ପୁଣି ଭାରତ ଆସିବେ ୧୨ ଚିତା

ଭାରତ ଆସିବେ ଆଉ ୧୨ ଚିତା । ଆସନ୍ତା ଶନିବାର ଦକ୍ଷିଣ ଆଫ୍ରିକାରୁ ଏହି ଚିତାଙ୍କୁ ଭାରତ ଅଣାଯିବ। ମଧ୍ୟପ୍ରଦେଶର କୁନୋ ନାସନାଲ ପାର୍କରେ ଚିତାଙ୍କୁ ରଖାଯିବ । ପୂର୍ବରୁ ସେଠାରେ ୮ଟି ଚିତା ଅଛନ୍ତି । ଗତବର୍ଷ ମଧ୍ୟ ଚିତାଙ୍କୁ ନାମିବ୍ୟାରୁ ଅଣାଯାଇଥିଲା । ନିବାର ଆସିବାକୁ ଥିବା ୧୨ ଚିତା ମଧ୍ୟରୁ ୭ଟି ଅଣ୍ଡିରା ଏବଂ ୫ଟି ମାଇ ବାଘ ଅଛନ୍ତି।

ଅଧିକ ପଢ଼ନ୍ତୁ: ଭାରତ ସହ ଚିତାର ସଂପର୍କ ବହୁ ପୁରୁଣା : ମୃଗ ଶିକାରରେ ସହାୟତା ପାଇଁ ପୋଷୁଥିଲେ ରାଜା

ଶୁକ୍ରବାର ରାତିରେ ବାଘଙ୍କୁ ନେଇ ଭାରତୀୟ ବାୟୁସେନାର ସ୍ୱତନ୍ତ୍ର ବିମାନ ଦକ୍ଷିଣ ଆଫ୍ରିକାରୁ ବାହାରିବ । ଶନିବାର ସକାଳେ ଗ୍ୱାଲିଅର ଏୟାରଫୋର୍ସ ବେସରେ ପହଁଚିବା ପରେ ସେଠାରୁ ୬୫ କିଲୋମିଟର ଦୂର କୁନୋ ନାସନାଲ ପାର୍କକୁ ହେଲିକପ୍ଟରରେ ଚିତାଙ୍କୁ ନିଆଯିବ । ସେଠାରେ ଚିତାଙ୍କୁ କିଛି ଦିନ କ୍ୱାରେଣ୍ଟିନରେ ରଖାଯିବ । ଗତବର୍ଷ ସେପ୍ଟେମ୍ବର ୧୭ରେ ନିଜ ଜନ୍ମଦିନ ଅବସରରେ ପ୍ରଧାନମନ୍ତ୍ରୀ ମୋଦି ୮ଟି ଚିତାଙ୍କୁ କୁନୋ ନାସନାଲ ପାର୍କକୁ ଛାଡିଥିଲେ।