ସାଉଥ୍ ଡିରେକ୍ଟର ଏସ୍ଏସ୍ ରାଜମୌଲିଙ୍କ ପଡ଼ିଲା ପ୍ରଭାବ । ଅଣ୍ଟା ଭିଡ଼ିଲା କୋରାପୁଟ ପ୍ରଶାସନ । ଆହୁରି ସୁନ୍ଦର ଦିଶିବ ଓ ଆକର୍ଷଣୀୟ ହେବ ଦେଓମାଳି । ଏଥିପାଇଁ ଏସଓପି ଜାରି ହୋଇଛି । ଏଣିକି ଦେଓମାଳିକୁ ପ୍ରଦୂଷିତ କରୁଥିବା ଲୋକଙ୍କ ବିରୁଦ୍ଧରେ ନିଆଯିବ କାର୍ଯ୍ୟାନୁଷ୍ଠାନ । ଏଥିସହ କିପରି ପ୍ଲାଷ୍ଟିକ୍ ଓ ପଲିଥିନ୍ ମୁକ୍ତ କରାଯିବ ସେଥିପାଇଁ ଗାଇଡଲାଇନ୍ ପ୍ରସ୍ତୁତ କରାଯାଇଛି ।
ଅଧିକ ପଢ଼ନ୍ତୁ: କାଳବୈଶାଖୀ କମାଇଲା ତାତି, ୧୭ ପର୍ଯ୍ୟନ୍ତ ବର୍ଷା ସମ୍ଭାବନା
Also Read
ନିକଟରେ ସାଉଥ୍ ନିର୍ଦ୍ଦେଶକ ଏସ୍ଏସ୍ ରାଜମୌଲି ଦେଓମାଳିରେ ସୁଟିଂ କରିଥିଲେ । ତାଙ୍କର ହାଇ ବଜେଟ୍ ସିନେମା ଏସ୍ଏସ୍ଏମ୍ବି-29ର କିଛି ସିନ୍ ଏହିଠାରେ ସୁଟିଂ ହୋଇଥିଲେ । ଏହି ସମୟରେ ସିନେମାର ଅଭିନେତ୍ରୀ ପ୍ରିୟଙ୍କା ଚୋପ୍ରା, ଅଭିନେତା ମହେଶ ବାବୁ ଓ ରାଜମୌଲିଙ୍କ ସମେତ ପୂରା ଟିମ୍ କୋରାପୁଟରେ ରହିଥିଲେ । ସୁଟିଂ ସାରି ଯିବାପରେ କୋରାପୁଟକୁ ଭୁରି ଭୁରି ପ୍ରଶଂସା କରିଥିଲେ ଷ୍ଟାର୍ କାଷ୍ଟ। କିନ୍ତୁ କିଛି କିନ୍ତୁ ଛାଡ଼ି ଯାଇଥିଲେ ରାଜମୌଲି । ଦେଓମାଳିକୁ ଆହୁରି ସୁନ୍ଦର ଓ ଆକର୍ଷଣୀୟ କରିବାକୁ ହେଲେ ସ୍ବଚ୍ଛ କରିବାକୁ ପଡ଼ିବ ବୋଲି କହିଥିଲେ । ଜୈବ ବିବିଧତା ଘେରା ଏହି ସ୍ଥାନରେ ଅଳିଆ, ଆବର୍ଜନା ପକାଇ ଦୂଷିତ ନ କରିବାକୁ ଲୋକଙ୍କୁ ଅପିଲ୍ କରିଥିଲେ ରାଜମୌଲି । ଠିକ୍ ଏହାର କିଛି ଦିନ ପରେ ଜିଲ୍ଲା ପ୍ରଶାସନ ରାଜ୍ୟର ସର୍ବୋଚ୍ଚ ଗିରିଶୃଙ୍ଗ ଦେଓମାଳିର ସ୍ୱଚ୍ଛତା ପାଇଁ ଅଣ୍ଟା ଭିଡିଛି । ପ୍ଲାଷ୍ଟିକ୍ ମୁକ୍ତ ପାଇଁ ଜାରି କରିଛନ୍ତି କଟକଣା ।
ନୂଆ ଏସଓପି ଅନୁସାରେ, ଏଣିକି ଦେଓମାଳିକୁ ରାତିରେ ପ୍ରେବଶ ଉପରେ ନିଶେଷାଧେଶ ଦିଆଯାଇଛି। ସେହିପରି ଯେଉଁମାନେ ପୂର୍ବରୁ ବୁକିଂ କରିଥିବେ ସେହିମାନେ ହିଁ ଏଣ୍ଟ୍ରି କରିପାରିବେ । ଏଣ୍ଟ୍ରି ପଏଣ୍ଟରେ କଡାକଡି ଯାଞ୍ଚ ହେବ। ପଲିଥିନ୍ କିମ୍ବା ଅନ୍ୟାନ୍ୟ ପ୍ୟାକେଟ୍ ଖାଦ୍ୟ ମଧ୍ୟ ଆଣିପାରିବେନି ପର୍ଯ୍ୟଟକ। ନିୟମ ଉଲ୍ଲଙ୍ଘନ କଲେ ଫାଇନ୍ ଗଣିବାକୁ ପଡିବ। ଜିଲ୍ଲା ପ୍ରଶାସନର ଏପରି ପଦକ୍ଷେପକୁ ସ୍ଥାନୀୟ ବିଧାୟକ ରାମଚନ୍ଦ୍ର କାଡ଼ମ ସ୍ୱାଗତ କରିଛନ୍ତି।
