LIVE TV
ଆଶ୍ଚର୍ଯ୍ୟ ! ହଠାତ୍ ଟ୍ରାଫିକ୍ ଲାଇଟ୍ ଗୋଲ୍ ବଦଳରେ ହୋଇଗଲା ହାର୍ଟସେପ୍ । ଆପଣ ବିଶ୍ୱାସ କରୁନଥିବେ । ତାହା ବି ଠିକ୍ । କାରଣ ଏହା ବିଶ୍ୱାସ କରିବା ବି ଏତେ ସହଜ ନୁହେଁ । ଆମେ ଆମ ରାଜ୍ୟରେ କେବେ ବି ଏମିତି କିଛି ଦେଖିନାହାନ୍ତି । ଦେଶରେ ବି ଏଭଳି ଘଟଣା ଘଟିବାର ଆମର ନଜିର ନାହିଁ । ତେବେ ଆପଣ ଭାବୁଥିବେ ଏହି ଘଟଣା ଦେଶ ବାହାରେ କେଉଁଠି ହୋଇଥିବ । ଯଦି ଆପଣ ଏହା ଭାବୁଛନ୍ତି । ତେବେ ସମ୍ପୂଣ୍ଣ ଭୁଲ ଭାବୁଛନ୍ତି ।
ଆମ ଦେଶର ଆଇଟି ହବ୍ କୁହାଯାଉଥିବା ବେଙ୍ଗାଲୁରୁ ସହରରେ ଏଭଳି ଘଟଣା ଘଟିଛି । ତେବେ ଏହା କାହିଁକି କରାଯାଇଛି । ପ୍ରଶାସନ ପକ୍ଷରୁ ଏଭଳି ପଦକ୍ଷେପ କାହିଁକି ନିଆଯାଇଛି ସମସ୍ତଙ୍କ ମନରେ ପ୍ରଶ୍ନ ଉଠିଛି ।
Also Read
ଏହାର ଉତ୍ତର ହେଲା ଦେଶ ବଦଳୁଛି । ଦେଶ ଏବେ ଡିଜିଟାଲ ଆଡ଼କୁ ଗତି କରୁଛି । ଡିଜିଟାଲ ମାଧ୍ୟମରେ ଦେଶ ଖୁବ୍ ଅଗ୍ରଗତି କରୁଛି । ଲୋକେ ବି ଡିଜିଟାଲ ଲାଇଫ୍କୁ ଆଦରୀ ନେଲେଣି । ତେଣୁ ପ୍ରଶାସନ ବି ଏହି ଡିଜିଟାଲ ସହ ପାଦ ମେଳାଇ ଆଗକୁ ବଢ଼ିବାକୁ ଚେଷ୍ଟା କରୁଛି । ସରକାରୀ କାର୍ଯ୍ୟ ହେଉ କିମ୍ବା ସଚେତନତା ମୂଳକ ବାର୍ତ୍ତା ଏବେ ଡିଜିଟାଲ ପ୍ଲାଟ୍ଫର୍ମରେ ହିଁ ଅଧିକ ହେଉଛି । ରାଜନୈତିକ ଦଳ ମାନେ ମଧ୍ୟ ଏବେ ଅନ୍ଲାଇନ୍ ପ୍ରଚାର ଖୁବ୍ ଖର୍ଚ୍ଚ କରୁଛନ୍ତି ।
On the occasion of #WorldHeartDay, Manipal Hospitals installed innovations to encourage Bangalore to be a 'heart smart city'. pic.twitter.com/cYSJPKx4uC
— Manipal Hospitals | #TogetherStronger (@ManipalHealth) October 2, 2022
ତେବେ ଆମେ ଆଜି ଆପଣଙ୍କୁ ଯେଉଁ ଟ୍ରାଫିକ୍ ଲାଇଟ୍ ବିଷୟରେ କହୁଛୁ ତାହା ବି ଏହି ଡିଜିଟାଲ ଯୁଗ ସହ ତାଳ ମେଳାଇବା ପାଇଁ ଏକ ପ୍ରୟାସ । ଆପଣ ସାଧାରଣତଃ ଟ୍ରାଫିକ୍ ଲାଇଟ୍ ଗୋଲ ଗୋଲ ହିଁ ଦେଖିଥିବେ । ନାଲି-କମଳା-ନେଳି ରଙ୍ଗର ଗୋଲ ଗୋଲ ଟ୍ରାଫିକ୍ ଲାଇଟ୍ ଦେଖି ଲୋକେ ବୋର ହେଉଥିବା ବେଳେ ବେଙ୍ଗାଲୁରୁ ସହରରେ ହଠାତ୍ ହାର୍ଟସେପ୍ ବା ପାନପତ୍ର ଆକାରର ଦେଖାଯାଇଥିଲା ଟ୍ରାଫିକ୍ ଲାଇଟ୍ । ହଠାତ୍ ସବୁ ଆଶ୍ଚର୍ଯ୍ୟ । ସମସ୍ତଙ୍କ ମନରେ ପ୍ରଶ୍ନ । କାହିଁକି ?
ସୋସିଆଲ ମିଡିଆ ଟ୍ୱିଟରରୁ ଯାହା ଖବର ମିଳିଛି, ବିଶ୍ୱ ହୃଦୟ ଦିବସ ଉପଲକ୍ଷେ ବେଙ୍ଗାଲୁରୁ ମୁନିସପାଲ ହସ୍ପିଟାଲ ପକ୍ଷରୁ ଏଭଳି ପଦକ୍ଷେଆପ ନିଆଯାଇଛି । ଦେଶରେ ଦିନକୁ ଦିନ ହୃଦ୍ ରୋଗୀଙ୍କ ସଂଖ୍ୟା ବଢ଼ୁଥିବା ବେଳେ ହାର୍ଟ ଆଟାକ୍ରେ ମଧ୍ୟ ଅନେକଙ୍କ ମୃତ୍ୟୁ ଘଟୁଛି । ସବୁଠାରୁ ବିଡ଼ମ୍ବନାର କଥା ହେଲା ବର୍ତ୍ତମାନ ସମୟରେ ଯୁବଗୋଷ୍ଠି ମଧ୍ୟ ହୃଦ୍ରୋଗର ଶିକାର ହେଉଛନ୍ତି ଏବଂ ହାର୍ଟ ଆଟାକ୍ ଭଳି ସମସ୍ୟାର ସମ୍ମୁଖୀନ ହେଉଛନ୍ତି ।
These included the red signal being in the shape of a heart, audio messages spreading awareness on heart health, and QR codes to access emergency services easily instead of dialing a number to call for it. Here are some snaps of the same.#ManipalHospitals #CPR #CardiacArrest
— Manipal Hospitals | #TogetherStronger (@ManipalHealth) October 2, 2022
ତେଣୁ ଯୁବଗୋଷ୍ଠିଙ୍କୁ ସଚେତନ କରିବା ପାଇଁ ମୁନିସପାଲ ହସ୍ପିଟାଲ ପକ୍ଷରୁ ଏଭଳି ପଦକ୍ଷେପ ନିଆଯାଇଛି । ଖାଲି ଟ୍ରାଫିକ୍ ଲାଇଟ୍କୁ ହାର୍ଟସେପ୍ ଆକାର ଦେଇ ସଚେତନ ନୁହେଁ ବିଭିନ୍ନ ସ୍ଥାନରେ ମେଡିକାଲ ପକ୍ଷରୁ କ୍ୟୁଆର୍ କୋର୍ଡ ମଧ୍ୟ ଲାଗିଛି । ଯାହାଫଳରେ ଲୋକେ ତୁରନ୍ତ କୌଣସି ଜରୁରୀକାଳିନ ପରିସ୍ଥିତିରେ ମେଡିକାଲ ସହ ଯୋଗାଯୋଗ କରିପାରିବେ । ଏହାସହ ଏକ ଭଏସ୍ ମେସେଜ୍ ଯୋଗେ ମଧ୍ୟ ଲୋକଙ୍କୁ ସଚେତନ କରାଯାଉଛି ।
