LIVE TV
ପୁଣି ପୃଥିବୀକୁ ନେଇ ଆଉ ଏକ ରୋଚକ ଖବର ସାମ୍ନାକୁ ଆସିଛି । ଗ୍ରହ, ନକ୍ଷତ୍ର ଓ ମହାକାଶକୁ ନେଇ ବାରମ୍ବାର ବୈଜ୍ଞାନିକମାନେ ନୂଆନୂଆ ତଥ୍ୟ ଲୋକଲୋଚନକୁ ଆଣୁଥିବା ବେଳେ ପୁଣି ନାସା ପକ୍ଷରୁ ଏକ ବଡ଼ ତଥ୍ୟ ପ୍ରକାଶ କରାଯାଇଛି ।
ଅଧିକ ପଢ଼ନ୍ତୁ: ନାସାକୁ ମିଳିଲା ଦ୍ୱିତୀୟ ପୃଥିବୀ; ଅମ୍ଳଜାନ ସହ ଗଚ୍ଛିତ ରହିଛି ଜଳ...!
ନାସା ପକ୍ଷରୁ ଦିଆଯାଇଥିବା ତଥ୍ୟରେ ପୃଥିବୀ ପ୍ରତି ବିପଦ ରହିଥିବା ଦର୍ଶାଯାଇଛି । କୁହାଯାଇଛି କି, ଆଗାମୀ ୨୩ବର୍ଷ ମଧ୍ୟରେ ପୃଥିବୀ ପାଇଁ ବିପଦ ସୃଷ୍ଟି ହୋଇପାରେ । ଅତୀତରେ ଉଲ୍କାପିଣ୍ଡକୁ ନେଇ ବାରମ୍ବାର ଖବର ପ୍ରକାଶ ପାଇଛି । ଆଉ ବର୍ତ୍ତମାନ ପୃଥିବୀ ପ୍ରତି ସେହି ଉଲ୍କାପିଣ୍ଡ ବିପଦ ଆଣୁଥିବା କହିଛି ନାସା ।
Also Read
ଉଲ୍କାପିଣ୍ଡ ପୃଥିବୀର ନିକଟତର ହେଉଥିବା ନାସା କହିଥିବା ବେଳେ ପୃଥିବୀ ପ୍ରତି ବିପଦ ଥିବା ସଠିକ୍ ତାରିଖ ମଧ୍ୟ ଜାରି କରିଛି । ନାସାର ତଥ୍ୟ ଅନୁସାରେ, ୧୪ ଫେବ୍ରୁଆରୀ ୨୦୪୬ରେ ପୃଥିବୀକୁ ଏକ ବଡ଼ଧରଣର ଉଲ୍କାପିଣ୍ଡ ଧକ୍କା ଦେଇପାରେ । ଯେଉଁଥିରେ ପୃଥିବୀ ପ୍ରଭାବିତ ହୋଇପାରେ ବୋଲି କୁହାଯାଇଛି ।
ଖାଲି ସେତିକି ନୁହେଁ ୟୁରୋପୀୟ ସ୍ପେସ ଏଜେନ୍ସି ଏହି ଉଲ୍କାପିଣ୍ଡକୁ ୨୦୨୩ ଫେବ୍ରୁଆରୀ ୨୬ ତାରିଖରେ ଚିହ୍ନଟ କରିବା ସହ ତାର ନାମକରଣ ମଧ୍ୟ କରିଛି । ଏହି ଉଲ୍କାପିଣ୍ଡର ନାଁ DW ରଖିଛି ୟୁରୋପୀୟ ସ୍ପେସ ଏଜେନ୍ସି । ଖାଲି ସେତିକି ନୁହେଁ ଏହା ୧୫୦ ଫୁଟରୁ ଅଧିକ ବ୍ୟାସ ଥିବା ଏଜେନ୍ସି କହିଥିବା ବେଳେ ୨୦୪୬ ଭାଲେଣ୍ଟାଇନ୍ ଡେ’ରେ ପୃଥିବୀକୁ ଧକ୍କା ଦେବ ବୋଲି ଆକଳନ କରିଛି ।
ସେପଟେ ଏହି ଖବରକୁ ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି । ବିଶେଷକରି ବୈଜ୍ଞାନିକମାନେ ଜାରି କରିଥିବା ତାରିଖକୁ ନେଇ ଚର୍ଚ୍ଚା ହେଉଛି । ନାସା ପକ୍ଷରୁ ଏହି ଖବରଟିକୁ ଟ୍ୱିଟ କରି ଜଣାଇଦିଆଯାଇଛି ।
We've been tracking a new asteroid named 2023 DW that has a very small chance of impacting Earth in 2046. Often when new objects are first discovered, it takes several weeks of data to reduce the uncertainties and adequately predict their orbits years into the future. (1/2) pic.twitter.com/SaLC0AUSdP
— NASA Asteroid Watch (@AsteroidWatch) March 7, 2023
