ବାଘଙ୍କ ପାଇଁ ଲାଗିଥିଲା CCTV, ଧରାପଡ଼ିଗଲା ଦୁର୍ଦ୍ଦାନ୍ତ ଶିକାରୀ

ଶିମିଳିପାଳ ଅଭ୍ୟାୟରଣ୍ୟରେ ବାଘ ଗଣନା ପାଇଁ ବିଭିନ୍ନ ସ୍ଥାନରେ ଲାଗିଥିଲା ଟ୍ରାପ୍‌ କ୍ୟାମେରା। ବାଘ ଗଣନା ସହ ଏହି କ୍ୟାମେରା ମାଧ୍ୟମରେ ଶିମିଳିପାଳ କର୍ତ୍ତୁପକ୍ଷଙ୍କୁ ମିଳିଛି ବଡ଼ ସଫଳତା। ଏହି ଟ୍ରାପ୍‌ କ୍ୟାମେରା ଦ୍ୱାରା ଏବେ ଧରାପଡ଼ିଲା ଶିକାରୀ। ସୋସିଆଲ ମିଡିଆ ପ୍ଲାଟଫର୍ମ ‘X’ରେ ଏହି ସୂଚନା ଦେଇଛନ୍ତି PCCF ସୁଶାନ୍ତ ନନ୍ଦ।

This is Baiga Ho, notorious for poaching.Was Seen in several cameras in Similipal recently. Staff traced him and arrested. Now solid proof to convict him.

For securing Simlipal Tiger Reserve, remote IR cameras have been installed all around for continuous 24x7 monitoring. pic.twitter.com/6E9VCoq0eq

— Susanta Nanda (@susantananda3) February 27, 2024

PCCF ‘X’ରେ ଏକ ଫଟୋ ସେୟାର କରିବା ସହ ଲେଖିଛନ୍ତି କି, ‘ଫଟୋରେ ଥିବା ବ୍ୟକ୍ତି ଜଣକ ହେଉଛନ୍ତି ବାଇଗା ହୋ। ସେ ଜଣେ କୁଖ୍ୟାତ ଶିକାରୀ। ତେବେ ନିକଟରେ ଶିମିଳିପାଳରେ ଲାଗିଥିବା ଅନେକ କ୍ୟାମେରାରେ ଏହି ଶିକାରୀ ଜଣକ ନଜର ଆସିଥିଲା। କ୍ୟାମେରାରେ କଏଦ ହେବା ପରେ ଶିମିଳିପାଳ ଅଭ୍ୟାୟରଣ୍ୟର କର୍ମଚାରୀ ତାକୁ ଚିହ୍ନଟ କରିବା ସହ ଗିରଫ ମଧ୍ୟ କରିଥିଲେ। ତାକୁ ଦୋଷୀ ପ୍ରମାଣ କରିବାକୁ ଆମ ପାଖରେ ଯଥେଷ୍ଟ ପରିମାଣର ପ୍ରମାଣ ରହିଛି ବୋଲି କହିଛନ୍ତି ସୁଶାନ୍ତ ନନ୍ଦ।

ସେ ଆହୁରି କହିଛନ୍ତି କି, ଶିମିଳିପାଳ ଅଭ୍ୟାୟରଣ୍ୟକୁ ସୁରକ୍ଷିତ ରଖିବା ପାଇଁ ଜଙ୍ଗଲ ମଧ୍ୟରେ ରିମୋଟ୍‌ ଆଇଆର କ୍ୟାମେରା ଲଗାଯାଇଛି। ଏହା ମାଧ୍ୟମରେ ୨୪ ଘଣ୍ଟା ନଜର ରଖାଯାଉଛି ବୋଲି ସୁଶାନ୍ତ ନନ୍ଦ କହିଛନ୍ତି। ତେବେ ଦିନକୁ ଦିନ ଶିମିଳିପାଳ ଅଭ୍ୟାୟରଣ୍ୟରେ ଶିକାରୀଙ୍କ ପ୍ରାର୍ଦୁଭାବ ବଢ଼ିବାରେ ଲାଗିଛି। ବିଗତ ୩ ବର୍ଷରେ ଶିମିଳିପାଳ ଅଭ୍ୟାୟରଣ୍ୟରୁ ୪୫୦ଟି ଦେଶୀ ବନ୍ଧୁକ ଜବତ କରାଯାଇଥିଲା।