LIVE TV
ପ୍ରତିରକ୍ଷା କ୍ଷେତ୍ରରେ ଭାରତୀୟ ବାୟୁସେନାକୁ ଆଉ ଏକ ବଡ଼ ସଫଳତା । ଭାରତୀୟ ବାୟୁସେନାକୁ ଛୁଇଁଲା ଆଉ ଏକ ମାଇଲଖୁଣ୍ଟ । ନାଇଟ୍ ଭିଜନ୍ ଗଗଲ୍ସ ସହାୟତାରେ ରାତି ସମୟରେ ଇଷ୍ଟର୍ଣ୍ଣ ସେକ୍ଟରରେ ସଫଳ ଭାବେ ଅବତରଣ କରିଛି ଭାରତୀୟ ବାୟୁସେନାର ସି-୧୩୦ଜେ (C130-J) ବିମାନ । ଏହି ସମୟର ଦୁଇଟି ଭିଡିଓକୁ ବାୟୁସେନା ପକ୍ଷରୁ ସୋସିଆଲ ମିଡ଼ିଆ ‘ଏକ୍ସ’ ଆକାଉଣ୍ଟରେ ସେୟାର କରାଯାଇଛି ।
ଦେଶର ସାର୍ବଭୌମତ୍ୱର ରକ୍ଷା ପାଇଁ ଭାରତୀୟ ବାୟୁସେନା ସବୁବେଳେ ସବୁ ପରିସ୍ଥିତିରେ ପ୍ରସ୍ତୁତ ରହିଛି । ଏହା ଆଗକୁ ଭାରତକୁ ବାହ୍ୟ ଶତ୍ରୁ ଆକ୍ରମଣର ମୁକାବିଲାରେ ସହାୟକ ହେବ ବୋଲି ବାୟୁସେନା ପକ୍ଷରୁ କୁହାଯାଇଛି । ଏହି ସଫଳତା ବାୟୁସେନାର ପ୍ରତିବଦ୍ଧତାକୁ ଦର୍ଶାଇଥିବା ବେଳେ ସଫଳତା ପରେ ବିଭିନ୍ନ ଆଡୁ ଶୁଭେଚ୍ଛାର ସୁଅ ଛୁଟିଛି ।
Also Read
ଅଧିକ ପଢ଼ନ୍ତୁ: ବଦଳିଲା ନିୟମ, ଜୁନ ପହିଲାରୁ ନୂଆ ପ୍ରଣାଳୀରେ ହେବ ଆବେଦନ; ଜାଣନ୍ତୁ...
Achieving another significant milestone, an #IAF C-130J aircraft carried out a successful Night Vision Goggles aided landing at an Advanced Landing Ground in the Eastern sector.#IAF continues to expand capabilities, reinforcing commitment to safeguard nation's sovereignty by… pic.twitter.com/nMAbDnWPhR
— Indian Air Force (@IAF_MCC) May 23, 2024
ଏହା ପୂର୍ବରୁ ଭାରତୀୟ ବାୟୁସେନା ଆଉ ଏକ ବଡ ସଫଳତା ହାସଲ କରିଥିଲା । ବାସ୍ତବରେ ବାୟୁସେନା ଏହାର C-130J ସୁପର ହର୍କ୍ୟୁଲ୍ସ ବିମାନକୁ ରାତିରେ କାର୍ଗିଲ ଏୟାରଷ୍ଟ୍ରିପରେ ଅବତରଣ କରିବାରେ ସଫଳ ହୋଇଥିଲା । ଏହି ସମୟ ମଧ୍ୟରେ ବାୟୁସେନାର କମାଣ୍ଡୋଙ୍କୁ ମଧ୍ୟ ସୁପର ହର୍କ୍ୟୁଲ୍ସ ବିମାନରେ କାର୍ଗିଲକୁ ପଠାଯାଇଥିଲା । ଜରୁରୀକାଳୀନ ପରିସ୍ଥିତିରେ ସେମାନଙ୍କୁ କିପରି ଶୀଘ୍ର ନିୟୋଜିତ କରାଯାଇପାରିବ ସେନେଇ କମାଣ୍ଡୋଙ୍କ ପ୍ରଶିକ୍ଷଣର ଏହା ମଧ୍ୟ ଏକ ଅଂଶ ଥିଲା ।
ଅଧିକ ଉଚ୍ଚତାରେ ବିମାନ ଅବତରଣ କରିବା ସର୍ବଦା ଚ୍ୟାଲେଞ୍ଜ ରହିଥାଏ । କାର୍ଗିଲ ପରି ଏକ ଉଚ୍ଚ ପାର୍ବତ୍ୟ ଅଞ୍ଚଳରେ ସୁପର ହର୍କ୍ୟୁଲ୍ସ ବିମାନର ସଫଳ ଅବତରଣ ଏକ ବଡ଼ ସଫଳତା ଥିଲା । ଏହାପୂର୍ବରୁ ବାୟୁସେନା ପାଇଲଟ୍ମାନେ ଉତ୍ତରାଖଣ୍ଡର ଧରାସୁ ଠାରେ ସୁପର ହର୍କ୍ୟୁଲ୍ସ ବିମାନକୁ ସଫଳତାର ସହ ଅବତରଣ କରିଥିଲେ ।
