Poacher Killed: ବେଆଇନ ଶିକାର ସାଜିଲା କାଳ, ନିଜ ଗୁଳିରେ ନିଜେ ମରିଗଲା ଶିକାରୀ

ବେଆଇନ ଶିକାର ବେଳେ ଅଘଟଣ । ନିଜ ଦେଶୀ ବନ୍ଧୁକରୁ ଗୁଳି ଫୁଟି ଶିକାରୀ ମୃତ । ଗଜପତି ଜିଲ୍ଲା ମୋହନା ଥାନା କୁଙ୍କୁଣୀ ପଦାସାହି ଗାଁ ନିକଟରେ ଏହି ଅଭାବନୀୟ ଘଟଣା ଘଟିଛି । ମୃତକ ରାୟଗଡ଼ ଥାନା ସିନ୍ଧିବା ଗାଁର ହରିଶ୍ଚନ୍ଦ୍ର ଭୂୟାଁ । ଗତକାଲି ସନ୍ଧ୍ୟାରେ ସେ ପାଖ ଜଙ୍ଗଲକୁ ଶିକାର କରିବାକୁ ଯାଇଥିବାବେଳେ ଅସାବଧାନତା ବଶତଃ ଗୁଳି ଫୁଟି ମୃତ୍ୟୁ ହୋଇଛି ।

ଅଧିକ ପଢ଼ନ୍ତୁ: ଏମିତି ଆସେ ମୃତ୍ୟୁ; ଝିଅ ଘର ସାମ୍ନାରେ ଚାଲିଗଲା ବାପାମା’, ଭାଇର ଜୀବନ

ହରିଶ୍ଚନ୍ଦ୍ର ଗତ ଦୁଇ ମାସ ହେଲା କୁଙ୍କୁଣି ପଦାସାହି ଗାଁରେ ରହି ଖଜୁରୀ ତାଡ଼ି କାଟୁଥିଲେ । ଗତକାଲି ସନ୍ଧ୍ୟା ସମୟରେ ହରିଶ୍ଚନ୍ଦ୍ରଙ୍କ ସମେତ ଗାଁର କିଛି ଲୋକ ଗାଁ ନିକଟସ୍ଥ ଜଙ୍ଗଲକୁ ଦେଶୀ ବନ୍ଧୁକ ନେଇ ଶିକାର କରିବା ପାଇଁ ଯାଇଥିଲେ । ହେଲେ ଅସାବଧାନତା ବଶତଃ ନିଜ ବନ୍ଧୁକରୁ ଗୁଳି ଫୁଟି ହରିଶ୍ଚନ୍ଦ୍ରଙ୍କ ମୃତ୍ୟୁ ଘଟିଥିବା କୁହାଯାଉଛି । ପାହାଡ଼ ନିକଟରେ ତାଙ୍କର ମୃତଦେହ ପଡ଼ିଥିବା ବେଳେ ଘଟଣାସ୍ଥଳରେ ଦେଶୀ ବନ୍ଧୁକ ଓ ଗୁଳିବାରୁଦ ବି ପଡ଼ି ରହିଛି । 

ତେବେ ପ୍ରକୃତରେ ନିଜ ବନ୍ଧୁକରୁ ଗୁଳି ଫୁଟି ହରିଶ୍ଚନ୍ଦ୍ରଙ୍କ ମୃତ୍ୟୁ ଘଟିଛି ନା ଏହା ପଛରେ ଅନ୍ୟ କିଛି କାରଣ ରହିଛି ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଘଟଣାରେ ମୃତ ହରିଶ୍ଚନ୍ଦ୍ରଙ୍କ ସାଙ୍ଗରେ ଶିକାର କରିବାକୁ ଯାଇଥିବା ଦୁଇ ଜଣ ଗ୍ରାମବାସୀଙ୍କୁ ଥାନାରେ ଅଟକ ରଖି ପଚରାଉଚରା କରୁଛି ପୋଲିସ । 

ଅଧିକ ପଢ଼ନ୍ତୁ: ବଡ଼ ଅଘଟଣ; କାର୍‌ ସହ ଜଳିଗଲେ ଡ୍ରାଇଭର

OTV is now on Whatsapp

Join and get latest news update delivered to you via whatsapp

Join Now