କଡ଼ାକଡ଼ି ହେଲା ଟ୍ରାଫିକ୍‌ ନିୟମ, ଏଣିକି ଟିକିଏ ଏପଟ ସେପଟ ହେଲେ ସିଧା ଡ୍ରାଇଭିଂ ଲାଇସେନ୍ସ ରଦ୍ଦ

ଭୁବନେଶ୍ୱର: କଡ଼ାକଡ଼ି ହେଲା ଟ୍ରାଫିକ୍‌ ନିୟମ । ଏଣିକି ଟିକିଏ ଏପଟ ସେପଟ ହେଲେ ସିଧା ଡ୍ରାଇଭିଂ ଲାଇସେନ୍ସ ରଦ୍ଦ ହେବ । ଏନେଇ ବିଭାଗ ପକ୍ଷରୁ ସୂଚନା ଦିଆଯାଇଛି । ସମସ୍ତ ଆଞ୍ଚଳିକ ପରିବହନ ଅଧତ୍କାରୀଙ୍କୁ ଟ୍ରନ୍ସପୋର୍ଟ କମିଶନର ଚିଠି ଲେଖିଛନ୍ତି । ଏଥିପ୍ରତି ଗୁରୁତ୍ୱ ଦେବା ପାଇଁ ଚିଠିରେ କଡ଼ା ନିର୍ଦେଶ ରହିଛି । ଟ୍ରାଫିକ୍‌ ନିୟମକୁ ଯେଭଳି ସମସ୍ତେ କଡ଼ାକଡ଼ି ଭାବେ ପାଳନ କରିବେ ସେନେଇ ଦୃଷ୍ଟି ଦେବାକୁ ସବୁ ଆଞ୍ଚଳିକ ପରିବହନ ଅଧିକାରୀକୁ କୁହାଯାଇଛି । ଏକ୍ଷେତ୍ରରେ ସୁପ୍ରିମକୋର୍ଟ କମିଟିର ନିର୍ଦ୍ଦେଶ ଲାଗୁ କରିବାକୁ ମଧ୍ୟ ଚିଠିରେ ଉଲ୍ଲେଖ ରହିଛି ।

ମୋଟରଯାନ ଆଇନ ଉଲ୍ଲଙ୍ଘନ କଲେ ଡ୍ରାଇଭିଂ ଲାଇସେନ୍ସ ରଦ୍ଦ ହେବ । ପ୍ରଥମ ଥର ପାଇଁ ମୋଟର ଯାନ ଆଇନ୍‌ ଉଲଂଘନ କଲେ ୩ ମାସ ଯାଏଁ ଅସ୍ଥାୟୀ ଭାବେ ଗାଡ଼ି ଚାଳକଙ୍କ ଡ୍ରାଇଭିଂ ଲାଇସେନ୍ସ ରଦ୍ଦ କରାଯିବ । ବାରମ୍ବାର ଯଦି ଏଭଳି ଭୁଲ ହୁଏ ତେବେ ଏଥିପ୍ରତି କଡ଼ା କାର୍ଯ୍ୟନୁଷ୍ଠାନ ନିଆଯିବ ।

Also Read

ଗେ-ଲେସ୍‌ବିଆନ୍‌ଙ୍କୁ ଖୋଜି ଖୋଜି ମାରୁଛି ତାଲିବାନ

ତାଲିବାନି ଦୁର୍ଦ୍ଦଶାର ଲୋମଟାଙ୍କୁରା ଅନୁଭୂତି କହିଲେ ଆଫଗାନର ମହିଳା ମେୟର

ସଲମାନଙ୍କୁ ଅଟକାଇଥିବା CISF ଏଏସ୍‌ଆଇଙ୍କୁ ହଇରାଣ କରିଥିବା ଖବର ଗୁଜବ

ସୂଚନାଯୋଗ୍ୟ, ଧାର୍ଯ୍ୟ ନିୟମଠାରୁ ଅଧତ୍କ ବେଗରେ ଗାଡ଼ି ଚଳାଇଲେ ଲାଇସେନ୍ସ ରଦ୍ଦ କରାଯିବ ବୋଲି କମିଶନର ଚିଠିରେ ଉଲ୍ଲେଖ କରିଛନ୍ତି । ଖାଲି ସେତିକି ନୁହେଁ ଓଭରଲୋଡ୍ କିମ୍ବା ମଦ୍ୟପାନ କରି ଗାଡ଼ି ଚାଳନା କଲେ ମଧ୍ୟ ଡ୍ରାଇଭିଂ ଲାଇସେନ୍ସ ରଦ୍ଦ ହେବ । ହେଲମେଟ୍ ପିନ୍ଧି ନଥିଲେ କିମ୍ବା ଗାଡ଼ି ଚଳାଉଥିବା ବେଳେ ମୋବାଇଲ ବ୍ୟବହାର କଲେ ମଧ୍ୟ ଲାଇସେନ୍ସ ରଦ୍ଦ ହେବ ।

ସେହିଭଳି ରେଡ୍ ଲାଇଟ୍ ଉଲ୍ଲଙ୍ଘନ କିମ୍ବା ରଙ୍ଗ୍‌ରୁଟ୍‌ରେ ଡ୍ରାଇଭ୍ କଲେ ମଧ୍ୟ ଲାଇସେନ୍ସ ରଦ୍ଦ ହେବାର ସମ୍ଭାବନା ରହିଛି । ଅନ୍ୟପଟେ ଆଇନ ଉଲ୍ଲଙ୍ଘନ କ୍ଷେତ୍ରରେ ତୁରନ୍ତ କାର୍ଯ୍ୟନୁଷ୍ଠାନ ଗ୍ରହଣ କରିବା ପାଇଁ ଚିଠିରେ ସବୁ ଆଞ୍ଚଳିକ ପରାବହନ ଅଧିକାରୀଙ୍କୁ ନିର୍ଦ୍ଦେଶ କମିଶନର ନିର୍ଦେଶ ଦେଇଛନ୍ତି ।

OTV is now on Whatsapp

Join and get latest news update delivered to you via whatsapp

Join Now