ବନ୍ୟା ଭାଙ୍ଗିଦେଲା ଚାଷୀଙ୍କ ମେରୁଦଣ୍ଡ, ଧୋଇନେଲା ଧାନ ତଳି ! ଏବେ ସାର ବି ମିଳୁନି

କେନାଲ ପାଣି ଆସୁନଥିବାରୁ ଚାଷୀ ବର୍ଷକୁ ଗୋଟିଏ ସାରଦ ଧାନ ଚାଷ କରି ପରିବାର ପ୍ରତିପୋଷଣ କରେ । ହେଲେ ସେହି ଧାନଚାଷକୁ ଏବେ ବନ୍ୟା ଉଜାଡି ଦେଇଛି ।

କେଉଁଠି ବନ୍ୟା ଧୋଇନେଲା ଧାନ ତଳି ତ ଆଉ କେଉଁଠି ସାରର ଅଭାବି ବିକ୍ରି । ଯାହାଫଳରେ ଚିନ୍ତାରେ ପଡ଼ିଛି ଚାଷୀ । ଏବେ ଖୋର୍ଦ୍ଧା ଜିଲ୍ଲା ଜୟଦେବ ନିର୍ବାଚନ ମଣ୍ଡଳି ଚାଷୀଙ୍କ ମେରୁଦଣ୍ଡ ଦୋହଲାଇ ଦେଇଛି ବନ୍ୟା । ଏହି ଅଞ୍ଚଳକୁ କେନାଲ ପାଣି ଆସୁନଥିବାରୁ ଚାଷୀ ବର୍ଷକୁ ଗୋଟିଏ ସାରଦ ଧାନ ଚାଷ କରି ପରିବାର ପ୍ରତିପୋଷଣ କରେ । ହେଲେ ସେହି ଧାନଚାଷକୁ ଏବେ ବନ୍ୟା ଉଜାଡି ଦେଇଛି ।

ସେପଟେ ବାଲେଶ୍ୱର ନୀଳଗିରି ଅଞ୍ଚଳର ଚାଷୀଙ୍କୁ ସଠିକ ମାତ୍ରାରେ ମିଳୁନି ସାର । ଯାହା ବି ମିଳୁଛି ଚଢା ଦରରେ । ଏଭଳି ଅଭିଯୋଗ ଉଠାଇଛନ୍ତି ଖୋଦ୍‌ ଚାଷୀ ।

Also Read

ଦାଉଦକୁ ଧରିବା ପାଇଁ NIA ତତ୍ପର, ନେଲା ବଡ଼ ପଦକ୍ଷେପ ! ନୂଆ ଫଟୋ ବି ଜାରି କଲା

ସୁସ୍ଥ ହେଉଛି ଯୋଡ଼ାମୁଣ୍ଡ ଶିଶୁ ଜଗା, ବାପାଙ୍କ ସହ ଯାଇ ଚା’ ପିଉଛି ପାର୍କ ବୁଲୁଛି

ପ୍ରେମିକ ଘର ଆଗରେ ୧୦୮ ଦୀପ ଜାଳିଲେ ଦୀପିକା

ଏବେ ପଚି ଷଢ଼ି ବିଲରେ ପଡିଛି ଧାନ ଗଛ । ରୁଆ ସରିଥିବା ଧାନ ଜମି ଏବେ ଫାଙ୍କା ପଡିଛି । ବନ୍ୟା ଧୋଇ ନେଇଛି ସବୁ କିଛି । ଧାର କରଜ ଓ ଋଣ ଟଙ୍କା କିପରି ସୁଝିବେ ଚାଷୀ ? କେମିତି ବର୍ଷ ତମାମ ପରିବାର ପୋଷଣ କରିବେ ସେହି ଚିନ୍ତାରେ ଚାଷୀ । ଖୋର୍ଦ୍ଧା ଜିଲ୍ଲା ଜୟଦେବ ନିର୍ବାଚନ ମଣ୍ଡଳୀ ଅଞ୍ଚଳର ଚାଷ ଜମିର ଦେଖିଲେ ଆଖିରୁ ଆପେ ଲୁହ ଗଡ଼ିଆସିବ । ମୁଖ୍ୟତଃ ଧାନ ଚାଷ ଏଠାକାର ଚାଷୀଙ୍କ ମୁଖ୍ୟ ଫସଲ । ସେହି ଚାଷରୁ ଯାହା ଆୟ ହୁଏ, ଚାଷୀ ବର୍ଷ ତମାମ୍ ପରିବାର ଚଳାଏ ।

ଚଳିତବର୍ଷ ଚାଷୀର ସେହି ଭାତ ହାଣ୍ଡି ସାରଦ ଧାନ ଫସଲକୁ ଉଜାଡ଼ି ଦେଇଛି ବନ୍ୟା । ଭାର୍ଗବୀ ନଦୀର ଅଚ୍ୟୁତପୁର ନାଳ ଦେଇ ବନ୍ୟାପାଣି ଆସି ଦୁଇ ସପ୍ତାହ ଧରି ଧାନ କ୍ଷେତରେ ଜମି ରହିଲା । ଫଳରେ କଅଁଳିଆ ଧାନ ଗଛ ପଚି ସଢ଼ି ନଷ୍ଟ ହୋଇଯାଇଛି । ଏବେ ସରକାର କ୍ଷତିପୂରଣ ଯୋଗାଇ ଦେବାକୁ ଚାଷୀ ମହଲରେ ଦାବି ଉଠିଛି ।

ସେପଟେ ବାଲେଶ୍ୱରରେ ଚାଷୀଙ୍କୁ ଘାରିଛି ସାର ଚିନ୍ତା । କିଏ କାନ୍ଧରେ ତ, କିଏ ସାଇକେଲରେ । ଯାହା ସାର ପାଉଛନ୍ତି ବୋହି ନେଉଛନ୍ତି । ହେଲେ ଚାହିଦା ଅନୁଯାୟୀ ସାର ସେଭଳି ମିଳୁ ନଥୁବା ଅଭିଯୋଗ କରିଛନ୍ତି ଚାଷୀ । ବାଲେଶ୍ୱର ନୀଳଗିରି ଏନଏସି ଅଧିନ ୪ ନମ୍ବର ଓ୍ୱାର୍ଡ ମିରିଗିଣୀ ଅଞ୍ଚଳର ଚାଷୀ ସାରଥୀ ବେହେରା କହିଛନ୍ତି, ସାର ଆଣିବାକୁ ନୀଳଗିରି ଯାଇଥିଲେ ହେଲେ ଦୋକାନୀ ସାର ଅଭାବ ଥିବା କହିବା ସହ ଅନ୍ୟ ଏକ ସମୟରେ ଆସିବାକୁ କହିଛନ୍ତି । କେବଳ ଏହି ଜଣେ ଚାଷୀ ନୁହଁନ୍ତି, ଔପଦା ଅଞ୍ଚଳର ଚାଷୀ ମଧ୍ୟ ଚଢା ଦରରେ ସାର କିଣୁଥିବା ଅଭିଯୋଗ କରିଛନ୍ତି ।