ଭାରତରେ ଅଛନ୍ତି ଦୁନିଆର ୭୫% ବାଘ ! ପ୍ରଧାନମନ୍ତ୍ରୀ ବଖାଣିଲେ 'Project Tiger'ର ଉପଲବ୍ଧି

ଦେଶରେ ଅଛନ୍ତି ୩ ହଜାର ୧୬୭ ବାଘ । ୨୦୨୨ ଗଣନା ଅନୁଯାୟୀ ବାଘ ସଂଖ୍ୟା ଘୋଷଣା ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବାଘ ଗଣନା ରିପୋର୍ଟ ଉନ୍ମୋଚନ କରିଛନ୍ତି । ପ୍ରୋଜେକ୍ଟ ଟାଇଗର ('Project Tiger')ର ୫୦ ବର୍ଷ ପୂର୍ତ୍ତି ଅବସରରେ ଏହି ରିପୋର୍ଟର ଉନ୍ମୋଚନ କରିଛନ୍ତି ପ୍ରଧାନମନ୍ତ୍ରୀ ।

ରିପୋର୍ଟ ଅନୁଯାୟୀ ଦେଶରେ ୨୦୧୮ରେ ୨ ହଜାର ୯୬୭ ବାଘ ଥିଲେ । ତେବେ ଏହା ୨୦୨୨ରେ ବଢ଼ି ୩ ହଜାର ୧୬୭ରେ ପହଞ୍ଚିଛି । ବିଶ୍ୱରେ ଥିବା ମୋଟ ବାଘ ସଂଖ୍ୟାର ୭୫ ପ୍ରତିଶତ ବାଘ ଭାରତରେ ଅଛନ୍ତି । ଦେଶରେ ୧୯୭୩ ମସିହାରେ ପ୍ରୋଜେକ୍ଟ ଟାଇଗର ଆରମ୍ଭ କରାଯାଇଥିଲା । ଏହାର ସ୍ୱର୍ଣ୍ଣ ଜୟନ୍ତୀ ଅବସରରେ ପ୍ରଧାନମନ୍ତ୍ରୀ ମୋଦି ଇଣ୍ଟରନ୍ୟାସନାଲ ବିଗ୍ କ୍ୟାଟ ଆଲିଏଲନ୍ସର ଶୁଭାରମ୍ଭ କରିଛନ୍ତି । ଏହା ବାଘ ଓ ସିଂହଙ୍କ ସୁରକ୍ଷା ଦିଗରେ କାର୍ଯ୍ୟ କରିବ ।

୭ ପ୍ରକାରର ବିଗ କ୍ୟାଟ ଶ୍ରେଣୀରେ ଅଛନ୍ତି ବାଘ, ସିଂହ, କଲରାପତରିଆ, ସ୍ନୋ ଲିଓପାଡ୍, ପୁମା, ଜାଗୁଆର ଓ ଚିତା । ଏହି ଅବସରରେ ପ୍ରଧାନମନ୍ତ୍ରୀ ମୋଦି ଅମ୍ରିତ କାଲ୍ କା ଭିଜନ ଫର ଟାଇଗର କଜରଭେସନ ନାମକ ଏକ ବହି ଉନ୍ମୋଚନ କରିଥିଲେ । ଏହାସହ ଏକ ପ୍ରତିକାତ୍ମକ ମୁଦ୍ରାର ମଧ୍ୟ ଉନ୍ମୋଚନ କରିଥିଲେ । ...

‘ପ୍ରୋଜେକ୍ଟ ଟାଇଗର’ ର ୫୦ ବର୍ଷ ପୂର୍ତ୍ତି ଅବସରରେ କର୍ଣ୍ଣାଟକ ବାନ୍ଦିପୁର ଅଭୟାରଣ୍ୟ ପରିଦର୍ଶନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି..ଜିପରେ ୨୦ କିଲୋମିଟର ସଫାରୀ ବୁଲିବା ସହ ହାତୀଙ୍କ ସହ ବେଶ କିଛି ସମୟ ବିତାଇଛନ୍ତି#PMModi#bandipurtigerreserve#Karnataka#OTVpic.twitter.com/8i100gw5j2

— ଓଟିଭି (@otvkhabar) April 9, 2023

ଆଜି ସକାଳୁ ପ୍ରଧାନମନ୍ତ୍ରୀ ମୋଦି କର୍ଣ୍ଣାଟକର ବାନ୍ଦିପୁର ବ୍ୟାଘ୍ର ପ୍ରକଳ୍ପ ବୁଲି ଦେଖିଥିଲେ । ଏହି ଅବସରରେ ମୋଦି ବ୍ୟାଘ୍ର ଅଭୟାରଣ୍ୟ ଭିତରେ ଖୋଲା ଜିପରେ ୨୦ କିଲୋମିଟର ବୁଲିବା ସହ ବଣ୍ୟଜନ୍ତୁଙ୍କ ଫଟୋ ଉଠାଇଥିଲେ । ଏହାପରେ ଥେପାକାଡ଼ୁ ଏଲିଫ୍ୟାଣ୍ଟ କ୍ୟାଂପ ଯାଇ ହାତୀଙ୍କୁ ଖାଇବାକୁ ଦେବା ସହ କିଛି ସମୟ କଟାଇଥିଲେ ।