• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Manoranjan Behera

ସାଧାରଣ ନିର୍ବାଚନର କିଛି ମାସ ପୂର୍ବରୁ ମନ୍ତ୍ରୀମଣ୍ଡଳ ଅଦଳବଦଳକୁ ନେଇ ଅନେକ ପ୍ରଶ୍ନ ଛିଡ଼ା ହୋଇଛି? କାହିଁକି ନିର୍ବାଚନ ପୂର୍ବରୁ ମନ୍ତ୍ରୀ ମଣ୍ଡଳରେ ଏହି ପରିବର୍ତ୍ତନ? ସରକାରଙ୍କୁ ଏମିତି ଅନେକ ପ୍ରଶ୍ନ କରିଛନ୍ତି ବିରୋଧି । ୩ ନୂଆ ମନ୍ତ୍ରୀଙ୍କ ଶପଥ ପାଠ ଓ ଦାୟିତ୍ୱ ମିଳିବା ପ୍ରସଙ୍ଗର ପ୍ରତିକ୍ରିୟା ରଖିଛନ୍ତି ବିଜେପି ନେତା ଗୋଲକ ମହାପାତ୍ର । ପ୍ରେସମିଟ କରି କହିଛନ୍ତି, ମନ୍ତ୍ରିମଣ୍ଡଳ ଅଦଳବଦଳ ପୁରୁଣା ବୋତଲରେ ନୂଆ ମଦ ସଦୃଶ୍ୟ ବୋଲି ତୁଳନା କରିଛନ୍ତି । ଦକ୍ଷ ଓ ବରିଷ୍ଠତା ଭିତ୍ତିରେ ଯଦି ମନ୍ତ୍ରୀ ପଦ ଦିଆଗଲା ତେବେ ଆଗରୁ ଏମାନେ ଦକ୍ଷ ନଥିଲେ କି ବୋଲି ପ୍ରଶ୍ନ କରିଛନ୍ତି ଗୋଲକ ।

ଅଧିକ ପଢ଼ନ୍ତୁ: ଶପଥ ଗ୍ରହଣ ପରେ କେଉଁ ମନ୍ତ୍ରୀଙ୍କୁ ମିଳିଲା କେଉଁ ବିଭାଗ, ଜାଣନ୍ତୁ...

ଗୋଲକ ସରକାରଙ୍କୁ ସମାଲୋଚନା କରି କହିଛନ୍ତି ଯେ, ‘ନୂଆ ବୋତଲରେ ପୁରୁଣା ମଦ’ । ସେ ଆହୁରି କହିଛନ୍ତି ଯେ, ମନ୍ତ୍ରୀ ପଦ ପାଇଥିବା ନେତା ଦକ୍ଷ ଓ ବରିଷ୍ଠ କହି ଦିଆଗଲା । ପୂର୍ବରୁ କଣ ଏମାନେ ଦକ୍ଷ ନ ଥିଲେ, ତେବେ ତାଙ୍କୁ କାହିଁକି ବାହାର କରାଯାଇଥିଲା । ଧର୍ମେନ୍ଦ୍ର ସାହୁ ଆତ୍ମହତ୍ୟା ପାଇଁ ସମୀର ଦାଶଙ୍କୁ ବାହାର କଲେ । ସେହିପରି ଶ୍ରୀକାନ୍ତ ସାହୁଙ୍କୁ ମଧ୍ୟ ବାହାର କଲେ । ଯଦି ସରକାର ମାନୁଛନ୍ତି ଏମାନେ ଦୋଷୀ, ତେବେ କାହିଁକି ଏମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେଉ ନାହାନ୍ତି । ମନ୍ତ୍ରୀ ବଦଳିଲେ ପ୍ରଭାବ ପଡ଼ିବନି । ଅସନ୍ତୋଷ ଓ ଅନ୍ତଃକନ୍ଦଳ ଦୂର ପାଇଁ ମନ୍ତ୍ରୀ ପଦ ଅଦଳବଦଳ ହୋଇଛି ।

ନୂଆ ୩ ମନ୍ତ୍ରୀଙ୍କୁ ମିଳିଛି ବିଭାଗ । ବିକ୍ରମ କେଶରୀ ଆରୁଖ ହୋଇଛନ୍ତି ଅର୍ଥ ମନ୍ତ୍ରୀ, ସୁଦାମ ମାର୍ଣ୍ଡି ସ୍କୁଲ ଓ ଗଣଶିକ୍ଷା ମନ୍ତ୍ରୀ । ସେହିଭଳି ସାରଦା ନାୟକଙ୍କୁ ମିଳିଛି ଶ୍ରମ ବିଭାଗ । ଆଜି ଲୋକସେବା ଭବନ କନଭେନସନ୍ ହଲରେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ତିନି ମନ୍ତ୍ରୀଙ୍କୁ ପଦ ଓ ଗୋପନୀୟତାର ଶପଥ କରାଇଛନ୍ତି । ପୂର୍ବରୁ ଅର୍ଥ ବିଭାଗ ନିରଞ୍ଜନ ପୂଜାରୀଙ୍କ ପାଖରେ ଥିଲା । ତା’ସହ ଅତିରିକ୍ତ ଭାବେ ସ୍ୱାସ୍ଥ୍ୟ ବିଭାଗ ଏବଂ ସଂସଦୀୟ ବ୍ୟାପାର ବିଭାଗ ବି ନିରଞ୍ଜନ ପୂଜାରୀ ସମ୍ଭାଳିଥିଲେ । ଏବେ ନିରଞ୍ଜନଙ୍କଠୁ ଅର୍ଥ ବିଭାଗ ନେଇ ଆରୁଖଙ୍କୁ ଦିଆଯାଇଛି ।

ସେହିଭଳି ଶ୍ରୀକାନ୍ତ ସାହୁ ଶ୍ରମ ବିଭାଗ ଛାଡ଼ିବା ପରେ ସାରଦା ନାୟକଙ୍କୁ ଏହି ବିଭାଗ ମିଳିଛି । ସମୀର ଦାସଙ୍କ ପରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ହୋଇଛନ୍ତି ସୁଦାମ ମାର୍ଣ୍ଡି ।