LIVE TV
ବଢ଼ିଲା ପାନ ଓ ଆଧାରକାର୍ଡ ଲିଙ୍କ୍ ଅବଧି । ଜୁନ୍ ୩୦କୁ ବଢ଼ାଇଲେ କେନ୍ଦ୍ର ସରକାର । ପୂର୍ବରୁ ଚଳିତ ମାର୍ଚ୍ଚ ମାସ ୩୧ ମଧ୍ୟରେ ପାନ ସହ ଆଧାର ଲିଙ୍କ୍ କରିବାକୁ ନିର୍ଦ୍ଦେଶ ଥିଲା । ହେଲେ ଏହାକୁ ଆଉ ତିନି ମାସ ଯାଏଁ ବୃଦ୍ଧି କରାଯାଇଛି । ଆଧାରକାର୍ଡ ସହ ପାନ୍ କାର୍ଡ ଲିଙ୍କ୍ ବାଧ୍ୟତାମୂଳକ ।
Also Read
‘ସରି ଆସୁଛି ସମୟ । ତୁରନ୍ତ କରନ୍ତୁ ଆଧାର କାର୍ଡ ସହ ପାନ୍ କାର୍ଡ ଲିଙ୍କ୍ । ନଚେତ ପଡ଼ିବେ ବଡ଼ ସମସ୍ୟାରେ । ସରକାରଙ୍କ ନୂଆ ଗାଇଡ୍ଲାଇନ୍ ଅନୁଯାୟୀ ୨୦୨୩ ଜୁନ୍ ୩୦ ତାରିଖ ହେଉଛି ଆଧାର କାର୍ଡ ସହ ପାନ୍ ଲିଙ୍କ୍ କରିବାର ଶେଷ ତାରିଖ । ତେଣୁ ଶେଷ ତାରିଖ ପୂର୍ବରୁ ଆଧାର କାର୍ଡ ସହ ପାନ୍ ଲିଙ୍କ୍ କରେଇ ନିଅନ୍ତୁ । IT ଆକ୍ଟ ୧୯୬୧ ଅନୁଯାୟୀ, ଦେଶର ପ୍ରତ୍ୟେକ ନାଗରିକ ଆଧାରକାର୍ଡ ସହ ପାନ ଲିଙ୍କ୍ କରିବାକୁ ବାଧ୍ୟ । ଏପ୍ରିଲ ପହିଲାରୁ ଆଉ ଚେଷ୍ଟା କଲେ ବି ଅଧାର କାର୍ଡ ସହ ପାନ୍ ଲିଙ୍କ କରାଯାଇପାରିବ ନାହିଁ ।’ ଏଭଳି ଏକ ବଡ଼ ନିଷ୍ପତ୍ତି ଶୁଣାଇଥିଲେ କେନ୍ଦ୍ର ସରକାର । ଏବେ ଏହି ସମୟ ସୀମାକୁ ସରକାର ପୁଣି ଥରେ ବଢ଼ାଇ ଦେଇଛନ୍ତି।
ଅଧିକ ପଢ଼ନ୍ତୁ: ଆପଣ ୧୦ ବର୍ଷ ପୂର୍ବେ ଆଧାର କାର୍ଡ ତିଆରି କରିଥିଲେ କି ? ଧ୍ୟାନ ଦିଅନ୍ତୁ…
୨୦୨୨ ମାର୍ଚ୍ଚ ୩୧ ପୂର୍ବରୁ ଆଧାର ସହ ପାନ୍ ଲିଙ୍କ୍ କରିବା ସମ୍ପୂର୍ଣ୍ଣ ମାଗଣା ଥିଲା । କିନ୍ତୁ ୨୦୨୨ ଏପ୍ରିଲ ୧ ପରଠାରୁ ୨୦୨୨ ଜୁନ୍ ୩୦ ମଧ୍ୟରେ ଯେଉଁମାନେ ଆଧାର ସହ ପାନ୍ ଲିଙ୍କ କରିଛନ୍ତି ସେମାନଙ୍କୁ ୫୦୦ ଟଙ୍କା ଦେବାକୁ ପଡ଼ିଲା । ଆଉ ଏବେ ଆପଣଙ୍କୁ ଦେବାକୁ ପଡ଼ୁଛି ୧୦୦୦ ଟଙ୍କା ।
ପାନ୍ ସହ ଆଧାର ଲିଙ୍କ୍ ନଥିଲେ ଅସୁବିଧା କ’ଣ ?
139AA, 1961 ଆକ୍ଟ ଅନୁଯାୟୀ ଦେଶର ପ୍ରତ୍ୟେକ ଟିକସ ଦାତା ପାନ୍ କାର୍ଡ ସହ ଆଧାର କାର୍ଡ ଲିଙ୍କ୍ କରିବା ବାଧ୍ୟତାମୂଳକ । ଏହା ନକରିଥିଲେ ଆପଣ ବଡ଼ ସମସ୍ୟାରେ ପଡ଼ିପାରନ୍ତି । ସେଗୁଡ଼ିକ ହେଳା...
ଅଚଳ ହେବ ପାନ୍
ଯଦି ପାନ୍ ସହ ଆଧାର ଲିଙ୍କ୍ ନହୁଏ ତେବେ ଆଗାମୀ ଜୁଲାଇ ୧ ତାରିଖଠାରୁ ପାନ୍ କାର୍ଡ ବା ଆପଣଙ୍କ ପାନ୍ ନମ୍ବର ଅଚଳ ହୋଇଯିବ । ଏହା ଦ୍ୱାରା ଆପଣଙ୍କୁ କୌଣସି ବି ବ୍ୟାଙ୍କ୍ ନେଣଦେଣରେ ସମସ୍ୟା ଦେଖାଦେବ । ଆଗକୁ ଆପଣ ନୂଆ ବ୍ୟାଙ୍କ ଆକାଉଣ୍ଟ ବି ଖୋଲି ପାରିବେ ନାହିଁ । ଏମିତିକି ମ୍ୟୁଚୁଆଲ ଫଣ୍ଡରେ ନିବେଶ ମଧ୍ୟ କରିପାରିବେ ନାହିଁ ।
ଟିକସ ଫାଇଲ କରିପାରିବେ ନାହିଁ
ପାନ୍ ସହ ଆଧାର ଲିଙ୍କ୍ ନଥିଲେ ଆପଣ ଆୟକର ପୈଠ କରିପାରିବେ ନାହିଁ । ଅର୍ଥାତ୍ ଇନ୍କମ୍ ଟାକ୍ସ ରିଟର୍ଣ୍ଣ ଫାଇଲ୍ କରିପାରିବେ ନାହିଁ । ଯାହାଦ୍ୱାରା ଆପଣଙ୍କୁ ମୋଟା ଅଙ୍କର ଜରିମାନା ମଧ୍ୟ ଦେବାକୁ ପଡ଼ିପାରେ । ପେଣ୍ଡିଂ ପଡ଼ିଥିବା ଆୟକର ରିଟର୍ଣ୍ଣ ମଧ୍ୟ ପ୍ରୋସେସିଂ ନହେବାର ସମ୍ଭାବନା ଅଧିକ ରହିଛି ।
ଦେବାକୁ ପଡ଼ିବ ମୋଟା ଅଙ୍କର ଜରିମାନା
ଯଦି ଆପଣଙ୍କ ପାନ୍ ସହ ଆଧାର ଲିଙ୍କ୍ ହୋଇନଥିବ ତେବେ ଆପଣଙ୍କୁ ଆୟକର ନିୟମ ଅନୁଯାୟୀ ମୋଟା ଅଙ୍କର ଜରିମାନା ଦେବାକୁ ପଡ଼ିପାରେ ।
ଅନେକ ଫାଇଦାରୁ ବଞ୍ଚିତ ହେବେ
ପାନ୍ ସହ ଆଧାର ଲିଙ୍କ୍ ନଥିଲେ ଆପଣ ଅନେକ ସୁବିଧାରୁ ବଞ୍ଚିତ ହେବେ । ଯେମିତିକି ସରକାରଙ୍କ ବିଭିନ୍ନ ଯୋଜନାରେ ଆପଣ ସାମିଲ ହୋଇପାରିବେ ନାହିଁ କିମ୍ବା ବିଭିନ୍ନ ଯୋଜନାରେ ଥିବା ସବ୍ସିଡି ଆପଣଙ୍କୁ ମିଳିବ ନାହିଁ । ତେଣୁ ତୁରନ୍ତୁ ଆପଣଙ୍କୁ ଲିଙ୍କ୍ କରେଇବାକୁ ହେବ ।
ତେବେ ଆଧାର ସହ ପାନ୍ ଲିଙ୍କ୍ ହେବା ପରେ କୌଣସି ଟିକସ ଦାତା ଆଉ ଟିକସ ଫାଙ୍କିପାରିବେ ନାହିଁ ବୋଲି କୁହାଯାଉଛି । ଏମିତି ପ୍ରତ୍ୟେକ ଟିକସ ଦାତାଙ୍କ ଉପରେ ସରକାରଙ୍କ ନଜର ରହିବ । କିଛି ଲୋକ ଏକାଧିକ ପାନ୍ କାର୍ଡ କରି ଟିକସ ଫାଙ୍କି ଆସୁଛନ୍ତି । ଆଧାର ସହ ପାନ୍ ଲିଙ୍କ ହେବା ପରେ ଏହି ଠକାମି ଆଉ ହୋଇପାରିବ ନାହିଁ ବୋଲି କୁହାଯାଉଛି ।
ଅନେକ ସରକାରୀ ଯୋଜନା ଏବେ ଆଧାର ସହ ଜଡ଼ିତ । ତେବେ ଏହା ପାନ୍ କାର୍ଡ ସହ ଯୋଡ଼ି ହେଲେ ସରକାରର ଯୋଜନାର ଅଯୋଗ୍ୟ ହିତାଧିକାରୀ ପଦାରେ ପଡ଼ିବାର ସମ୍ଭାବନା ରହିଛି । ଏହାସହ ସରକାରୀ ଯୋଜନାଗୁଡ଼ିକରେ ହେରଫେର ହେବାର ସମ୍ଭାବନା କମିଯିବ ।
