Spy Operation: ସାମ୍ବାଦିକା ସାଜି ପାକ୍ ଅଧିକାରୀଙ୍କ ଗୁଇନ୍ଦାଗିରି, ଟଙ୍କା ଲୋଭରେ ମହିଳାଙ୍କୁ ଗୁପ୍ତତଥ୍ୟ ଦେଉଥିଲେ ASI

ପାକ୍ ମହିଳା ଅଧିକାରୀଙ୍କ ଗୁଇନ୍ଦାଗିରି । ସାମ୍ବାଦିକାର ପରିଚୟ ଦେଇ ASIଙ୍କଠାରୁ ଚୋରାଇଛନ୍ତି ଗୁପ୍ତ ତଥ୍ୟ । ସେପଟେ ମହିଳାଙ୍କୁ ତଥ୍ୟ ଦେଇ ବନ୍ଧାହେଲେ CRPF ASI । ନିଜକୁ ସାମ୍ବାଦିକାର ପରିଚୟ ଦେଇ ଯବାନଙ୍କଠାରୁ ବହୁ ସମ୍ବେଦନଶୀଳ ତଥ୍ୟ ସଂଗ୍ରହ କରୁଥିଲେ ଏହି ମହିଳା । ଯେଉଁଥିପାଇଁ ସେ ମାସିକ ୩୫୦୦ ଏବଂ ଅଧିକ ତଥ୍ୟ ବାବଦକୁ ୧୨ହଜାର ଲେଖାଏଁ  ପ୍ରଦାନ କରୁଥିଲେ । 

ସୂଚନାଯୋଗ୍ୟ, ପହଲଗାମ ଆକ୍ରମଣ ପରେ ପୂରା ତତ୍ପର ସୁରକ୍ଷା ଏଜେନ୍ସି । ଗୁଇନ୍ଦାଗିରି କରୁଥିବା ଲୋକଙ୍କୁ ଖୋଜି ଖୋଜି ବାହାର କରାଯାଉଛି । ସମସ୍ତଙ୍କ ଉପରେ ରହିଛି କଡ଼ା ନଜର । ଏହି କ୍ରମରେ କେନ୍ଦ୍ରୀୟ ରିଜର୍ଭ ସୁରକ୍ଷା ବଳ (CRPF) ର ଜଣେ ASIଙ୍କୁ ଦିଲ୍ଲୀରୁ ଗିରଫ କରିଛି NIA । ପାକିସ୍ତାନର ଜଣେ ଅଧିକାରୀ ନିଜକୁ ସାମ୍ବାଦିକ ବୋଲି ପରିଚୟ ଦେଇ ସମ୍ପୃକ୍ତ ASIଙ୍କ ସହ ସମ୍ପର୍କରେ ଥିବା ଜଣାପଡ଼ିଛି । ଗିରଫ ହୋଇଥିବା ASI ମୋତି ରାମ ଜାଟଙ୍କୁ ପହଲଗାମ ଆଟାକ୍ ପୂର୍ବରୁ ଅର୍ଥାତ୍ ଏପ୍ରିଲ୨୨ ତାରିଖରେ ଦିଲ୍ଲୀକୁ ବଦଳି କରାଯାଇଥିଲା । 

 CRPF ପକ୍ଷରୁ ମିଳିଥିବା ସୂଚନା ଅନୁସାରେ, ଜାଟ୍ ଜଣେ ମହିଳାଙ୍କ ସହ ଯୋଗାଯୋଗରେ ଥିଲେ । ଯିଏକି ନିଜକୁ ଚଣ୍ଡିଗଡର ଏକ ନାମୀ ଟିଭି ଚ୍ୟାନେଲ ରିପୋର୍ଟର ବୋଲି ପରିଚୟ ଦେଇଥିଲେ । ମହିଳା ଜଣଙ୍କ ମୋତି ରାମ ଜାଟ୍‌ଙ୍କୁ କଲ୍, ମେସେଜ ଓ ଭିଡିଓ କଲ୍ ମଧ୍ୟ କରିଥିଲେ । ଧୀରେ ଧୀରେ ମୋତି ରାମ ସେହି ମହିଳାଙ୍କୁ ଗୁରୁତ୍ୱପୂର୍ଣ୍ଣ ତଥ୍ୟ ମଧ୍ୟ ସେୟାର କରିବାକୁ ଲାଗିଲେ ।  CRPF ବରିଷ୍ଠ ଅଧିକାରୀଙ୍କ କହିବା ଅନୁସାରେ, ମୋତିରାମ ତାଙ୍କ ଫୋନରୁ କୌଣସି ଚାଟ୍ ଡିଲେଟ୍ କରି ନାହାନ୍ତି । ସୁରକ୍ଷାକର୍ମୀ କେଉଁଠି କେତେ ନିୟୋଜିତ ହୋଇଛନ୍ତି ସେନେଇ ଗୁରୁତ୍ୱପୂର୍ଣ୍ଣ ପିଡିଏଫ ସେୟାର କରିଥିବା ଚାଟ୍‌ରେ ଦେଖିବାକୁ ମିଳିଛି । 

  ଅଧିକ ପଢନ୍ତୁ : ଜ୍ୟୋତିଙ୍କୁ ପାକିସ୍ତାନରେ ମିଳୁଥିଲା ହାଇ-ସିକ୍ୟୁରିଟି, ଚାରିପଟେ AK-47 ବନ୍ଧୁକ ଧରି ଦେଉଥିଲେ ସୁରକ୍ଷା