Student Punished: ଗଣିତ କରିନଥିଲେ ଛାତ୍ର; ପିଟି ପିଟି ଦରମରା କରିଦେଲେ ଶିକ୍ଷୟିତ୍ରୀ

କିଛି ଦିନ ତଳେ ପାଠ କହିନ ପାରିବାରୁ ନାବାଳକ ଛାତ୍ରକୁ ଦଣ୍ଡ ଦେଇଥିଲେ ଶିକ୍ଷୟିତ୍ରୀ। ସ୍କୁଲ ଘର ସଫା ବେଳେ ସାପ କାମୁଡାର ଶିକାର ହୋଇଥିଲେ ଛାତ୍ର। ଏହି ଘଟଣାକୁ ସପ୍ତାହେ ନ ପୁରୁଣୁ ଆଉ ଏକ ଘଟଣା ସାମନାକୁ ଆସିଛି। ଜଣେ ଘରୋଇ ସ୍କୁଲର ଶିକ୍ଷୟିତ୍ରୀ ତୃତୀୟ ଶ୍ରେଣୀର ଛାତ୍ରଙ୍କୁ ନିସ୍ତୁକ ମାଡ଼ ମାରିଥିବା ଅଭିଯୋଗ ହୋଇଛି । ପାରାଦୀପର ଏକ ଘରୋଇ ସ୍କୁଲରେ ଦେଖିବାକୁ ମିଳିଛି ଶିକ୍ଷୟିତ୍ରୀଙ୍କ ଅମାନୁଷିକ କାର୍ଯ୍ୟ ।

ପ୍ରହସନ ପାଲଟିଛି ସର୍ବଶିକ୍ଷା ଅଭିଯାନ। ଦଣ୍ଡମୁକ୍ତ ଅଞ୍ଚଳରେ ଦିଆଯାଉଛି ଦଣ୍ଡ । ଘରୋଇ ସ୍କୁଲରେ ତୃତୀୟ ଶ୍ରେଣୀର ଛାତ୍ରଙ୍କୁ ନିସ୍ତୁକ ମାଡ଼ ମାରିଲେ ଶିକ୍ଷୟିତ୍ରୀ । ପାରାଦୀପର ଏକ ଘରୋଇ ସ୍କୁଲରେ ଶିକ୍ଷୟିତ୍ରୀ ଏଭଳି ବର୍ବରକାଣ୍ଡ କରିଛନ୍ତି । ଗଣିତ ଖାତା ଦେଖାଇ ନଥିବାରୁ ଜଣେ ତୃତୀୟ ଶ୍ରେଣୀର ଛାତ୍ରଙ୍କୁ ମାଡ଼ ମାରି ଲହୁଲୁହାଣ କରିଛନ୍ତି । ପିଲାଟିର ହାତ ଓ ଗୋଡ଼ରେ ଲାଗିଛି ଗଭୀର ଆଘାତ । ମାଡ଼ରେ ପିଲାଟିର ଗୋଡ଼ ସିଝିଯାଇ କଳାପଡ଼ିଯାଇଛି ।

ତେବେ ଏହି ମାଡ଼ ଅଭିଯୋଗକୁ ସ୍କୁଲ କର୍ତ୍ତୃପକ୍ଷ ସ୍ବୀକାର କରିଛନ୍ତି । ସେପଟେ ଘଟଣା ସମ୍ପର୍କରେ ସ୍କୁଲକୁ ପଚାରିବାକୁ ଯାଇଥିବା ଛାତ୍ରଙ୍କ ବାପାଙ୍କୁ ସ୍କୁଲ ପ୍ରିନ୍ସପାଲ୍ ବିଦା କରିଦେଇଥିବା ଅଭିଯୋଗ ହୋଇଛି । ପରିବାର ପକ୍ଷରୁ ପାରାଦୀପ ଆଦର୍ଶ ଥାନାରେ ଅଭିଯୋଗ ପରେ ଛାତ୍ରର ଡାକ୍ତରୀ ପରୀକ୍ଷା ସହ ତଦନ୍ତ ଜାରି ରଖିଛି ପୋଲିସ । ମାଡ଼ ଅଭିଯୋଗକୁ ସ୍କୁଲ୍ ପ୍ରିନ୍ସପାଲ୍ ସ୍ବୀକାର କରିଥିବାବେଳେ ଛାତ୍ରଙ୍କ ବାପାଙ୍କୁ ସ୍କୁଲରୁ ବାହାର କରିବା କଥାକୁ ଅସ୍ବୀକାର କରିଛନ୍ତି ।

ଅଧିକ ପଢନ୍ତୁ: ଛାତ୍ରଙ୍କୁ ଆସିଲାନି ପାଠ; ସ୍କୁଲ ଘର ସଫା ପାଇଁ କହିଲେ ଦିଦି; କାମୁଡ଼ିଲା ନାଗ ସାପ