ବ୍ୟବସ୍ଥାର ମୁଖା ଖୋଲିଲେ ନବମ ଶ୍ରେଣୀର ଛାତ୍ର, ଖାତାରେ ଉତ୍ତର ନ ଲେଖି, ଅବ୍ୟବସ୍ଥା ବିରୋଧରେ ଲେଖିଲେ

ପରୀକ୍ଷା ଖାତାରେ ପ୍ରତିବାଦ । ବିଦ୍ୟାଳୟରେ ଶିକ୍ଷକ ଅଭାବର ପ୍ରତିବାଦ ଜଣାଇଲେ ନବମ ଶ୍ରେଣୀର ଛାତ୍ର । ଖାତାରେ ଉତ୍ତର ନ ଲେଖି, ଅବ୍ୟବସ୍ଥା ବିରୋଧରେ ଖୋଲାଖୋଲି ଲେଖି ଜଣାଇଛନ୍ତି ଛାତ୍ର । ଯାଜପୁର ବ୍ଲକ ଖଇରାବାଦ ପଂଚାୟତର ପ୍ରହ୍ଲାଦଚନ୍ଦ୍ର ବ୍ରହ୍ମଚାରୀ ଉଚ୍ଚ ବିଦ୍ୟାଳୟର ଜଣେ ଛାତ୍ରଙ୍କ ଉତ୍ତର ଖାତାକୁ ନେଇ ଚର୍ଚ୍ଚା। ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି।

ଏହି ସ୍କୁଲରେ ସଂସ୍କୃତ ଶିକ୍ଷକ ପଦବୀ ଦୀର୍ଘ ଦିନ ହେବ ପୂରଣ ହେଉ ନ ଥିବାରୁ ପିଲାଏ, ପାଠ ପଢିନଥିବା ଅଭିଯୋଗ କରିଛନ୍ତି । ତେଣୁ ସଂସ୍କୃତ ବିଷୟ ଉତ୍ତର ଖାତାରେ, ଆମର ପାଠ ପଢା ହୋଇନି, ଅଧିକ କିଛି ଆଶା କରନ୍ତୁ ନାହିଁ ବୋଲି ଲେଖିଛନ୍ତି। ସେପଟେ ଏ ଘଟଣା ଜଣାପଡ଼ିବା ପରେ କିଛି ଅଭିଭାବକ ସ୍କୁଲକୁ ଆସି ସ୍କୁଲ କର୍ତ୍ତୁପକ୍ଷଙ୍କ ସହ ଆଲୋଚନା ବେଳେ ଉଭୟ ପକ୍ଷ ମଧ୍ୟରେ କଥା କଟାକଟି ହୋଇଥିବା ଦେଖିବାକୁ ମିଳିଥିଲା।