Jagannath Temple:ମହାପ୍ରଭୁଙ୍କ ଦର୍ଶନ ପାଇଁ ଟଙ୍କା କାରବାର ଅଭିଯୋଗ, ଗଳାବାଟରେ ଦର୍ଶନ ନାଁରେ ଆଦାୟ ହେଉଛି ଟଙ୍କା !

ମହାପ୍ରଭୁଙ୍କ ଦର୍ଶନ ପାଇଁ ଖୋଲମଖୁଲା ଟଙ୍କା କାରବାର ଅଭିଯୋଗ ହୋଇଛି । ଗଳାବାଟରେ ଦର୍ଶନ କରାଇଦେବା ନାଁରେ ଶ୍ରଦ୍ଧାଳୁଙ୍କଠୁ ଆଦାୟ ହେଉଛି ଟଙ୍କା । ଖୋଦ୍ ସିଂହଦ୍ବାର ସାମ୍ନାରେ ଏଭଳି ଚାଲିଥିବା ନେଇ ସୋସିଆଲ ମିଡିଆରେ ଭାଇରାଲ୍ ହେଉଛି ଭିଡିଓ । କିଛି ଯାତ୍ରୀପଣ୍ଡା ଓ ଯାତ୍ରୀ ଗୁମାସ୍ତା ଭକ୍ତଙ୍କଠୁ ଟଙ୍କା ଆଦାୟ କରୁଥିବା ଅଭିଯୋଗ ହୋଇଛି ।

ଏପରିକି ଘଟଣାସ୍ଥଳରେ ପୋଲିସ ଉପସ୍ଥିତ ଥିଲେ ହେଁ ବେଧଡ଼କ ଚାଲିଛି କାରବାର । ରୋକିବାକୁ କେହି ନାହାଁନ୍ତି । କିଛି ଦିନ ତଳେ ଜଣେ ଜେଟିପି ଭକ୍ତଙ୍କ ଠାରୁ ଟଙ୍କା ନେଇ ଧରାପଡିବା ପରେ ତାଙ୍କୁ ବହିଷ୍କାର କରିଥିଲା ଶ୍ରୀମନ୍ଦିର ପ୍ରଶାସନ। ଏବେ ପୁଣିଥରେ ଏଭଳି ଭିଡିଓ ଭାଇରାଲ ହେବାପରେ ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ । ଆଗକୁ ଦୃଢ କାର୍ଯ୍ୟାନୁଷ୍ଠାନ ହେବ ବୋଲି ଚେତାଇ ଦେଇଛନ୍ତି ପୁରୀ ଜିଲ୍ଲାପାଳ ।