ଗାଁରେ ମହାବଳ ବାଘ ଆତଙ୍କ ! ଦୁଃଖ ବୁଝୁନି ବନ ବିଭାଗ

କୋରାପୁଟ ଜିଲ୍ଲା କୋଟିଆ ପଞ୍ଚାୟତରେ ମହାବଳ ଆତଙ୍କ । ଏହି ପଞ୍ଚାୟତର ଫାଟୁସିନେରୀ, ହରମାଣ୍ଡିଙ୍ଗି ଓ ଫଗୁଣଶିନେରି ନିକଟ ଆନ୍ଧ୍ର ପ୍ରଦେଶ ସୀମାରେ କିଛି ଦିନ ହେଲା ଗୋଟିଏ ମହାବଳ ବାଘ ବୁଲୁଥିବାର ଚର୍ଚ୍ଚା ହେଉଛି । କିଛି ଦିନ ଭିତରେ ସେହି ବାଘଟି ଦୁଇଟି ଗାଈକୁୁ ମାରିଥିବା ବେଳେ ଗୋଟିଏ ବାଛୁରୀକୁ ମଧ୍ୟ ଆକ୍ରମଣ କରିଥିବା କୁହାଯାଉଛି ।

ଆନ୍ଧ୍ର ସରକାରଙ୍କ ବନ ବିଭାଗ ଅଧିକାରୀମାନେ ଏହି ସୀମାବର୍ତ୍ତୀ ଗାଁରେ ବାଘର ଉପସ୍ଥିତି ନେଇ ଅନୁଧ୍ୟାନ କରିଛନ୍ତି । ବାଘର ପାଦ ଚିହ୍ନ ପରଖି ଏହା ୧୨ ସେଣ୍ଟିମିଟର ବୋଲି ଜଣାପଡ଼ିଛି । ଆନ୍ଧ୍ର ସୀମା ପଟେ ମହାବଳ ବୁଲୁଥିବା କୁହାଯାଉଥିଲେ ମଧ୍ୟ କୋଟିଆର ଲୋକଙ୍କ ସୁରକ୍ଷା ପାଇଁ ଓଡ଼ିଶା ବନ ବିଭାଗ କିଛି କରୁନାହିଁ ବୋଲି ସେମାନେ ଅଭିଯୋଗ କରିଛନ୍ତି । ଏହାକୁ ନେଇ ଦେଖାଦେଇଛି ଅସନ୍ତୋଷ ।