ଦିଲ୍ଲୀରେ BJPର କୋର୍ କମିଟି ବୈଠକ; ଖୁବ୍‌ଶୀଘ୍ର ଘୋଷଣା ହୋଇପାରେ ୧୦୦ ପ୍ରାର୍ଥୀଙ୍କ ନାଁ

ଦିଲ୍ଲୀରେ BJPର କୋର୍ କମିଟି ବୈଠକ । ଦିଲ୍ଲୀ BJP ମୁଖ୍ୟାଳୟରେ ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ନେତୃତ୍ୱରେ ବସିଛି ଏହି ଗୁରୁତ୍ୱପୂର୍ଣ୍ଣ ବୈଠକ । ଯେଉଁଥିରେ ଦଳର ବରିଷ୍ଠ ପଦାଧିକାରୀ, ୧୪ଟି ରାଜ୍ୟର ବିଜେପି ସଭାପତି, ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ ଏବଂ କିଛି ବରିଷ୍ଠ ନେତା ସାମିଲ ହୋଇଛନ୍ତି ।

ରାଜ୍ୟ ବିଜେପି ସଭାପତି ମନମୋହନ ସାମଲଙ୍କ ସୂଚନା ଅନୁଯାୟୀ, ଏହି ବୈଠକରେ ଆଗାମୀ ସାଧାରଣ ନିର୍ବାଚନ ପାଇଁ ସଟ୍ ଲିଷ୍ଟ୍ ହୋଇଥିବା ପ୍ରାର୍ଥୀଙ୍କ ସମ୍ପର୍କରେ ଚୂଡ଼ାନ୍ତ ଆଲୋଚନା ହୋଇପାରେ । ଏହାପରେ ଆସନ୍ତାକାଲି ଦଳର ସେଣ୍ଟ୍ରାଲ୍ ଇଲେକସନ୍ କମିଟି-CEC ବୈଠକ ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ୍ ଶାହ, ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ପ୍ରମୁଖ ଏଥିରେ ସାମିଲ ହେବେ ।

ଅଧିକ ପଢ଼ନ୍ତୁ: ତାମିଲନାଡ଼ୁରେ ଶକ୍ତି ଦେଖାଇଲା BJP; ୬ ମାସରେ ୨୩୪ ଆସନରେ କଲା ପଦଯାତ୍ରା

କୁହାଯାଉଛି ଖୁବଶୀଘ୍ର BJP ନିଜର ୧୦୦ ଜଣିଆ ପ୍ରାର୍ଥୀ ତାଲିକା ଘୋଷଣା କରିବ । ଯେଉଁଥିରେ ପ୍ରଧାନମନ୍ତ୍ରୀ ମୋଦି, ଶାହ, ରାଜନାଥଙ୍କ ଭଳି କିଛି ହେଭିୱେଟଙ୍କ ନାଁ ଘୋଷଣା ହୋଇପାରେ । ଏଥିରେ ଓଡ଼ିଶାରୁ ୨ କି ୩ଟି ନାଁ ରହିପାରେ ବୋଲି ରାଜ୍ୟ ନିର୍ବାଚନ ପ୍ରଭାରୀ ବିଜୟପାଲ ସିଂ ତୋମାର ନିକଟରେ ଓଡିଶା ଗସ୍ତରେ ଆସିଥିବାବେଳେ ସୂଚନା ଦେଇଥିଲେ ।