Modi: ଜାପାନ ପ୍ରଧାନମନ୍ତ୍ରୀଙ୍କୁ ଖାସ୍ ଉପହାର ଦେଲେ ମୋଦି, ଜାଣନ୍ତୁ କଣ କଣ ରହିଛି ଉପହାରରେ

ଉପହାର ଦେବା ଭାରତୀୟ ପରମ୍ପରାର ଏକ ଅଂଶ। ଯେତେବେଳେ କେହି କାହା ସହ ସାକ୍ଷାତ କରିବାକୁ ଯାଏ, ସେ ତାଙ୍କ ପାଇଁ ଉପହାର ନେଇ ଯାଏ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜାପାନ ଗସ୍ତ କରିଥିଲେ । ସେ ମଧ୍ୟ ଖାଲି ହାତରେ ସେଠାକୁ ଯାଇନଥିଲେ । ବରଂ ସେ କିଛି ଉପହାର ସାଙ୍ଗରେ ନେଇଥିଲେ।

ପ୍ରଧାନମନ୍ତ୍ରୀ ମୋଦି ଭାରତରୁ ଜାପାନର ପ୍ରଧାନମନ୍ତ୍ରୀ ଶିଗେରୁ ଇଶିବା ଏବଂ ତାଙ୍କ ପତ୍ନୀ ୟୋଶିକୋ ଇଶିବାଙ୍କ ପାଇଁ ବିଶେଷ ଉପହାର ନେଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜାପାନର ପ୍ରଧାନମନ୍ତ୍ରୀ ଶିଗେରୁ ଇଶିବାଙ୍କୁ ଚୋପଷ୍ଟିକ୍ସ ସହିତ ରେମନ ବାଉଲ ଉପହାର ଦେଇଛନ୍ତି। ଏହି ବିଶେଷ ଉପହାରକୁ ସେ ଭାରତରୁ ସେମାନଙ୍କ ପାଇଁ ନେଇଥିଲେ । ଏହି ଚୋପଷ୍ଟିକ୍ସର ବିଶେଷତ୍ୱ ହେଉଛି ଏହା ରୂପାରେ ନିର୍ମିତ। ଏହା ସହିତ ପାଞ୍ଚଟି ବାଉଲ ରହିଛି, ଯେଉଁଥିରୁ ଗୋଟିଏ ବାଉଲ ବଡ଼। ଏହା ସମସ୍ତେ ମୂଲ୍ୟବାନ ପଥରରେ ନିର୍ମିତ। ଏଥିରେ ବିଶେଷ ପ୍ରକାରର ରତ୍ନ ଲାଗିଛି ।

ରୂପାରେ ନିର୍ମିତ ଚୋପଷ୍ଟିକ୍ସ ସହିତ ସଜାଯାଇଥିବା ଏହି ବିଂଟେଜ ମୂଲ୍ୟବାନ ପଥରର ବାଉଲଗୁଡ଼ିକ ଭାରତୀୟ କଳାତ୍ମକତା ଏବଂ ଜାପାନୀ ପାକକଳା ପରମ୍ପରାର ଏକ ଅନନ୍ୟ ମିଶ୍ରଣ। ଉପହାରରେ ହାଲୁକା ମାଟିଆ ରଙ୍ଗର ବଡ଼ ମୁନଷ୍ଟୋନ ବାଉଲ ଓ ୪ଟି ଛୋଟ ଛୋଟ ବାଉଲ ରହିଛି । ମୁନଷ୍ଟୋନ ଆନ୍ଧ୍ରପ୍ରଦେଶରୁ ଅଣାଯାଇଛି । ଆନ୍ଧ୍ରପ୍ରଦେଶରୁ ମିଳିଥିବା ଏହି ମୁନଷ୍ଟୋନ ପ୍ରେମ, ସନ୍ତୁଳନ ଏବଂ ସୁରକ୍ଷାର ପ୍ରତୀକ।

PM Narendra Modi's gift to Prime Minister of Japan, Shigeru Ishiba - Ramen Bowls with Chopsticks

The Vintage Precious Stone Bowls set with Silver Chopsticks is a blend of Indian artistry and Japanese culinary tradition. Featuring a large brown moonstone bowl with four smaller… pic.twitter.com/SIjOs3XZQJ

— ANI (@ANI) August 30, 2025

ପ୍ରଧାନମନ୍ତ୍ରୀ ମୋଦି ଜାପାନୀ ପ୍ରଧାନମନ୍ତ୍ରୀଙ୍କ ପତ୍ନୀଙ୍କ ପାଇଁ ଉପହାର ଭାବେ ପଶ୍ମିନା ଶାଲ ନେଇଥିଲେ। ଏହି ପଶ୍ମିନା ଶାଲ ଅତ୍ୟନ୍ତ ହାଲୁକା, ନରମ ଏବଂ ଉଷ୍ମ ହେବା କାରଣରୁ ବିଶ୍ୱବ୍ୟାପୀ ପ୍ରସିଦ୍ଧ। କାଶ୍ମୀରୀ କାରିଗରମାନଙ୍କ ଦ୍ୱାରା ହାତରେ ବୁଣାଯାଇଥିବା ଏହି ଶାଲରେ ଶତାବ୍ଦୀ ପୁରୁଣା ପରମ୍ପରା ଦେଖିବାକୁ ମିଳେ ।