Rs 500 Currency Notes: ୨୦୨୬ରେ ବନ୍ଦ ହୋଇଯିବ କି ୫୦୦ ଟଙ୍କିଆ ନୋଟ୍ ? କଣ କହିଲେ ସରକାର, ଜାଣନ୍ତୁ...

ଦ୍ୱନ୍ଦ-ଭୟ-ଛାନିଆରେ ଲୋକେ । ବନ୍ଦ ହୋଇଯିବ କି ୫୦୦ ଟଙ୍କିଆ ନୋଟ୍ ? ଆଉ ଚଳିବନି କି ୫୦୦ ଟଙ୍କିଆ ନୋଟ୍‌ ? ଏମିତି ଖବର ଆପଣ ସୋସିଆଲ୍‌ ମିଡ଼ିଆରେ ଦେଖିଛନ୍ତି କି ? ତେବେ ବ୍ୟସ୍ତ ହୁଅନ୍ତୁନି...ଆସନ୍ତୁ ଜାଣିବା ପ୍ରକୃତ ସତ୍ୟ ଖବର ଖବର କଣ...ଆଉ କାହିଁକି ଏମିତି ଖବର ଭାଇରାଲ ହେଉଛି। ଏହା ସତ୍ୟ ନା ମିଛ ଖବର ?

ତେବେ ଗତ କିଛି ଦିନ ଧରି ୟୁଟ୍ୟୁବରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ କୁହାଯାଉଛି ଯେ ୨୦୨୬ ସୁଦ୍ଧା ୫୦୦ ଟଙ୍କିଆ ନୋଟ୍ ବନ୍ଦ ହୋଇଯିବ, ଯାହା ଲୋକଙ୍କ ମଧ୍ୟରେ ଦ୍ୱନ୍ଦ୍ୱ ଓ ଆତଙ୍କ ସୃଷ୍ଟି କରୁଛି। ତଥାପି, କେନ୍ଦ୍ର ସରକାର ଏହାକୁ 'ମିଥ୍ୟା' ଖବର ବୋଲି କହିଛନ୍ତି । ଭାରତୀୟ ରିଜର୍ଭ ବ୍ୟାଙ୍କ (RBI) ଏପରି କୌଣସି ଘୋଷଣା କରିନାହିଁ।

ଅଧିକ ପଢ଼ନ୍ତୁ: ପ୍ରଧାନମନ୍ତ୍ରୀଙ୍କ ଓଡିଶା ଗସ୍ତ ତାରିଖ ସ୍ପଷ୍ଟ କଲେ ରାଜସ୍ୱ ମନ୍ତ୍ରୀ ସୁରେଶ ପୂଜାରୀ

ଜୁନ୍ ୨ ତାରିଖରେ ଏକ ୟୁଟ୍ୟୁବ୍ ଚ୍ୟାନେଲ୍ 'କ୍ୟାପିଟାଲ୍ ଟିଭି' ଦ୍ୱାରା ପୋଷ୍ଟ କରାଯାଇଥିବା ଏହି ଭିଡିଓରେ କୁହାଯାଇଛି ଯେ ଆସନ୍ତା ବର୍ଷ ମାର୍ଚ୍ଚ ମାସରୁ ପର୍ଯ୍ୟାୟକ୍ରମେ ୫୦୦ ଟଙ୍କାର ନୋଟ୍ ବନ୍ଦ ହୋଇଯିବ। ପ୍ରାୟ ୧୨ ମିନିଟ୍‌ର ଏହି ଭିଡିଓଟି ପାଞ୍ଚ ଲକ୍ଷରୁ ଅଧିକ ଭ୍ୟୁ ହୋଇଛି। 

Is the ₹500 note set to be phased out by 2026? 🤔

A #YouTube video on the YT Channel 'CAPITAL TV' (capitaltvind) falsely claims that the RBI will discontinue the circulation of ₹500 notes by March 2026.#PIBFactCheck

✔️@RBI has made NO such announcement.

✔️₹500 notes have… pic.twitter.com/NeJdcc72z2

— PIB Fact Check (@PIBFactCheck) June 3, 2025

"୫୦୦ ଟଙ୍କା ନୋଟ୍ ବନ୍ଦ କରାଯାଇ ନାହିଁ ଓ ଏହା ଆଇନଗତ ଭାବରେ ରହିଛି," ଭାରତ ସରକାରଙ୍କ ସରକାରୀ ତଥ୍ୟ ଯାଞ୍ଚ ସଂସ୍ଥା - ପ୍ରେସ୍ ଇନଫର୍ମେଶନ୍ ବ୍ୟୁରୋ (PIB) ଫ୍ୟାକ୍ଟ ଚେକ୍ କରି, ‘ଏକ୍ସ’ ରେ ଏକ ପୋଷ୍ଟରେ ସୂଚନା ଦେଇଛି । 

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ୮ ନଭେମ୍ବର ୨୦୧୬ରେ ଦେଶରେ ଦୁର୍ନୀତି ବିରୋଧରେ ଓ ନକଲି ନୋଟ ସମସ୍ୟାର ସମାଧାନ ପାଇଁ ପୂର୍ବ ୫୦୦ ଟଙ୍କାର ନୋଟକୁ ବିମୁଦ୍ରୀକରଣ କରିଥିଲେ।