେ ଗୋଷ୍ଠୀ ସଦସ୍ୟ ଚଳୁ କରି ଦେଇଥିବା ଅଭିଯୋଗ ହୋଇଛି । ଛତୁଚାଷ ନାଁରେ ଆସିଥିବା ୧ ଲକ୍ଷ ଟଙ୍କାକୁ ନିଜ ନିଜ ଭିତରେ ସୁଧରେ ନେଇ ମୂଳ ଦେବାକୁ ବି ଭୁଲିଯାଇଛନ୍ତି ଗ୍ରୁପ୍ ସଦସ୍ୟା ।

ମିଶନ୍ ଶକ୍ତି ଅନ୍ତର୍ଗତ ମହିଳା SHG ଗୁଡ଼ିକ ଲୋନ୍ ନେଇ ସୁଝୁନଥିବା ଏବଂ ରୁଣ ଅର୍ଥକୁ ଅନ୍ୟ ବାଟରେ ଖର୍ଚ୍ଚ କରୁଥିବା ନେଇ କିଛି ଦିନ ତଳେ ମିଶନ ଶକ୍ତି ସଂପର୍କିତ ଷ୍ଟାଣ୍ଡିଂ କମିଟି ରିପୋର୍ଟକୁ ନେଇ ଅକଳରେ ପଡ଼ିଥିଲେ ସରକାର । ଏପରିକି ବିଜୁ ଜନତା ଦଳର କର୍ମୀ ଓ ସମର୍ଥକଙ୍କୁ ଋଣ ଦିଆଯାଉଥିବା କଥା ସିଧା ଅଭିଯୋଗ କରିଥିଲେ ବିରୋଧୀ । ବିଜେଡି କିନ୍ତୁ ଏ ଅଭିଯୋଗକୁ ଖଣ୍ଡନ କରି ଓଡ଼ିଶା ର SHG ଦେଶର ରୋଲ୍ ମଡେଲ ବୋଲି କହିଥିଲା ।

SHG ମହିଳାଙ୍କୁ ଆର୍ଥିକ ସ୍ୱାବଲମ୍ବୀ କରିବାକୁ ସରକାର ଏବେ ୧୫ଟି ବିଭାଗରେ କାମ ଦେଉଛନ୍ତି। ଆଗକୁ ସବୁ ବିଭାଗକୁ ସାମିଲ ଲାଗି ଯୋଜନା କରି ୧୦ ହଜାର କୋଟି ଟଙ୍କା ଋଣ ଯୋଗାଇକୁ ଲକ୍ଷ୍ୟ ରଖିଛନ୍ତି । ପ୍ରଶ୍ନ ଉଠୁଛି ଏ ଅର୍ଥର ସଦ ବିନିଯୋଗ ହୋଇ ପୁଣି ସରକାରଙ୍କ ଆକାଉଣ୍ଟକୁ ସହି ସଲାମତ ଫେରୁଛି ତ ?