Abhishek Banerjee Replaces Yusuf Pathan: ୟୁସୁଫଙ୍କ ସ୍ଥାନରେ ଅଭିଷେକ ବାନାର୍ଜୀ, ସର୍ବଦଳୀୟ ପ୍ରତିନିଧି ଟିମରେ ସାମିଲ

ସର୍ବଦଳୀୟ ପ୍ରତିନିଧି ଟିମରେ ୟୁସୁଫ ପଠାନଙ୍କ ସ୍ଥାନ ନେବେ ଅଭିଷେକ ବାନାର୍ଜୀ । ୟୁସୁଫ୍‌ ପଠାନଙ୍କ ସ୍ଥାନରେ ଅଭିଷେକ ବାନାର୍ଜୀ ସାମିଲ ହେବା ନେଇ ଟିଏମସି ପକ୍ଷରୁ ସ୍ପଷ୍ଟ କରାଯାଇଛି । ସର୍ବଦଳୀୟ ପ୍ରତିନିଧି ଟିମ୍‌ ସହ ବିଦେଶ ଯିବେ ଅଭିଷେକ । କେନ୍ଦ୍ର ସହ ଆଲୋଚନା ପରେ ଅଭିଷେକଙ୍କ ନାଁ ଘୋଷଣା ହୋଇଛି। ସାଂସଦ ସଞ୍ଜୟ ଝା’ଙ୍କ ନେତୃତ୍ବାଧୀନ ଟିମ୍‌ରେ ରହିବେ ଅଭିଷେକ ବାନାର୍ଜୀ । ଗତକାଲି(ସୋମବାର) ୟୁସୁଫ୍‌ଙ୍କ ଚୟନକୁ ନେଇ ପ୍ରଶ୍ନ ଉଠାଇଥିଲା ଟିଏମ୍‌ସି । ବିଦେଶ ଗସ୍ତରେ ଯିବେ ନାହିଁ ବୋଲି ୟୁସୁଫ ମନା କରିଥିବା ସୂଚନା ମିଳିଥିଲା ।

ଆତଙ୍କବାଦ ବିରୋଧରେ ଜିରୋ ଟଲେରାନ୍ସ ନୀତିର ବାର୍ତ୍ତା ନେଇ ସହଯୋଗୀ ରାଷ୍ଟ୍ର ଗସ୍ତ କରିବା ଉଦ୍ଦେଶ୍ୟରେ ଗଠନ ହୋଇଛି ସର୍ବଦଳୀୟ ଟିମ୍ । ଏଥିରେ ବିଭିନ୍ନ ଦଳର ନେତୃତ୍ୱ ସାମିଲ ଥିବାବେଳେ ତୃଣମୂଳ କଂଗ୍ରେସ ପକ୍ଷରୁ କିଏ ଯିବ ସେନେଇ ଦ୍ୱନ୍ଦ୍ୱ ଲାଗି ରହିଥିଲା । ୟୁସୁଫଙ୍କ ସ୍ଥାନରେ ଅଭିଷେକ ବାନାର୍ଜୀ ସର୍ବଦଳୀୟ ଟିମରେ ସାମିଲ ହେବେ ବୋଲି ଜଣାପଡ଼ିଛି । 

ଅଧିକ ପଢନ୍ତୁ : ପାକିସ୍ତାନର ପୋଲ୍ ଖୋଲିବ ସର୍ବଦଳୀୟ ଟିମ୍, ସାମିଲ ହେବାକୁ ମନାକଲେ ୟୁସୁଫ