Indian Air Force Rafale Fighter Jet Exercise: ଅପରେସନ୍ ଆକ୍ରମଣ: ଗର୍ଜିଲା ରାଫେଲ...ଦମ୍ ଦେଖାଉଛି ଘାତକ ଫାଇଟର ଜେଟ୍...

ଭାରତୀୟ ସେନାର ଅପରେସନ୍ ଆକ୍ରମଣ। ଗର୍ଜିଲା ରାଫେଲ...ଦମ୍ ଦେଖାଉଛି ଘାତକ ଫାଇଟର ଜେଟ୍ ସୁଖୋଇ ୩୦ । ପହଲଗାମ ଆତଙ୍କୀ ହମଲା ପରେ ଭାରତର ବଡ଼ ପ୍ରତିଶୋଧ ପ୍ରସ୍ତୁତି । ଭାରତ-ପାକିସ୍ତାନ ଟେନସନ ଭିତରେ ଭାରତୀୟ ବାୟୁସେନା ଆରମ୍ଭ କରିଛି ଜୋରଦାର ଯୁଦ୍ଧାଭ୍ୟାସ । ଯୁଦ୍ଧାଭ୍ୟାସରେ ସାମିଲ ହୋଇଛନ୍ତି IAFର ଟପ୍ ଗନ ପାଇଲଟ୍ । ପହଲଗାମ ଆତଙ୍କବାଦୀ ଆକ୍ରମଣ ପରେ ଅଲଗା ଅଲଗା ଏୟାର ବେସରେ ନିୟୋଜିତ, ବାୟୁସେନାର ଲଢ଼ୁଆ ବିମାନ ଯୁଦ୍ଧାଭ୍ୟାସରେ ଭାଗ ନେଇଛନ୍ତି । ଯୁଦ୍ଧାଭ୍ୟାସର ନାଁ ଆକ୍ରମଣ ରହିଥିବାବେଳେ ସାମିଲ ହୋଇଛନ୍ତି ରାଫେଲ ଓ ସୁଖୋଇ ଫାଇଟର ଜେଟ୍ ।

ହରିୟାଣାର ଅମ୍ବାଲା ଓ ପଶ୍ଚିମବଙ୍ଗର ହାସିମରା ଏୟାର ଷ୍ଟେସନରୁ ଦୁଇଟି ରାଫେଲ ସ୍କ୍ୱାଡ୍ରେନକୁ ଅପରେଟ୍ କରିଛି IAF । ଡିଫେନ୍ସ ସୂତ୍ରରୁ ସୂଚନା ଅନୁଯାୟୀ, ଗ୍ରାଉଣ୍ଡ ଆଟାକ୍ ଓ ଇଲୋଟ୍ରୋନିକ୍ ୱାରଫାୟାର ଭଳି ଆଡଭାନ୍ସ ମିଶନ ପ୍ରୋଫାଇଲ୍ ଉପରେ ଅଧିକ ଫୋକସ କରାଯାଇଛି । ସେପଟେ ଇଣ୍ଡିଆନ ଏୟାର ଫୋର୍ସର ଏୟାର ବେସରେ ବଢ଼ିଛି ଅପରେସନ ରେଡିନେସ୍ ପ୍ଲାଟଫର୍ମ ସଂଖ୍ୟା ବା ଓଆରପି । ଆଲାର୍ମ ବାଜିବାକ୍ଷଣି ଯୁଦ୍ଧବିମାନ ତୁରନ୍ତ ଉଡାଣ ଭରିବାକୁ ଥିବାରୁ ଏୟାର ବେସରେ ବ୍ୟବସ୍ଥା ହୋଇଛି ଏକାଧିକ ଓଆରପି ।

ଅଧିକ ପଢ଼ନ୍ତୁ: ଭିସା ସରିବା ପରେ ଭୁବନେଶ୍ବରରେ ଅଛନ୍ତି ପାକିସ୍ତାନୀ ମହିଳା; ନୋଟିସ ଜାରି କଲା ପୋଲିସ...

ନଜର ପକାନ୍ତୁ ଭାରତର ଲଢ଼ୁଆ ଯୁଦ୍ଧବିମାନ ରାଫେଲର ତାକତ ଉପରେ...

ଘଣ୍ଟା ପ୍ରତି ୨୨୦୦ କିଲୋମିଟରରୁ ଅଧିକ ବେଗରେ ଉଡ଼ିପାରେ ରାଫେଲ । ୩୭୦୦ କିଲୋମିଟର ପର୍ଯ୍ୟନ୍ତ ରହିଛି ମାରକ କ୍ଷମତା । ରାଫେଲରେ ରହିପାରେ ତିନି ପ୍ରକାର ଘାତକ ମିଶାଇଲ । ଶତୃପକ୍ଷର ରାଡାର ଜାମ କରିବାକୁ ସକ୍ଷମ ରାଫେଲ୍ । ପରମାଣୁ ହମଲା କରିବାକୁ ସକ୍ଷମ ସହ ଲେଜର ଗାଇଡେଡ୍ ବମ୍ ଶକ୍ତିରେ ବି ଶକ୍ତିଶାଳୀ । ଏକାଥରକେ 24,500 କିଲୋ ଓଜନ ନେବାକୁ ସକ୍ଷମ ରାଫେଲ ବିମାନ । କେବଳ ଏତିକି ନୁହେଁ ରାଫେଲ୍ ଯୁଦ୍ଧବିମାନ 60 ହଜାର ଫୁଟ ଦୂରତାରୁ ହମଲା କରିବାକୁ ସକ୍ଷମ । ସାଥିରେ ନେଇପାରେ 16 ଟନ ବମ୍ ଓ ମିଶାଇଲ ।

ସେପଟେ କେବଳ ବାୟୁସେନା ନୁହେଁ ସମୁଦ୍ରରେ ସଜାଗ ହେଲାଣି ନୌସେନା ଯୋଦ୍ଧା । ଆରବ ସାଗରରେ ମିଡିୟମ ରେଞ୍ଜ ସର୍ଫେସ ଟୁ ଏୟାର ମିଶାଇଲ୍ ପରୀକ୍ଷଣ କରିଛି ଇଣ୍ଡିଆନ ନାଭିର ମିଶାଇଲ ଧ୍ୱସଂକାରୀ INS ସୁରତ । ଯାହାର କ୍ଷମତା ରହିଛି 70 କିଲୋମିଟର ।

ଏପ୍ରିଲ ୨୨ରେ ଆତଙ୍କବାଦୀ ଜାମ୍ମୁ କାଶ୍ମୀରରେ ନିରୀହ ପର୍ଯ୍ୟଟକଙ୍କୁ ଗୁଳି ମାରି ହତ୍ୟା କରିବା ପରେ ସାରା ଦେଶରେ ଦେଖାଦେଇଛି ଆକ୍ରୋଶ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆତଙ୍କୀଙ୍କ ଭୂଖଣ୍ଡ ମାଟିରେ ମିଶିବ ବୋଲି ସଫା ସଫା ଶୁଣାଇଛନ୍ତି । ତେବେ ଜଳ, ସ୍ଥଳ ନା ଆକାଶ ମାର୍ଗରେ...ଖୁବଶୀଘ୍ର ହୋଇପାରେ ବଡ଼ ଆକ୍ସନ । ପହଲଗାମ ଆକ୍ରମଣର ଆତଙ୍କୀଙ୍କୁ ଧରିବାକୁ ଜାମ୍ମୁ କାଶ୍ମୀରର ସବୁ ଜିଲ୍ଲାରେ ସର୍ଚ୍ଚ ଅପରେସନ ଚାଲିଥିବାବେଳେ, ବଦଲା ପାଇଁ ପ୍ରସ୍ତୁତ ହେଉଛି ବ୍ଲୁ ପ୍ରିଣ୍ଟ । 

ଅଧିକ ପଢ଼ନ୍ତୁ: ଯୁଦ୍ଧ ହେଲେ କିଏ ଜିତିବ, ଜାଣନ୍ତୁ କାହାର କେତେ ସୈନ୍ୟବଳ...