Forester Death: ରାତିରେ ଘରେ ଶୋଇଥିଲେ, ସକାଳୁ ମିଳିଲା ଫରେଷ୍ଟରଙ୍କ ଅଧାପୋଡା ମୃତଦେହ

ଘର ଭିତରୁ ମିଳିଲା ଫରେଷ୍ଟରଙ୍କ ଅଧାପୋଡା ମୃତଦେହ । ମୃତକ ହେଲେ ନୟାଗଡ଼ ଜିଲ୍ଲା ପଞ୍ଚରିଡ଼ା ଫରେଷ୍ଟର ଶିଶିର ସାହୁ । ବାରମାସୀ ଦଣ୍ଡା ସ୍ଥିତ ଘରୁ ଅଧାପୋଡା ଅବସ୍ଥାରେ ମୃତଦେହ ଉଦ୍ଧାର ହୋଇଛି । ତେବେ ଏହା ହତ୍ୟା ନାଁ ଆତ୍ମହତ୍ୟା ତାହା ଜଣାପଡ଼ିନାହିଁ । ଘଟଣାସ୍ଥଳରେ ପୋଲିସ ଛାନଭିନ୍‌ କରିଛି । ନିଆଁରେ ପୋଡ଼ି ହୋଇ ଆହତ ହୋଇଛନ୍ତି ଶିଶିରଙ୍କ ପତ୍ନୀ । ସେପଟେ ଘରର ଆସବାବପତ୍ର ମଧ୍ୟ ପୋଡ଼ି ନଷ୍ଟ ହୋଇଥିବା ସୂଚନା ମିଳିଛି ।  

ସୂଚନା ଅନୁସାରେ, ନୟାଗଡ଼ ଜିଲ୍ଲା ପଞ୍ଚରିଡ଼ା ଫରେଷ୍ଟର ଶିଶିର ସାହୁଙ୍କ ଘରୁ ହଠାତ୍ ନିଆଁ ବାହାରିଥିଲା । ରାତିରେ ସମସ୍ତେ ଘରେ ଶୋଇଥିବାବେଳେ ଏଭଳି ଅଗ୍ନିକାଣ୍ଡ ହୋଇଥିଲା । ଫରେଷ୍ଟର ଶିଶିର ସାହୁଙ୍କ ଦରପୋଡ଼ା ମୃତଦେହ ଉଦ୍ଧାର ହୋଇଥିବାବେଳେ ଫରେଷ୍ଟରଙ୍କ ସ୍ତ୍ରୀ ସାମାନ୍ୟ ଆହତ ହୋଇଛନ୍ତି । ସେପଟେ ପୁଅ ସୁରକ୍ଷିତ ଥିବା ଜଣାପଡ଼ିଛି । ଏତେ ବଡ଼ ଅଘଟଣ କେମିତି ଘଟିଲା ସେନେଇ ଉଠିଛି ପ୍ରଶ୍ନ । ମୃତଦେହ ବ୍ୟବଚ୍ଛେଜ ପାଇଁ ପଠାଇବା ସହ ଛନଭିନ ଚଳାଇଛି ପୋଲିସ ।

ଅଧିକ ପଢନ୍ତୁ : ଭୟାବହ ଅଗ୍ନିକାଣ୍ଡ; ସବୁ ଜଳିପୋଡ଼ି ପାଉଁଶ