No Petrol or Diesel for You in Delhi: ପୁରୁଣା ଗାଡ଼ିକୁ ତେଲ ମନା; ୧୫ ବର୍ଷରୁ ଅଧିକ ପେଟ୍ରୋଲ ଚାଳିତ ଗାଡ଼ିକୁ ଦିଆଯାଉନି ତେଲ...

ପୁରୁଣା ଗାଡ଼ିକୁ ଦିଲ୍ଲୀରେ ପେଟ୍ରୋଲ ଓ ଡିଜେଲ ମନା । ୧୫ ବର୍ଷରୁ ଅଧିକ ପେଟ୍ରୋଲ ଯାନବାହାନ ଏବଂ ୧୦ ବର୍ଷରୁ ଅଧିକ ଡିଜେଲ ଗାଡିକୁ ତେଲ ଟାଙ୍କିରେ ଦିଆଯାଉନି ତେଲ। ଆଜିଠାରୁ ଏହି ବ୍ୟବସ୍ଥା ଲାଗୁ ହୋଇଛି । ଦିଲ୍ଲୀରେ ବିଭିନ୍ନ ପେଟ୍ରୋଲ ପମ୍ପରେ ନୋଟିସ ବୋର୍ଡ ଝୁଲାଇ ଚାଳକ ଓ ମାଲିକଙ୍କୁ ସଚେତନ କରାଯାଇଛି ।  ସିସିଟିଭି କ୍ୟାମେରାରେ ନଜର ରଖାଯିବା ସହ ମାଇକ ସହାୟତାରେ ଏନେଇ ମଧ୍ୟ ସୂଚନା ଦିଆଯାଉଛି । 

ପ୍ରାଥମିକସ୍ତରରେ ପ୍ରାୟ ୩୫୦ ପେଟ୍ରୋଲ ଟାଙ୍କିରେ ପୋଲିସ ମୁତୟନ ସହ ଗାଡିଗୁଡିକ ତନଖି କରାଯାଉଛି। ଦିଲ୍ଲୀରେ ବାୟୁ ପ୍ରଦୂଷଣ ବଢିଚାଲିଥିବାରୁ ଏହା ଉପରେ ରୋକ୍ ଲଗାଇବାକୁ ଏଭଳି ବ୍ୟବସ୍ଥା ହୋଇଛି । ଦିଲ୍ଲୀ ପରିବହନ ବିଭାଗ ସହ ମ୍ୟୁନିସପାଲ କର୍ପୋରେସନ ଓ ପୋଲିସ ପ୍ରଶାସନ ଏନେଇ ମିଳିତ ଭାବେ ଏନେଇ ଯୋଜନା ହାତକୁ ନେଇଛନ୍ତି । ଏମିତିକି ଗାଡ଼ି ମାଲିକମାନଙ୍କୁ ଏନେଇ ନୋଟିସ ଜାରି କରାଯାଉଛି । ବାହନ ଡାଟାବେସ ତଥ୍ୟ ଅନୁଯାୟୀ, ଦିଲ୍ଲୀରେ ପ୍ରାୟ ୬୨ ଲକ୍ଷ ଗାଡି ଯାହା ରାସ୍ତାରେ ଗଡିବା ଅବଧି ସରିଯାଇଛି। 

ଅଧିକ ପଢନ୍ତୁ: ଫାର୍ମା ଫାକ୍ଟ୍ରିରେ ବିସ୍ଫୋରଣ ଘଟଣା: ମୃତ୍ୟୁ ସଂଖ୍ୟା ୩୪କୁ ବୃଦ୍ଧି, ମୃତକଙ୍କୁ ମିଳିବ ୧ କୋଟି