ଭିଟା ମାଟି ଛାଡିଦେଲେ ଗ୍ରାମବାସୀ, ଦୁର୍ଦ୍ଦିନରେ ବିତୁଛି ଜୀବନ

କରଞ୍ଜିଆ(ଦୀପକ ମହନ୍ତ): କିଛି ଅଭାବ ରହିବନି କହି ସରକାର ଉଠାଇଦେଲେ, ହେଲେ ୨ ବର୍ଷ ବିତିବା ପରେ ବି କେବଳ ଅଭାବରେ ବିତୁଛି ଜୀବନ । ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ବ୍ଲକରେ ବସବାସ କରୁଥିବା ଜନଜାତିଙ୍କ ଦୁଃଖ ଓ ଯାତନାରେ ଜୀବନ ବିତୁଛି ।

ଜଙ୍ଗଲ ସୁରକ୍ଷା ନାମରେ ଶିମିଳିପାଳ ଅଭୟାରଣ୍ୟ ଖେଜୁରୀ ଗାଁରୁ ଏମାନଙ୍କୁ ସ୍ଥାନୀୟ ସାଲେଇବେଡାକୁ ସ୍ଥାନାନ୍ତର କରିଥିଲା ବନ ବିଭାଗ ପ୍ରତିଶୃତି । ମୁତାବକ ଆବାସ ଯୋଜନାରେ ଘର ତ ଦିଆଯାଇଛି, ହେଲେ କେଉଁଠି ଛାତ ଖସି ପଡିଲାଣି ତ ଆଉ କେଉଠି କାନ୍ଥ ଫାଟି ଆଁ କଲାଣି । ୧୦ ଲକ୍ଷ ଟଙ୍କା କ୍ଷତି ପୂରଣ ରାଶିରେ ସୁଧ ବାବଦ ଯେତିକି ମିଳୁଛି ତାହା ମଧ୍ୟ ପରିବାର ପୋଷଣ ପାଇଁ ଅଣ୍ଟୁନାହିଁ । ଏଭଳି ଅବସ୍ଥାରେ ଆଖପାଖ ଗାଁରେ ମୂଲ ମଧ୍ୟ ମିଳୁନଥିବାରୁ ଘାରିଛି ଜୀବନ ଜୀବିକା ଚିନ୍ତା ।

ପ୍ରାୟ ୨ ବର୍ଷ ତଳେ ଏମାନଙ୍କୁ ସ୍ଥାନାନ୍ତର କରି ଥଇଥାନ କରିଥିଲା ବନ ବିଭାଗ । ଥଇଥାନ ବେଳେ ଦିଆଯାଇଥିଲା ପୁଳା ପୁଳା ପ୍ରତିଶୃତି, ହେଲେ ପ୍ରତିଶୃତି କଥା ଛାଡନ୍ତୁ ଏବେ ମୌଳିକ ସୁବିଧା ସୁଯୋଗରୁ ବି ବଞ୍ଚିତ । ବିସ୍ଥାପିତ ହୋଇଥିବା ପ୍ରାୟ ୧୧୦ଟି ପରିବାର ଏପରିକି ପାଣି, ବିଜୁଳି ଓ ସଡକ ଭଳି ସୁବିଧା ସୁଯୋଗ ବି ଜୁଟିନାହିଁ  ଏମାନଙ୍କ ନିକଟରେ ।  ସେପଟେ ବନଖଣ୍ଡ ଅଧିକାରୀ କହିଛନ୍ତି ସବୁ ବିଭାଗକୁ ଚିଠି କରାଯାଇଛି, ଶୀଘ୍ର ସମାଧାନ ହୋଇଯିବ