Cloudburst: ଫାଟିଲା ବାଦଲ, ଧସିଲା ମାଟି ଅତଡା...ଚାରିଆଡେ ଶୁଭିଲା ଚିତ୍କାର

ଛାରଖାର ହୋଇଛି ଉତ୍ତରକାଶୀ। ଧରାଶାୟୀ ଧରାଲି ଗାଁ। ଭୁଶୁଡ଼ି ଯାଇଛି ହୋଟେଲ ଓ ପୋତି ହୋଇଯାଇଛି ମାର୍କେଟ। ବାଦଲ ଫଟା ବର୍ଷା ସାଙ୍ଗକୁ ଭୂସ୍ଖଳନ । ପାହାଡ଼ ଧସିବାରୁ ଜନବସତିକୁ ମାଡ଼ି ଯାଇଛି ମାଟି ମିଶା ପାଣି। ଅଚାନକ ବନ୍ୟାରେ ଭୁଶୁଡ଼ି ପଡ଼ିଛି ଶହଶହ ଘର। ଭାସି ଯାଇଛନ୍ତି ଶତାଧିକ ଲୋକ। ପ୍ରକୃତି ରଚିଛି ଧ୍ୱଂସଲୀଳା। ଏଥିରେ ବର୍ତ୍ତମାନ ସୁଦ୍ଧା ୪ ଜଣଙ୍କ ମୃତ୍ୟୁ ହୋଇଥିବା ବେଳେ ଶତାଧିକ ଲୋକ ନିଖୋଜ ହୋଇଯାଇଛନ୍ତି। ମାଟି ତଳୁ ଖୋଜା ଚାଲିଛି ଜୀବନ।

ଉତ୍ତରାଖଣ୍ଡର ହର୍ସିଲ ଠାରୁ ୪ କିମି ଦୂର ଧରାଲି ଗାଁରେ ପ୍ରକୃତିର ଭୟଙ୍କର ତାଣ୍ଡବ ପୂରା ଦେଶକୁ ସ୍ତବ୍ଧ କରି ଦେଇଛି। ସେଠାରୁ ଆସୁଥିବା ଗୋଟିଏ ପରେ ଗୋଟିଏ ଭିଡିଓକୁ ସମସ୍ତଙ୍କୁ ବିଚଳିତ କରିଛି। ଆଜି ଅପରାହ୍ନ ୧.୪୫ରେ ଭୂସ୍ଖଳ ହେବା ପରେ ମାଟି ମିଶା ପାଣି ଜନବସତି ଆଡ଼କୁ ଘୁଘୁ କରି ମାଡ଼ି ଆସିଥିଲା। ଭୂସ୍ଖଳନ ଯୋଗୁ ପବିତ୍ର ଗଙ୍ଗୋତ୍ରୀ ଧାମ ସହ ଯୋଗାଯୋଗ ବିଚ୍ଛିନ୍ନ ହୋଇଯାଇଛି।

If this heart-wrenching video of the Uttarkashi flashflood doesn’t shake you to your core, I don’t know what will. it’s a stark reminder of the climate crisis we’re facing. We can’t keep ignoring the signs. We need to act now.Join me in demanding climate justice.#uttarkashifloodpic.twitter.com/7HFhhrKFLh

— Ridhima pandey (@ridhimapandeyy) August 5, 2025

ଏହି ବିପର୍ଯ୍ୟୟରେ ଫସିଥିବା ଲୋକଙ୍କୁ ଉଦ୍ଧାର କରିବା ପାଇଁ ଏନଡିଆରଏଫ ଠାରୁ ସେନା ଯବାନମାନେ ଲାଗି ପଡ଼ିଛନ୍ତି। ପ୍ରଭାବିତ ଅଞ୍ଚଳଟି ମୁଖବା ଓ ଗଙ୍ଗୋତ୍ରୀ ଧାମର ଅତ୍ୟନ୍ତ ନିକଟବର୍ତ୍ତୀ। ପାହାଡ଼ର ଧ୍ୱଂସାବଶେଷ ସହ ପାଣି କେମିତି ଭୟଙ୍କର ଢଙ୍ଗରେ ତଳିଆ ଅଞ୍ଚଳକୁ ଆସୁଛି ଓ ଶତାଧିକ ଘର, ହୋଟେଲ, ହୋମ ଷ୍ଟେ ଓ ରେଷ୍ଟୁରାଣ୍ଟକୁ ଭସାଇ ନେଉଛି, ତା’ର ଭିଡିଓ ସାମ୍ନାକୁ ଆସିଛି।

ଉକ୍ତ ଅଞ୍ଚଳରେ ଥିବା ଏକାଧିକ ହୋଟେଲ ଠାରୁ ଆରମ୍ଭ କରି ସବୁ କିଛି ଧ୍ୱଂସ ହୋଇଯାଇଛି। ପୂର୍ବରୁ ମୁଁ ଏମିତି ଭୟଙ୍କର ବିପର୍ଯ୍ୟୟ କେବେ ଦେଖି ନଥିଲି ବୋଲି ଜଣେ ପ୍ରତ୍ୟେକ୍ଷଦର୍ଶୀ କହିଛନ୍ତି।

A cloudburst in Uttarakhand's Uttarkashi district.

4 dead, over 50 missing as cloudburst triggers monster landslide in Uttarakhand

Prayers for everyone’s safety.🙏#Uttarakhand#Uttarkashi#Cloudburst#Dharalipic.twitter.com/xcUIcNZWTK

— Sumit (@SumitHansd) August 5, 2025

ହର୍ସିଲର ଲୋକପ୍ରିୟ ପର୍ଯ୍ୟଟନ ସ୍ଥଳ ନିକଟରେ ଧରାଲି ରହିଛି। ଘଟଣା ବେଳେ ଏଠାରେ ଶତାଧିକ ପର୍ଯ୍ୟଟକ ରହିଥିଲେ। ଅଚାନକ ବନ୍ୟା ଯୋଗୁ ସେମାନେ ମଧ୍ୟ ପ୍ରଭାବିତ ହୋଇଛନ୍ତି। ହୋଟେଲ ଓ ଘରଦ୍ୱାର ଭୁଶୁଡ଼ି ପଡ଼ିବାରୁ ଏହା ତଳେ ଲୋକମାନେ ଫସି ରହିଥିବା ଆଶଙ୍କା କରାଯାଉଛି। ସେହିପରି କିଛି ଲୋକ ମଧ୍ୟ ବନ୍ୟାର ସ୍ରୋତରେ ଭାସି ଯାଇଛନ୍ତି। ପ୍ରକୃତିର ତାଣ୍ଡବରୁ ହୋଟେଲ ଠାରୁ ଆରମ୍ଭ କରି ହୋମ ଷ୍ଟେ ଭଳି ବଡ଼ବଡ଼ କୋଠା ମଧ୍ୟ ବର୍ତ୍ତି ନାହାନ୍ତି। ୨୦ରୁ ୨୫ଟି ହୋଟେଲ ଏବଂ ହୋମ ଷ୍ଟେ ପାଣିର ସ୍ରୋତରେ ଭାସି ଯାଇଛି। କ୍ଷୀର ଗଙ୍ଗା ନଦୀର ଜଳସ୍ତର ବୃଦ୍ଧି ପାଇବାରୁ ଧରାଲି ମାର୍କେଟ ଅଞ୍ଚଳ କ୍ଷତିଗ୍ରସ୍ତ ହୋଇଛି।

What a horribly tragic day for our earthquake and disaster prone state and our people? After #Dharali, flash floods erupt in nearby #SukhiTop in district #Uttarkashi. While today is a day to mourn and focus on relief and rescue, it's also vital to remember what the Supreme Court… pic.twitter.com/78ma1GLQov

— Anoop Nautiyal (@Anoopnautiyal1) August 5, 2025

ହର୍ସିଲ ଅଞ୍ଚଳରେ ସୀମା ଲଙ୍ଘିଥିବା କ୍ଷୀର ଗଙ୍ଗା ବିପର୍ଯ୍ୟୟକୁ ଆହୁରି ସାଂଘାତିକ କରିଛି। ଏଥିଯୋଗୁ ଉତ୍ତରକାଶୀ ପୁଲିସ୍‌, ଏସଡିଆରଏଫ, ଆର୍ମି ଓ ଏନଡିଆରଏଫ ପକ୍ଷରୁ ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରାଯାଇଛି। ଭୂସ୍ଖଳନ ସ୍ଥଳର ଅତି ନିକଟରେ ଭାରତୀୟ ସ୍ଥଳ ସେନାର କ୍ୟାମ୍ପ ରହିଥିଲା। ତେଣୁ ଯବାନମାନେ ବିପର୍ଯ୍ୟୟର ଉଦ୍ଧାରରେ ପ୍ରଥମେ ସାମିଲ ହୋଇ ସେଠାରେ ଫସିଥିବା ୧୫ ଜଣ ଲୋକଙ୍କୁ ଉଦ୍ଧାର କରିଛନ୍ତି।

ଜିଲ୍ଲା ପ୍ରଶାସନର କହିବା କଥା ଯେ ବନ୍ଦ ହୋଇ ଯାଇଥିବା ରାସ୍ତା ଓ ଅବିଶ୍ରାନ୍ତ ବର୍ଷା ଯୋଗୁ ଉଦ୍ଧାର କାର୍ଯ୍ୟ ବିଳମ୍ବିତ ହେଉଛି। ତଥାପି ନିଖୋଜଙ୍କୁ ଠାବ କରିବା ଓ ପ୍ରଭାବିତଙ୍କୁ ସହାୟତା ଯୋଗାଇ ଦେବାକୁ ସବୁ ପ୍ରକାରର ଚେଷ୍ଟା କରାଯାଉଛି। ଚାରି ଧାମ ମଧ୍ୟରୁ ଗୋଟିଏ ହେଉଛି ଗଙ୍ଗୋତ୍ରୀ ଧାମ। ପ୍ରାକୃତି ବିପର୍ଯ୍ୟୟ ପରେ ଗଙ୍ଗୋତ୍ରୀ ଧାମ ସହ ଯୋଗାଯୋଗ ବିଚ୍ଛିନ୍ନ ହୋଇଯାଇଛି।