ବନ୍ୟାରେ ବୁଡିଗଲା ତେଲକୋଇ ଜରଡ଼ାନାଳ ପୋଲ

() ଆସିଲା ବନ୍ୟା, ବୁଡିଗଲା ପୋଲ । ଉପରମୁଣ୍ଡରେ ପ୍ରବଳ ବର୍ଷ। ଯୋଗୁଁ ତେଲକୋଇ ବ୍ଲକ ପିଟାନାଳୀ ଜରଡ଼ା ନାଳ ପୋଲ ଉପରେ ଚାଲୁଛି ପାଣି । ଏବେ ପୋଲ ଉପରେ ପ୍ରାୟ ୩ ଫୁଟ ଉଚ୍ଚର ପାଣି ପ୍ରବହିତ ହେଉଛି ।  ଫଳରେ ପିଟାନାଳୀ ଓ ସାପଲାଞ୍ଜି ଗାଁକୁ ଯୋଗାଯୋଗ ବିଚ୍ଛିନ୍ନ ହୋଇଛି ।

ପୋଲ ଉପରେ ପାଣି ଚାଲୁଥିବାରୁ ଗମନାଗମନରେ ସମସ୍ୟା ଦେଖାଦେଇଛି । ଏପରକି ସ୍କୁଲ ପିଲା ମାନେ ମଧ୍ୟ ସ୍କୁଲକୁ ଯାଇନପାରିଥିବା ଅଭିଯୋଗ ହୋଇଛି । ପୋଲର ଉଚ୍ଚତା କମ୍ ଥିବାରୁ ଅସରାଏ ବର୍ଷା ହେଲେ ଏଭଳି ସମସ୍ୟା ଦେଖାଦେଉଛି ।

ସୋମବାର ଦିନ ମଧ୍ୟ ବନ୍ୟା ପାଣି ଗାଁ ଲୋକଙ୍କ ରାସ୍ତା ଅବରୋଧ କରିଥିଲା । ବର୍ଷା ଦିନ ହେଲେ ଗାଁ ଲୋକ ଏଭଳି ସମସ୍ୟା ଭୋଗୁଥିବା ବେଳେ, ଉଚ୍ଚ ସେତୁ ନିର୍ମାଣ କରିବାକୁ ଦାବି କରିଛନ୍ତି ସ୍ଥାନୀୟ ଲୋକ ।…