LIVE TV
ଗାଁରେ ଭାଲୁ ଆତଙ୍କ । ନବରଙ୍ଗପୁର ଉମରକୋଟ ବ୍ଲକ୍ ଅନ୍ତର୍ଗତ UV-୧୧ ନାଏକଗୁଡ଼ା ଗାଁରେ ଭାଲୁଟି ଖାଦ୍ୟ ଅନ୍ୱେଷଣରେ ପଶି ଆସିଥିଲା । ଲୋକଙ୍କ ଗହଳି ଦେଖି ଭାଲୁଟି ଭୟରେ ନିକଟରେ ଥିବା ଏକ ନିମ୍ବ ଗଛ ଉପରେ ଚଢ଼ି ଯାଇଛି । ଗଛ ଉପରେ ଭାଲୁକୁ ଦେଖି ଲୋକମାନେ ଆତଙ୍କିତ ହୋଇଛନ୍ତି ।
Also Read
ଖବର ପାଇ ଘଟଣାସ୍ଥଳରେ ବନ ବିଭାଗ ପକ୍ଷରୁ ଏକ ଟିମ୍ ପହଞ୍ଚି ଭାଲୁକୁ ଉଦ୍ଧାର କରିବାକୁ ଉଦ୍ୟମ ଜାରି ରଖିଛି । ବର୍ତ୍ତମାନ ପର୍ଯ୍ୟନ୍ତ ମଧ୍ୟ ଭାଲୁଟି ଗଛ ଉପରେ ରହିଥିବାର ଜଣାପଡିଛି । ଖବର ପ୍ରଚାର ହେବାପରେ ଭାଲୁକୁ ଦେଖିବାକୁ ସ୍ଥାନୀୟ ଲୋକଙ୍କ ଭିଡ଼ ଜମିଥିଲା । ଗତ କିଛି ଦିନ ତଳେ ଉମରକୋଟ ବୁର୍ଜା ଅଂଚଳରେ ମଧ୍ୟ ଦୁଇଟି ଭାଲୁ ଗାଁ ଭିତରେ ପଶି ଆତଙ୍କ ଚଳାଇଥିଲେ ।
ସେହିପରି, ଗତ ୫ ତାରିଖରେ ମଧ୍ୟ ମାଲକାନଗିରି ଜିଲ୍ଲା MV-୨୦ ଗ୍ରାମରେ ଭାଲୁଟି ଗଛ ଉପରେ ବସିଥିବା ଦେଖିବାକୁ ମିଳିଥିଲା । ଭାଲୁ ଦେହରେ ଦୁଇଟି ତୀର ବାଜିଥିବାର ଜଣାପଡିଥିଲା । ଭାଲୁକୁ କେହି ଶିକାର କରୁଥିବା ସମୟରେ ଭାଲୁ ଦେହରେ ଦୁଇଟି ତୀର ବାଜିଥିଲା ବୋଲି କୁହାଯାଉଛି। ଏହା ପରେ ଭାଲୁଟି ଭୟଭୀତ ହୋଇ ଆହତ ଅବସ୍ଥାରେ ଗଛରେ ଚଢିଯାଇଥିଲା । ସ୍ଥାନୀୟ ଲୋକେ ଭାଲୁଟିକୁ ଦେଖିବା ପରେ ବନ ବିଭାଗକୁ ଖବର ଦେଇଥିଲେ। ବନ ବିଭାଗର ଏକ ଟିମ ଭାଲୁଟିକୁ ଉଦ୍ଧାର କରିବାକୁ ସେଠାରେ ପହଞ୍ଚି ପ୍ରାୟ ୬ଘଣ୍ଟାର ଅପରେସନ ପରେ ଉଦ୍ଧାର କରିଥିଲା ।
