LIVE TV
ସାବଧାନ୍ !! ଜଙ୍ଗଲରେ ନୁହେଁ ହାଇୱେ କଡ଼େ କଡ଼େ ବୁଲୁଛି କଲରାପତରିଆ ଆତଙ୍କ । ମହାରାଷ୍ଟ୍ରର ପୁଣେରୁ ଏପରି ଏକ ଆଶ୍ଚର୍ଯ୍ୟଜନକ ଭିଡିଓ ସାମ୍ନାକୁ ଆସିଛି । ଭିଡିଓରେ ଦେଖିବା ପାଇଁ ମିଳୁଛି, ଚିତାବାଘଟି ଧୀରେ ଧୀରେ ଆସି ନିଜ ଶିକାର ପାଖରେ ପହଞ୍ଚୁଛି । ହାଇୱେରେ ଏକ କୁକୁର ନିଜ ମାଲିକ ଠାରୁ ଟିକେ ଦୂରରେ ଶୋଇଥିବା ବେଳେ ତା’ଉପରେ ପଡ଼ିଥିଲା ଖାଦକର ଆଖି । ଆଉ ତା’ପରେ ଆଖି ପିଛୁଳାକେ ଆସି ପାଟିରେ କାମୁଡ଼ି କୁକୁରକୁ ନେଇ ପଳେଇ ଯାଇଛି । ହେଲେ ଏହି ସମୟରେ ଖଟ ଉପରେ ଶୋଇଥିବା ମାଲିକ ଜଣକ ଅଳ୍ପକେ ବର୍ତ୍ତି ଯାଇଛନ୍ତି । ଏହି ଘଟଣାର ସିସିଟିଭି ଭିଡିଓ ମଧ୍ୟ ଭାଇରାଲ ହୋଇଛି । ଭିଡିଓ ଦେଖିବା ପରେ ଅଞ୍ଚଳର ଲୋକମାନେ ଆତଙ୍କିତ ଅବସ୍ଥାରେ ଅଛନ୍ତି।
ଅଧିକ ପଢ଼ନ୍ତୁ: ବିପଦପୂର୍ଣ୍ଣ ଜଙ୍ଗଲ ସଫାରୀ ! ପର୍ଯ୍ୟଟକଙ୍କ ଆଡ଼କୁ ମାଡ଼ି ଆସିଲା ବାଘ
Also Read
ମହାରାଷ୍ଟ୍ର ଜୁନ୍ନର ଅଞ୍ଚଳର କଲ୍ୟାଣ ନଗର ହାଇୱେ ନିକଟରେ ଏପରି ଘଟଣା ଘଟିଛି । ମେ ୧୫ ସୋମବାର ମଧ୍ୟରାତ୍ରିରେ ଏକ କଲରାପତରିଆ ବାଘ ଆସି ଧୀରେ ଧୀରେ ଆସି ମାଲିକ ଠାରୁ ଟିକିଏ ଦୂରରେ ଶୋଇଥିବା କୁକୁରକୁ ଶିକାର କରିଛି । ଏହି ସମୟରେ କୁକୁରର ମାଲିକ ଖଟ ଉପରେ ଅଚିନ୍ତା ନିଦରେ ଶୋଇଛନ୍ତି । ତା’ପରେ କୁକୁରର ପାଟି ଶୁଣି ଉଠିବା ପରେ ଯାହା ଦେଖିନ୍ତି ଆଶ୍ଚର୍ଯ୍ୟ ହୋଇଯାଇଛନ୍ତି । ମାଲିକ ଜଣକ ନିଶ୍ଚିତ ମୃତ୍ୟୁ ମୁଖ୍ୟରୁ ସେ ବର୍ତ୍ତି ଯାଇଥିଲେ ସିନା ହେଲେ ପ୍ରିୟ କୁକୁରକୁ ସବୁଦିନ ପାଇଁ ହରାଇବାକୁ ପଡ଼ିଥିଲା ।
They love hot dogs. Look at the stealth & agility. Dog had no idea what was coming. A leopard in action on side of busy Pune-Nashik highway. pic.twitter.com/cn0pJDhCV9
— Parveen Kaswan, IFS (@ParveenKaswan) May 18, 2023
ଭିଡିଓ ଦେଖିବା ପରେ ୟୁଜରଙ୍କ ମନରେ ଅନେକ ପ୍ରଶ୍ନ ଉଠୁଛି । କାରଣ ଏପରି କୌଣସି ବିପଦର ଆଭାସ ହେଲେ ସବୁଠାରୁ ବିଶ୍ୱସ୍ତ କୁହାଯାଉଥିବା ପ୍ରାଣୀ କୁକୁର ଜାଣିପାରେ । ତା’ର ଘ୍ରାଣ ଶକ୍ତି ତୀବ୍ର ଥିବାରୁ ଶୁଙ୍ଘି ଶୁଙ୍ଘି ସେ ବିପଦକୁ ଠଉରାଇ ପାରେ । ଏତେ ପାଖକୁ ଆସିଯାଇଥିଲେ ବି କୁକୁର କିପରି ଜାଣି ପାରୁନି ବୋଲି କିଛି ଲୋକେ ପ୍ରତିକ୍ରିୟା ରଖିଛନ୍ତି ।
