LIVE TV
ଆଜି ଘୋଷଣା ହେବ ଦିଲ୍ଲୀ ନିର୍ବାଚନ ତାରିଖ । ଅପରାହ୍ନ ୨ଟାରେ ନିର୍ବାଚନ ଆୟୋଗ ପ୍ରେସମିଟ୍ କରି ଦିଲ୍ଲୀ ନିର୍ବାଚନ ତାରିଖ ଘୋଷଣା କରିବେ । ଗୋଟିଏ ପର୍ଯ୍ୟାୟରେ ଦିଲ୍ଲୀରେ ନିର୍ବାଚନ ହୋଇପାରେ ବୋଲି ଆଶା କରାଯାଉଛି । ଫେବ୍ରୁଆରୀ ଦ୍ୱିତୀୟ ସପ୍ତାହରେ ମତଦାନ ଏବଂ ଫେବ୍ରୁଆରୀ ୧୭ରେ ନିର୍ବାଚନ ଫଳାଫଳ ଘୋଷଣା ହୋଇପାରେ ବୋଲି ଅନୁମାନ କରାଯାଉଛି ।
Also Read
ଏହାପୂର୍ବରୁ ସୋମବାର ନିର୍ବାଚନ ଆୟୋଗ ଫାଇନାଲ୍ ଭୋଟର ତାଲିକା ପ୍ରକାଶ କରିଛନ୍ତି । ଏଥର ଦିଲ୍ଲୀରେ ସମୁଦାୟ ୧ କୋଟି ୫୫ ଲକ୍ଷ ୨୪ ହଜାର ୮୫୮ ଭୋଟର ଅଛନ୍ତି । ସେଥିମଧ୍ୟରୁ ପୁରୁଷ ଭୋଟରଙ୍କ ସଂଖ୍ୟା ୮୩,୪୯,୬୪୫ ଥିବାବେଳେ ମହିଳା ଭୋଟରଙ୍କ ସଂଖ୍ୟା ୭୧,୭୩,୯୫୨ । ସେହିପରି ୧,୨୬୧ ଜଣ ତୃତୀୟ ଲିଙ୍ଗୀ ଭୋଟର ରହିଛନ୍ତି ।
ଅଧିକ ପଢ଼ନ୍ତୁ: ଚୀନ୍ ଭାଇରସ ଶିଶୁ ମାନଙ୍କ ପାଇଁ ବିପଦ...
ଦିଲ୍ଲୀରେ ଗତ ଦୁଇଟି ବିଧାନସଭା ନିର୍ବାଚନରେ ଆମ୍ ଆଦମୀ ପାର୍ଟି ୭୦ଟି ସିଟ୍ ମଧ୍ୟରୁ ୬୦ରୁ ଅଧିକ ଆସନରେ ଜିତି ସରକାର ଗଠନ କରୁଥିଲା । ୨୦୧୫ ନିର୍ବାଚନରେ ଆମ୍ ଆଦମୀ ପାର୍ଟି ୬୭ଟି ସିଟ୍ ଜିତିଥିଲା । ଦିଲ୍ଲୀ ଇତିହାସରେ ଏହା ପ୍ରଥମ ଥର ଥିଲା ଯେତେବେଳେ କି କୌଣସି ଦଳ ଏତେ ସଂଖ୍ୟକ ଆସନ ଜିତିଥିଲେ । ଏଥି ସହିତ, ୨୦୨୦ ନିର୍ବାଚନରେ ଆମ୍ ଆଦମୀ ପାର୍ଟି ୬୨ଟି ସିଟ୍ ଜିତିଥିଲା । ବିଜେପି ୮ଟି ଆସନ ଜିତିଥିଲା । ଯେଉଁଠାରେ କଂଗ୍ରେସ ଦୁଇଟି ନିର୍ବାଚନରେ ଗୋଟିଏ ବି ଆସନ ଜିତିବାରେ ସକ୍ଷମ ହୋଇନାହିଁ ।
#DelhiElection2025 | Election Commission of India to announce the schedule for the General Election to the Delhi Legislative Assembly today at 2 pm. pic.twitter.com/PZ2fTBcMpt
— ANI (@ANI) January 7, 2025
